Pathaan Box Office Day 1: ಮೊದಲ ದಿನ 62 ಕೋಟಿ ರೂ. ಕಲೆಕ್ಷನ್.. 'ಕೆಜಿಎಫ್ 2' ದಾಖಲೆ ಮುರಿದ್ರಾ ಕಿಂಗ್!

'ಪಠಾಣ್' ಫಸ್ಟ್ ಡೇ ರೆಸ್ಪಾನ್ಸ್ ಹೇಗಿದೆ?

ಶಾರುಖ್ ಖಾನ್ ಕಮ್ ಬ್ಯಾಕ್ ಸಿನಿಮಾ 'ಪಠಾಣ್' ಮೊದಲ ದಿನವೇ ಅದ್ಭುತ ಗಳಿಕೆ ಕಂಡಿದೆ. ಹಿಂದಿ ಬೆಲ್ಟ್‌ಗಳಲ್ಲಿ ಸಿನಿಮಾ ಸಖತ್ ಕಲೆಕ್ಷನ್ ಮಾಡಿದೆ. ಎಲ್ಲಾ ಭಾಷೆಯಿಂದಲೂ ಭಾರತದಾದ್ಯಂತ ಸರಿ ಸುಮಾರು 62 ಕೋಟಿ ರೂ.ಕಲೆಕ್ಷನ್ ಮಾಡಿರಬಹುದು ಎಂದು ಅಂದಾಜು ಹಾಕಲಾಗಿದೆ. ಅನ್‌ಲೈನ್‌ನಿಂದ 50 ಕೋಟಿ ರೂ. ಆಫ್‌ ಲೈನ್‌ನಿಂದ 12 ಕೋಟಿ ರೂ. ಎಂದು ಹೇಳಲಾಗುತ್ತಿದೆ.

'ಪಠಾಣ್' ವರ್ಲ್ಡ್‌ವೈಡ್ ಕಲೆಕ್ಷನ್ ಎಷ್ಟು?

'ಪಠಾಣ್' ಸಿನಿಮಾ ವಿಶ್ವದಾದ್ಯಂತ ಸುಮಾರು 8 ಸಾವಿರಕ್ಕೂ ಅಧಿಕ ಸ್ಕ್ರೀನ್‌ಗಳಲ್ಲಿ ರಿಲೀಸ್ ಆಗಿತ್ತು. ಹೀಗಾಗಿ ಬಾಲಿವುಡ್ ಸಿನಿಮಾವೊಂದು ದೊಡ್ಡ ಮೊತ್ತವನ್ನು ಕಲೆ ಹಾಕುವ ಸಾಧ್ಯತೆ ಎನ್ನಲಾಗುತ್ತಿದೆ. ಸದ್ಯ ಭಾರತದಲ್ಲಿ ಮೊದಲ ದಿನದ ಕಲೆಕ್ಷನ್ ಸಿಕ್ಕಿದ್ದು, ವಿಶ್ವದಾದ್ಯಂತ ಎಷ್ಟಾಗಿದೆ ಅನ್ನೋದು ಇನ್ನಷ್ಟೇ ಹೊರಬೀಳಬೇಕಿದೆ. ಹೀಗಾಗಿ ರಾಕಿ ಬಾಯ್ ಸಿನಿಮಾ 'ಕೆಜಿಎಫ್ 2' ಮೊದಲ ದಿನದ ಕಲೆಕ್ಷನ್ ದಾಖಲೆಯನ್ನು ಮುರಿಯುತ್ತಾ? ಅನ್ನೋ ಪ್ರಶ್ನೆಯಂತೂ ಹುಟ್ಟಿಕೊಂಡಿದೆ.

ಇಂಡಿಯಾದಲ್ಲಿ 'ಕೆಜಿಎಫ್ 2' ಕಲೆಕ್ಷನ್ ಎಷ್ಟು?

ರಾಕಿ ಬಾಯ್ ಸಿನಿಮಾ 'ಕೆಜಿಎಫ್ 2' ಮೊದಲ ದಿನ ಭರ್ಜರಿ ಕಲೆಕ್ಷನ್ ಮಾಡಿತ್ತು. ಭಾರತದಾದ್ಯಂತ 'ಕೆಜಿಎಫ್ 2' ಮೊದಲ ದಿನ 138 ಕೋಟಿ ರೂ. (Gross) ಕಲೆಕ್ಷನ್ ಮಾಡಿತ್ತು. ಈ ದಾಖಲೆಯನ್ನು ಶಾರುಖ್ ಖಾನ್ ಸಿನಿಮಾ ಹಿಂದಿಕ್ಕುವುದು ಅನುಮಾನ ಎಂದೇ ಹೇಳಲಾಗುತ್ತಿದೆ. ಈ ಮೂಲಕ 'ಕೆಜಿಎಫ್ 2' ದಾಖಲೆಯನ್ನು ಮುರಿಯುವಲ್ಲಿ ಶಾರುಖ್ ಸಿನಿಮಾ ಹಿಂದೆ ಬಿದ್ದಿದೆ ಅನ್ನೋ ಸ್ಪಷ್ಟ.

ವಿಶ್ವದಾದ್ಯಂತ 'ಕೆಜಿಎಫ್ 2' ಕಲೆಕ್ಷನ್ ಎಷ್ಟು?

ಯಶ್ ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಚಿಂದಿ ಉಡಾಯಿಸಿತ್ತು. ಭಾರತದಲ್ಲಿ 138 ಕೋಟಿ ರೂ. ಕಲೆಕ್ಷನ್ ಮಾಡಿದ್ದರೆ, ವಿದೇಶದಾದ್ಯಂತ ಸುಮಾರು 26 ಕೋಟಿ ರೂ. ಕಲೆಕ್ಷನ್ ಮಾಡಿತ್ತು. ಈ ಮೂಲಕ ವಿಶ್ವದಾದ್ಯಂತ 164 ಕೋಟಿ ರೂ. ಲೂಟಿ ಮಾಡಿತ್ತು. ಈ ದಾಖಲೆಯನ್ನು ಶಾರುಖ್ ಖಾನ್ ಕಮ್‌ಬ್ಯಾಕ್ ಸಿನಿಮಾ 'ಪಠಾಣ್' ಹಿಂದಕ್ಕೆ ಹಾಕುವಲ್ಲಿ ಹಿಂದೆ ಬಿದ್ದಿದೆ.