ಕರೀನಾ ಕಪೂರ್ ಖಾನ್ ಗೆ ಕಮ್ಮಿ ಆಗಿಲ್ಲ ಬೇಡಿಕೆ: ಸಂಭಾವನೆ ದಿಢೀರ್ ಏರಿಕೆ.!

ಕರೀನಾ ಸಂಭಾವನೆ ಏರಿಕೆ.!

ಇಲ್ಲಿಯವರೆಗೂ ಚಿತ್ರವೊಂದಕ್ಕೆ 5 ರಿಂದ 7 ಕೋಟಿವರೆಗೂ ನಟಿ ಕರೀನಾ ಕಪೂರ್ ಖಾನ್ ಸಂಭಾವನೆ ಪಡೆಯುತ್ತಿದ್ದರು. ಆದ್ರೀಗ, 'ವೀರೇ ದಿ ವೆಡ್ಡಿಂಗ್' ಯಶಸ್ಸು ಗಳಿಸಿದ ಬಳಿಕ ಬರೋಬ್ಬರಿ 10 ಕೋಟಿಗೆ ತಮ್ಮ ಸಂಭಾವನೆಯನ್ನ ಕರೀನಾ ಕಪೂರ್ ಖಾನ್ ಹೈಕ್ ಮಾಡಿಕೊಂಡಿದ್ದಾರೆ.

ಕರೀನಾ ಕೈಯಲ್ಲಿದೆ ಸಾಲು ಸಾಲು ಸಿನಿಮಾಗಳು.!

'ವೀರೇ ದಿ ವೆಡ್ಡಿಂಗ್' ಬಳಿಕ ಕರೀನಾ ಕಪೂರ್ ಖಾನ್ 'ಗುಡ್ ನ್ಯೂಸ್' ಸಿನಿಮಾದಲ್ಲಿ ಬಿಜಿಯಾಗಿದ್ದಾರೆ. ಶಾರುಖ್ ಖಾನ್ ಅಭಿನಯದ 'ಸಲ್ಯೂಟ್' ಹಾಗೂ ಕರಣ್ ಜೋಹರ್ ಪ್ರೊಡಕ್ಷನ್ ನಲ್ಲೂ ಕರೀನಾ ಕೆಲಸ ಮಾಡುವ ಸಾಧ್ಯತೆ ಇದೆ.

ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪಟ್ಟಿಯಲ್ಲಿ ಕರೀನಾ.!

ವರದಿಗಳ ಪ್ರಕಾರ, ಇಲ್ಲಿಯವರೆಗೂ ಬಾಲಿವುಡ್ ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುತ್ತಿದ್ದವರು ನಟಿಯರಾದ ದೀಪಿಕಾ ಪಡುಕೋಣೆ ಹಾಗೂ ಕಂಗನಾ ರಣೌತ್. ಇದೀಗ ಇದೇ ಪಟ್ಟಿಗೆ ಕರೀನಾ ಕಪೂರ್ ಖಾನ್ ಲೇಟೆಸ್ಟ್ ಆಗಿ ಎಂಟ್ರಿಕೊಟ್ಟಿದ್ದಾರೆ.

ದೀಪಿಕಾ-ಕಂಗನಾ ಸಂಭಾವನೆ ಎಷ್ಟು.?

ದೀಪಿಕಾ ಚಿತ್ರವೊಂದಕ್ಕೆ 13 ಕೋಟಿ ಪಡೆಯುತ್ತಾರೆ. ಇನ್ನೂ ಕಂಗನಾ ಸಂಭಾವನೆ 11 ಕೋಟಿ ಮುಟ್ಟಿದೆ ಎನ್ನಲಾಗಿತ್ತು. ಇದೀಗ ಕರೀನಾ ಕಪೂರ್ ಸಂಭಾವನೆ 10 ಕೋಟಿಗೆ ಬಂದು ತಲುಪಿದೆ. ಕೆಲ ನಟರಿಗೆ ಹೋಲಿಸಿದರೆ, ಬಾಲಿವುಡ್ ನಲ್ಲಿ ಈ ಬೆಡಗಿಯರಿಗೆ ಸಂಭಾವನೆ ಹೆಚ್ಚು.! ನಂಬುವುದು ಕಷ್ಟ ಆದರೂ ಇದೇ ಸತ್ಯ.