ಪ್ರಿಯಾಂಕಾ ಚೋಪ್ರಾ ಹಾಕಿದ ಫೋಟೋ ಆಕೆಗೆ ತಿರುಗುಬಾಣ ಆಯ್ತು

ಪ್ರಿಯಾಂಕಾ ಚೋಪ್ರಾ ಹಾಕಿದ್ದ ಪೋಸ್ಟ್ ಏನು?

''ದೆಹಲಿಯಲ್ಲಿ 'ದಿ ವೈಟ್ ಟೈಗರ್' ಎಂಬ ಸಿನಿಮಾದ ಶೂಟಿಂಗ್ ನಡೆಯುತ್ತಿದೆ. ಈ ವಾತಾವರಣದಲ್ಲಿ ಚಿತ್ರೀಕರಣ ಮಾಡಲು ಕಷ್ಟಸಾಧ್ಯ. ತುಂಬಾ ಕಷ್ಟದ ಪರಿಸ್ಥಿತಿಯಲ್ಲಿ ಇಲ್ಲಿನ ಜನರಿದ್ದಾರೆ. ನಾವು ಮಾಸ್ಕ್ ಧರಿಸಿ ಸುರಕ್ಷಿತವಾಗಿದ್ದೇವೆ. ಎಲ್ಲರೂ ಸುರಕ್ಷಿತೆಯಿಂದಿರಿ'' ಎಂದು ಪೋಸ್ಟ್ ಮಾಡಿದ್ದರು.

'ತಿರುಗುಬಾಣ' ಆಯ್ತು ಪ್ರಿಯಾಂಕಾ ಪೋಸ್ಟ್

ಪತಿ ನಿಕ್ ಜೋನಸ್ ಜೊತೆ ಸೇರಿ ಪ್ರಿಯಾಂಕಾ ಚೋಪ್ರಾ ಈ ಹಿಂದೆ ಸಿಗರೇಟ್ ಸೇದಿದ್ದರು. ಆ ಫೋಟೋ ಕೂಡ ವೈರಲ್ ಆಗಿತ್ತು. ಪಿಗ್ಗಿ ಸಿಗರೇಟ್ ಸೇದುತ್ತಿರುವ ಫೋಟೋವನ್ನ ಶೇರ್ ಮಾಡಿರುವ ನೆಟ್ಟಿಗರು ''ಸಿಗರೇಟ್ ಸೇದಿದರೆ ವಾಯುಮಾಲಿನ್ಯ ಆಗಲ್ವಾ? ಈಗ ದೇಶ ಬಿಟ್ಟು ಬೇರೆ ಕಡೆ ಹೋದ್ಮೇಲೆ ದೆಹಲಿ ಕಷ್ಟವಾಗಿದೆ'' ಎಂದು ವ್ಯಂಗ ಮಾಡಿ ಟ್ರೋಲ್ ಮಾಡುತ್ತಿದ್ದಾರೆ.

ಭಾರತದಲ್ಲಿ ಒಂಥರಾ, ವಿದೇಶದಲ್ಲಿ ಇನ್ನೊಂಥರಾ

ಅಮೇರಿಕನ್ ಗಾಯಕ ನಿಕ್ ಜೋನಸ್ ಅವರನ್ನ ಮದುವೆ ಆದ ಬಳಿಕ, ಪ್ರಿಯಾಂಕಾ ಚೋಪ್ರಾ ಅವರ ವೇಷಭೂಷಣ, ನಡೆ-ನುಡಿ ಎಲ್ಲವೂ ಬದಲಾಗಿದೆ. ಭಾರತದಲ್ಲಿ ಸಂಸ್ಕ್ರತಿ ಅಂತೆಲ್ಲಾ ಮಾತನಾಡುವ ಪ್ರಿಯಾಂಕಾ, ವಿದೇಶದಲ್ಲಿ ಮಾತ್ರ ಭಾರತ ಸಂಸ್ಕ್ರತಿಗೆ ಧಕ್ಕೆ ತರುವಂತೆ ನಡೆದುಕೊಳ್ಳುತ್ತಾರೆ ಎಂದು ನೆಟ್ಟಿಗರು ಕಾಲೆಳೆಯುತ್ತಿದ್ದಾರೆ.

ಪ್ರಿಯಾಂಕಾ ಕುರಿತು ಮೇಮ್ಸ್

ಪ್ರಿಯಾಂಕಾ ಅವರು ಪೋಸ್ಟ್ ಮಾಡಿರುವ ಮೇಮ್ಸ್ ಮತ್ತು ಈ ಹಿಂದೆ ಸಿಗರೇಟ್ ಸೇದುತ್ತಿರುವ ಫೋಟೋಗೆ ಸಂಬಂಧಿಸಿದಂತೆ ಸೋಶಿಯಲ್ ಮೀಡಿಯಾದಲ್ಲಿ ಕೆಲವರು ಮೇಮ್ಸ್ ಹುಟ್ಟುಹಾಕಿ ಪಿಗ್ಗಿಗೆ ಟಾಂಗ್ ಕೊಡುತ್ತಿದ್ದಾರೆ.