ಆಲಿಯಾ ಭಟ್, ಮಹೇಶ್ ಭಟ್ ಸಿನಿಮಾ ಬಹಿಷ್ಕಾರಕ್ಕೆ ಒತ್ತಾಯ

ಸಿನಿಮಾ ಬಹಿಷ್ಕರಿಸುವಂತೆ ಕರೆ

ಆಲಿಯಾ ಭಟ್, ಆದಿತ್ಯ ರಾಯ್ ಕಪೂರ್, ಸಂಜಯ್ ದತ್, ಪೂಜಾ ಭಟ್ ನಟನೆಯ ಸಡಕ್ 2 ಸಿನಿಮಾ ಕೆಲವೇ ದಿನಗಳಲ್ಲಿ ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆ ಆಗಲಿದೆ. ಆ ಸಿನಿಮಾವನ್ನು ಬಹಿಷ್ಕಾರ ಮಾಡುವಂತೆ ಕರೆ ನೀಡಲಾಗಿದೆ. ಐಎಂಬಿಡಿ ರೇಟಿಂಗ್ಸ್ ತಗ್ಗಿಸುವಂತೆ ಸಹ ಕರೆ ನೀಡಲಾಗಿದೆ.

ಸಡಕ್ 2 ನ ಎಲ್ಲರೂ ಸ್ವಜನಪಕ್ಷಪಾತದ ಉತ್ಪನ್ನಗಳೇ!

ಇಡೀಯ ಸಿನಿಮಾವೇ ಸ್ವಜನಪಕ್ಷಪಾತದ ಕಾರ್ಖಾನೆ. ಸಿನಿಮಾದಲ್ಲಿರುವ ನಟರೆಲ್ಲಾ ನೆಪೊಟಿಸಮ್ (ಸ್ವಜನಪಕ್ಷಪಾತ)ದ ಉತ್ಪನ್ನಗಳೇ. ಮಹೇಶ್ ಭಟ್ ಮಕ್ಕಳಾದ ಆಲಿಯಾ, ಪೂಜಾ. ಸುನಿಲ್ ದತ್, ನರ್ಗಿಸ್ ಮಗನಾದ ಸಂಜಯ್ ದತ್, ನಟ ರಾಯ್ ಕಪೂರ್, ನಟಿ ಸಲೋಮೆ ರಾಯ್ ಕಪೂರ್ ಪುತ್ರ ಆದಿತ್ಯ ರಾಯ್ ಕಪೂರ್ ಇವರೆಲ್ಲರೂ ಮುಖ್ಯ ಭೂಮಿಕೆಯಲ್ಲಿದ್ದಾರೆ.

ಸುಶಾಂತ್ ಪ್ರಕರಣದಲ್ಲಿ ಮಹೇಶ್ ಭಟ್ ಅನ್ನು ವಿಚಾರಣೆ ಮಾಡಲಾಗಿದೆ

ಬಾಲಿವುಡ್ ಸ್ವಜನಪಕ್ಷಪಾತದ ಪಿತಾಮಹರಲ್ಲಿ ಮಹೇಶ್ ಭಟ್ ಸಹ ಒಬ್ಬರು ಎಂದು ಆರೋಪಿಸಲಾಗಿದ್ದು. ಸುಶಾಂತ್ ಸಿಂಗ್ ಸಾವಿನ ಮುಖ್ಯ ಆರೋಪಿ ರಿಯಾ ಚಕ್ರವರ್ತಿ ಜೊತೆಗೆ ಆಪ್ತ ಸಂಬಂಧವನ್ನು ಅವರು ಹೊಂದಿದ್ದಾರೆ. ಹಾಗಾಗಿ ಅವರನ್ನೂ ಸಹ ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದರು. ಹಾಗಾಗಿ ಅವರ ನಿರ್ದೇಶನದ ಸಡಕ್ 2 ಸಿನಿಮಾವನ್ನು ಬಹಿಷ್ಕರಿಸುವಂತೆ ಸಾಮಾಜಿಕ ಜಾಲತಾಣದಲ್ಲಿ ಕರೆ ನೀಡಲಾಗಿದೆ.

ಸಡಕ್ ಸಿನಮಾದ ಮುಂದುವರೆದ ಭಾಗ

1991 ರಲ್ಲಿ ಸಡಕ್ ಸಿನಿಮಾವನ್ನು ಮಹೇಶ್ ಭಟ್ ನಿರ್ದೇಶಿಸಿದ್ದರು. ಸಂಜಯ್ ದತ್ ಹಾಗೂ ಮಹೇಶ್ ಭಟ್ ಪುತ್ರಿ ಪೂಜಾ ಭಟ್ ಆ ಸಿನಿಮಾದಲ್ಲಿ ನಟಿಸಿದ್ದರು. ಸಡಕ್ 2 ಅದೇ ಸಿನಿಮಾದ ಮುಂದುವರೆದ ಭಾಗ. ಸಡಕ್ 2 ಹಾಟ್‌ಸ್ಟಾರ್‌ನಲ್ಲಿ ಆಗಸ್ಟ್ 28 ರಂದು ಬಿಡುಗಡೆ ಆಗಲಿದೆ.