ಸ್ನೇಹಿತನ ಜೊತೆ ಹೊಸ ಜೀವನ ಆರಂಭಿಸಿದ 'ಹಾಟ್‌ಬಾಂಬ್' ಪೂನಂ ಪಾಂಡೆ

ನಿರ್ದೇಶಕನ ಜೊತೆ ಪೂನಂ ವಿವಾಹ

ಸ್ನೇಹಿತ ಹಾಗೂ ಚಲನಚಿತ್ರ ನಿರ್ದೇಶಕ ಸ್ಯಾಮ್ ಅಹ್ಮದ್ ಬಾಂಬೆ ಜೊತೆ ನಟಿ-ರೂಪತಾರೆ ಪೂನಂ ಪಾಂಡೆ ಸೆಪ್ಟೆಂಬರ್ 10 ರಂದು ವಿವಾಹವಾಗಿದ್ದಾರೆ. ಇಬ್ಬರು ಸಹ ತಮ್ಮ ಮದುವೆ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡು ಸಂತಸ ವ್ಯಕ್ತಡಿಸಿದ್ದಾರೆ.

ನಿನ್ನ ಜೊತೆ ಏಳು ಜನ್ಮ ಎದುರು ನೋಡುತ್ತಿದ್ದೇನೆ

ಸ್ಯಾಮ್ ಅಹ್ಮದ್ ಬಾಂಬೆ ಜೊತೆಗಿನ ಫೋಟೋ ಹಂಚಿಕೊಂಡಿರುವ ಪೂನಂ ಪಾಡೆ ''ನಿನ್ನ ಜೊತೆಗೆ ನಾನು ಏಳು ಜನ್ಮವನ್ನು ಎದುರು ನೋಡುತ್ತಿದ್ದೇನೆ'' ಎಂದು ಬರೆದುಕೊಂಡಿದ್ದಾರೆ. ನೀಲಿ ಬಣ್ಣದ ಲೆಹೆಂಗಾದಲ್ಲಿ ಪೂನಂ ಮಿಂಚಿದ್ದರೆ, ಅದೇ ವಿನ್ಯಾಸದ ಶೆರ್ವಾನಿಯಲ್ಲಿ ಸ್ಯಾಮ್ ಪೋಸ್ ನೀಡಿದ್ದಾರೆ.

ಎರಡು ತಿಂಗಳ ಹಿಂದೆ ನಿಶ್ಚಿತಾರ್ಥ

ಪೂನಂ ಪಾಂಡೆ ಮತ್ತು ಸ್ಯಾಮ್ ಅಹ್ಮದ್ ಬಾಂಬೆ ಹಲವು ವರ್ಷದಿಂದ ಗೆಳೆಯರು. ಸ್ನೇಹ ಈಗ ಪ್ರೀತಿಯಾಗಿ ದಾಂಪತ್ಯ ಬಯಸಿದೆ. ಎರಡು ತಿಂಗಳ ಹಿಂದೆ ಪೂನಂ ಮತ್ತು ಸ್ಯಾಮ್ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಆದರೆ, ಬರಿ ಫೋಟೋಗಳನ್ನು ಮಾತ್ರ ಪೋಸ್ಟ್ ಮಾಡಿದ್ದ ಜೋಡಿ ಮದುವೆ ಬಗ್ಗೆ ಮಾತನಾಡಿರಲಿಲ್ಲ.

Recommended Video

Sanjjana ಗೊಳಾಟಕ್ಕೆ full stop | Filmibeat Kannada

ಲಾಕ್‌ಡೌನ್ ಉಲ್ಲಂಘನೆ ಕೇಸ್ ದಾಖಲಾಗಿತ್ತು

ಮೇ ತಿಂಗಳಲ್ಲಿ ಮೆರೈನ್ ಡ್ರೈವ್ ಪೊಲೀಸರು ಲಾಕ್ಡೌನ್ ಉಲ್ಲಂಘನೆಗಾಗಿ ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಹಿಂದೂಸ್ತಾನ್ ಟೈಮ್ಸ್ ವರದಿಯ ಪ್ರಕಾರ, ಲಾಕ್‌ಡೌನ್ ವೇಳೆ ಬಿಎಂಡಬ್ಲ್ಯು ಕಾರಿನಲ್ಲಿ ಸುತ್ತುತ್ತಿದ್ದರು. ಹಾಗಾಗಿ ಇಬ್ಬರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿತ್ತು. ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 188 ಮತ್ತು 269 ಮತ್ತು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಕಾಯ್ದೆ ಅಡಿ ಪ್ರಕರಣ ದಾಖಲಾಗಿತ್ತು. ನೋಟಿಸ್ ನೀಡಿದ ನಂತರ ಬಿಡುಗಡೆ ಮಾಡಲಾಗಿತ್ತು.