ರಶ್ಮಿಕಾಳಂತೆ 'ಸಾಮಿ ಸಾಮಿ' ಹಾಡಿಗೆ ಸೊಂಟ ಬಳುಕಿಸಿದ ರಾಖಿ ಸಾವಂತ್: ವಿಡಿಯೋ ವೈರಲ್

'ಸಾಮಿ' ಹಾಡಿಗೆ ರಾಖಿ ಸಾವಂತ್ ಹೆಜ್ಜೆ

'ಪುಷ್ಪ' ಸಿನಿಮಾದ ಪ್ರತಿಯೊಂದೂ ಹಾಡು ವೈರಲ್ ಆಗಿದೆ. ಸಿನಿಮಾ ಬಿಡುಗಡೆಯಾಗಿ, ಒಟಿಟಿಯಲ್ಲಿ ರಿಲೀಸ್ ಆಗಿದ್ದರೂ, ಕ್ರೇಜ್ ಮಾತ್ರ ಕಮ್ಮಿಯಾಗಿಲ್ಲ. ಕೆಲವು ದಿನ ಶ್ರೀವಲ್ಲಿ ಹಾಡು ಟ್ರೆಂಡಿಂಗ್‌ನಲ್ಲಿತ್ತು. ಸಿನಿಮಾ ತಾರೆಯರಿಂದ ಹಿಡಿದು, ಕ್ರಿಕೆಟ್ ಆಟಗಾರರೂ ಕೂಡ ಶ್ರೀವಲ್ಲಿ ಹಾಡಿಗೆ ಹೆಜ್ಜೆ ಹಾಕಿದ್ದರು. ಈಗ ರಶ್ಮಿಕಾ ಮಂದಣ್ಣ ಹೆಜ್ಜೆ ಹಾಕಿದ ಸಾಮಿ ಸಾಮಿ ಹಾಡು ಟ್ರೆಂಡಿಂಗ್‌ನಲ್ಲಿದೆ. ವಿದೇಶದಲ್ಲಿರುವವರೆಲ್ಲರೂ ಈ ಹಾಡಿಗೆ ಹೆಜ್ಜೆ ಹಾಕುತ್ತಿದ್ದಾರೆ. ಇದೇ ಸಾಮಿ ಸಾಮಿ ಹಾಡಿಗೆ ರಾಖಿ ಸಾವಂತ್ ಕೂಡ ಹೆಜ್ಜೆ ಹಾಕಿದ್ದು, ನೆಟ್ಟಿಗರು ಭೇಷ್ ಅಂತಿದ್ದಾರೆ.

ಸ್ನೇಹಿತನ ಜೊತೆ ರಾಖಿ ಸಾವಂತ್ ಸ್ಟೆಪ್ಸ್

'ಸಾಮಿ ಸಾಮಿ' ಟ್ರೆಂಡ್‌ನಲ್ಲಿ ರಾಖಿ ಸಾವಂತ್ ಕೂಡ ಭಾಗವಹಿಸಿದ್ದಾರೆ. ಗೆಳೆಯ ರಾಜೀವ್ ಖಿಂಚಿ ಜೊತೆ ಸಾಮಿ ಸಾಮಿ ಹಾಡಿಗೆ ಭರ್ಜರಿಯಾಗಿ ಸ್ಟೆಪ್ ಹಾಕಿದ್ದಾಳೆ. ಈ ವಿಡಿಯೋವನ್ನು ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾಳೆ. ಈ ವಿಡಿಯೋ ನೋಡಿ ನೆಟ್ಟಿಗಳು ಮೆಚ್ಚಿಕೊಂಡಿದ್ದಾರೆ. ಜೊತೆಗೆ ರಾಖಿ ಸಾವಂತ್ ಥುಂಕಾ ಬಗ್ಗೆನೂ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ತಡವಾಗಿ ಆದರೂ, ರಾಖಿ ಸಾವಂತ್ ಸಾಮಿ ಸಾಮಿ ಟ್ರೆಂಡ್‌ನಲ್ಲಿ ಭಾಗವಹಿಸಿದ್ದು, ಮೆಚ್ಚುಗೆ ಗಳಿಸಿದ್ದಾರೆ.

ಪತಿ ನೆನೆದು ಕಣ್ಣೀರು ಹಾಕಿದ್ದ ರಾಖಿ

ರಾಖಿ ಸಾವಂತ್ ಬಿಗ್ ಮನೆಯಲ್ಲಿ ಇರುವಾಗಲೇ ಮದುವೆ ವಿಚಾರ ಬಯಲಿಗೆ ಬಂದಿತ್ತು. ಉದ್ಯಮಿ ರಿತೇಶ್ ಅವರೊಂದಿಗೆ ವಿವಾಹವಾಗಿದ್ದಾಗಿ ರಾಖಿ ಹೇಳಿಕೊಂಡಿದ್ದಳು. ಆಗಲೂ ಕೆಲವರು ಇದೂ ಕೂಡ ಡ್ರಾಮ ಅಂತಲೇ ಹೇಳಿ ಸುಮ್ಮನಾಗಿದ್ದರು. ಮದುವೆಯಾದ ಕೆಲವು ದಿನಗಳಲ್ಲಿಯೇ ರಾಖಿ ಸಾವಂತ್ ಪತಿಗಾಗಿ ಕಣ್ಣೀರು ಹಾಕಿದ್ದಾಳೆ. ಪ್ರೇಮಿಗಳ ದಿನವೇ ಪತಿ ರಿತೇಶ್ ಕೈ ಕೊಟ್ಟು ಪರಿಯಾಗಿದ್ದಾನೆ ಎಂದು ಕಣ್ಣೀರು ಹಾಕಿದ್ದಳು. ರಿತೇಶ್ ಮೊದಲ ಪತ್ನಿಗೆ ವಿಚ್ಛೇದನ ನೀಡದೆ ರಾಖಿ ಸಾವಂತ್ ಜೊತೆ ಸಂಸಾರ ನಡೆಸುತ್ತಿದ್ದರು. ಬಳಿಕ ಕಾನೂನಿನ ಭಯದಿಂದ ರಾಖಿಗೆ ಕೈ ಕೊಟ್ಟು ಹೋಗಿದ್ದಾರೆ ಎಂದು ರಾಖಿ ಸಾವಂತ್ ಆರೋಪ ಮಾಡಿದ್ದಳು.

ನಾಲ್ಕೈದು ದಿನಗಳಲ್ಲಿ ಕಣ್ಣೀರು ಮಾಯ

ರಾಖಿ ಸಾವಂತ್ ಡ್ರಾಮ ಕ್ವೀನ್ ಅನ್ನುವುದನ್ನು ಪದೇ ಪದೇ ಸಾಭೀತು ಮಾಡುತ್ತಲೇ ಇದ್ದಾಳೆ. ನಾಲ್ಕು ದಿನಗಳ ಹಿಂದೆ ಪತಿ ರಿತೇಶ್ ಕೈ ಕೊಟ್ಟ ಹೋಗಿದ್ದಾನೆ ಎಂದು ಕಣ್ಣೀರು ಹಾಕಿದ್ದ ರಾಖಿ ಸಾವಂತ್ ಆ ನೋವನ್ನು ಮರೆತು ಸಾಮಿ ಸಾಮಿ ಅಂತ ಹೆಜ್ಜೆ ಹಾಕಿದ್ದಾಳೆ. ವಿಚ್ಛೇದನ ಪಡೆದರು, ಪತಿಯಿಂದ ಮೋಸ ಹೋದವರು ಆ ನೋವಿನಿಂದ ಹೊರಬರಲು ಪರದಾಡುತ್ತಿದ್ದಾರೆ. ರಾಳಿ ಐದೇ ದಿನಗಳಲ್ಲಿ ಆ ನೋವನ್ನು ಮರೆತು ರಶ್ಮಿಕಾ ಮಂದಣ್ಣ ಹಾಕಿದ ಸಾಮಿ ಸಾಮಿ ಹಾಡಿನ ಟ್ರೆಂಡ್‌ನಲ್ಲಿ ಭಾಗವಹಿಸಿದ್ದಾಳೆ.