ಮಲ್ಲಿಕಾ ನಡುರಾತ್ರಿ ಪ್ರೋಗ್ರಾಂಗೆ 1.5 ಕೋಟಿ

ಇದು ಒಂದು ರೀತಿ 'ನಡು'ವಿಗೆ ಸಂಬಂಧಿಸಿದ ವಿಚಾರ. ಬಾಲಿವುಡ್ ಬಳುಕುವ ಚೆಲುವೆಯರೆಲ್ಲಾ ಈಗಾಗಲೆ 'ನಡು'ರಾತ್ರಿ ಕಾರ್ಯಕ್ರಮಗಳಿಗೆ ಬುಕ್ ಆಗಿದ್ದಾರೆ. ನಡುಕುಣಿಸಲು ಸಾಧ್ಯವಾಗದಿದ್ದವರು ನೆಲ ಡೊಂಕು ಎನ್ನುತ್ತಿದ್ದಾರೆ.

ಅಸಲಿ ವಿಷಯ ಏನೆಂದರೆ 2013ರ ಹೊಸವರ್ಷದ ಸ್ವಾಗತಕ್ಕೆ ಬಾಲಿವುಡ್ ನಟಿಯರು ಟೊಂಕ ಕಟ್ಟಿ ನಿಂತಿದ್ದಾರೆ. ಕೆಲವರು ನಮ್ಮ ದೇಶದಲ್ಲೇ ಝಣ ಝಣ ಕಾಂಚಾಣ ಎಣಿಸುತ್ತಿದ್ದರೆ. ಪಂಚತಾರಾ, ಸಪ್ತತಾರಾ ಹೋಟೆಲ್ ಗಳೆಲ್ಲಾ ಬಾಲಿವುಡ್ ತಾರೆಗಳ ಹಿಂದೆ ಬಿದ್ದಿವೆ. ಆದರೆ ಮಲ್ಲಿಕಾ ಶೆರಾವತ್ ಮಾತ್ರ ಲಾಸ್ ಏಂಜಲೀಸ್ ನಲ್ಲಿ ಕುಣಿಯಲು ಮುಂಗಡ ಬುಕ್ ಆಗಿದ್ದಾರೆ.

ಮಲ್ಲಿಕಾ ಶೆರಾವತ್ ಗ್ಯಾಲರಿ

ಇನ್ನೊಂದು ಮೂಲಗಳ ಪ್ರಕಾರ, ಹೊಸ ವರ್ಷಕ್ಕೆ ಕುಣಿಯಲು ಅತಿಹೆಚ್ಚು ದುಡ್ಡು ಎಣಿಸುತ್ತಿರುವ ತಾರೆಯಾಗಿ ಮಲ್ಲಿಕಾ ಶೆರಾವತ್ ಇನ್ನೊಂದು ದಾಖಲೆಗೂ ಕಾರಣರಾಗಿದ್ದಾರೆ. ಕಳೆದ ವರ್ಷ ಕೇವಲ ಒಂದೇ ಒಂದು ನಿಮಿಷಕ್ಕೆ ಕುಣಿಯಲು ರು.4 ಲಕ್ಷ ಫಿಕ್ಸ್ ಮಾಡಿಕೊಂಡಿದ್ದರು.

ಮುಂಬೈ, ದೆಹಲಿಯ ಹಲವಾರು ಪಂಚತಾರಾ ಹೋಟೆಲ್ ಗಳಲ್ಲಿ ಕುಣಿದು ಒಂದು ವರ್ಷಕ್ಕಾಗುವಷ್ಟು ಸಂಪಾದನೆಯನ್ನು ಒಂದೇ ರಾತ್ರಿ ಎಣಿಸಿದ್ದರು ಜಿಲೇಬಿ ಗರ್ಲ್. ಈಗಾಗಲೆ ಸಿದ್ಧತೆಗಳನ್ನು ಮಾಡಿಕೊಂಡಿದ್ದು ಅಂತಾರಾಷ್ಟ್ರೀಯ ಪ್ರೇಕ್ಷಕರನ್ನು ಬುಟ್ಟಿಗೆ ಹಾಕಿಕೊಳ್ಳಲು ಸಿದ್ಧವಾಗಿದ್ದಾರೆ. (ಏಜೆನ್ಸೀಸ್)