ಕಂಗನಾ-ಹೃತಿಕ್ ಜಗಳದಿಂದ ಬಾಲಿವುಡ್ ನಟನ ಅಫೇರ್ ಸುದ್ದಿ ಬಹಿರಂಗ.!

ಕಂಗನಾ-ಹೃತಿಕ್ ಜಗಳಕ್ಕೆ ಮತ್ತೊಬ್ಬ ನಟನ ಎಂಟ್ರಿ

ಕ್ವೀನ್ ನಟಿ ಕಂಗನಾ ಮತ್ತು ಹೃತಿಕ್ ರೋಷನ್ ಇಬ್ಬರ ವೈಯಕ್ತಿಕ ಜಗಳದಲ್ಲಿ ಬಾಲಿವುಡ್ ಲವರ್ ಬಾಯ್ ಇಮೇಜ್ ನ ರಣ್ಬೀರ್ ಕಪೂರ್ ಹೆಸರು ಹೊರ ಬಂದಿದೆ.

ಕಂಗನಾ ಜೊತೆ ಅಫೇರ್ ಬಯಸಿದ್ದರಂತೆ ರಣ್ಬೀರ್

ನಟ ಹೃತಿಕ್ ರೋಷನ್ ಪರಿಚಯವಾಗುವುದಕ್ಕು ಮುಂಚೆ ನಟ ರಣ್ಬೀರ್ ಕಪೂರ್ ಜೊತೆ ಕಂಗನಾ ಅವರಿಗೆ ಸ್ನೇಹವಿತ್ತಂತೆ. ಈ ಸ್ನೇಹದ ಸಲುಗೆಯಿಂದ ರಣ್ಬೀರ್ ಕಪೂರ್ ಕಂಗನಾ ಜೊತೆ ದೈಹಿಕ ಸಂಬಂಧದ ಬಯಕೆ ಇಟ್ಟಿದ್ದರು ಎಂಬ ಸ್ಪೋಟಕ ಮಾಹಿತಿ ಈಗ ಇ-ಮೇಲ್ ನಿಂದ ಬಯಲಾಗಿದೆ ಎಂದು ವರದಿಯಾಗಿದೆ.

ಕಂಗನಾ, ಹೃತಿಕ್ ಗೆ ಕಳುಹಿಸಿದ್ದ ಇ-ಮೇಲ್ ನಲ್ಲಿ ಬಹಿರಂಗ

ನಟ ಹೃತಿಕ್ ಗೆ, ಕಂಗನಾ ಕಳುಹಿಸಿದ್ದ ಇ-ಮೇಲ್ ನಲ್ಲಿ ಈ ಸುದ್ದಿ ಲೀಕ್ ಆಗಿದ್ದು, '' ಕ್ವೀನ್‌ ಚಿತ್ರಕ್ಕಿಂತ ಮೊದಲು ರಣಬೀರ್‌ ನನ್ನತ್ತ ಗಮನವೇ ಹರಿಸಿರಲಿಲ್ಲ. ಯಾವಾಗ ಕ್ವೀನ್‌ ಚಿತ್ರ ಬಂತೋ ಆತ ನನ್ನ ಸಂಪರ್ಕಿಸಿದ. ನನಗೆ ಫಂಕಿ ಮೆಸೇಜ್‌ ಹಾಗೂ ವೀಡಿಯೋಗಳನ್ನು ಕಳುಹಿಸಲಾರಂಭಿಸಿದ'' ಎಂದು ರಣ್ಬೀರ್ ಬಗ್ಗೆ ಹೇಳಿಕೊಂಡಿದ್ದಾರೆ.

ದೈಹಿಕ ಸಂಬಂಧ ಬಯಸಿದ್ದರಂತೆ ರಣ್ಬೀರ್

''ನಾನು ಗ್ವಾಲಿವರ್ ನಲ್ಲಿ ರಿವಾಲ್ವರ್ ಶೂಟಿಂಗ್ ನಲ್ಲಿರುವಾದ ನನ್ನ ಜತೆ ಸಂಬಂಧ ಬಯಸುವುದಾಗಿ ಒಂಥರಾ ನೇರವಾಗಿ ಹೇಳಿದ. ಆಗ ನಾನು ಒಬ್ಬರ ಜತೆ ಲವ್‌ನಲ್ಲಿರುವುದ ಕುರಿತು ಹೇಳಿದೆ. ನಂತರ ನಾನು ನ್ಯೂಯಾರ್ಕ್‌ಗೆ ಶೂಟಿಂಗ್ ಗೆ ಹೋದಾಗ ನ್ಯೂಯಾರ್ಕ್‌ ಹೇಗಿದೆ? ಎಂದು ಮೆಸೇಜ್‌ ಮಾಡಿದ, ಹೀಗೆ ಮತ್ತೆ ಸಂಪರ್ಕಕ್ಕೆ ಬಂದ. ನಾನು ಆತನಲ್ಲಿ ದೈಹಿಕ ಸಂಬಂಧ ಬಯಸುತ್ತಿದ್ದೀಯಾ? ಎಂದು ಕೇಳಿದೆ. ಆತ ಮತ್ತಷ್ಟು ಹತ್ತಿರವಾದ, ನಿರಂತರ ಸಂಬಂಧ ಇದ್ದರೆ ಹೇಗೆ? ಎಂದು ಆತ ಕೇಳಿದಾಗ ನಾನು ಒಬ್ಬರನ್ನು ಪ್ರೀತಿಸುತ್ತಿದ್ದೇನೆ, ಆ ವ್ಯಕ್ತಿಗೆ ಬೇಜಾರು ಆಗುತ್ತದೆ ಎಂದು ಹೇಳಿದೆ'' ಎಂದು ಮೇಲ್ ಮಾಡಿದ್ದಾರಂತೆ.

ಲವರ್ ಬಾಯ್ ಮತ್ತೊಂದು ಲವ್ ಕಹಾನಿ

ಈಗಾಗಲೇ, ದಿಪೀಕಾ ಪಡುಕೋಣೆ ಜೊತೆ ಸುತ್ತಾಡಿ, ಕತ್ರಿನಾಗೋಸ್ಕರ ದಿಪೀಕಾಳನ್ನ ಬಿಟ್ಟಿದ್ದರು. ಈಗ ಕತ್ರಿನಾ ಕೈಪ್ ರನ್ನ ಕೂಡ ಬಿಟ್ಟು ಪಾಕಿಸ್ತಾನಿ ನಟಿ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ರಣ್ಬೀರ್ ಕಪೂರ್.