ಹೌದು, ಮಾಧ್ಯದವರು ಕೇಳಿದರೆ ತಮ್ಮ ನಡುವೆ ಏನೇನೂ ಇಲ್ಲ ಎನ್ನುವ ರಾಣಿ ಹಾಗೂ ಆದಿತ್ಯ, ಎಲ್ಲವನ್ನೂ ಮಾಡುತ್ತಿದ್ದಾರೆ ಎಂಬ ಸುದ್ದಿ ಇದೆ. ಅಂದರೆ ಒಟ್ಟೊಟ್ಟಿಗೆ ಓಡಾಡುವುದು, ಜಾಲಿ ಟ್ರಿಪ್ ಹಾಗೂ ಕುಟುಂಬದೊಂದಿಗೂ ವಿದೇಶಕ್ಕೆ ಪ್ರಯಾಣ ಬೆಳೆಸುವುದು ಇತ್ಯಾದಿ ಇತ್ಯಾದಿಗಳ ಪಟ್ಟಿಯೇ ಇದೆ.
ತೀರಾ ಇತ್ತೀಚಿಗೆ ರಾಣಿ ಮುಖರ್ಜಿ ಬಾಯ್ ಫ್ರಂಡ್ ಆದಿತ್ಯ, ರಾಣಿಗೆ ದುಬಾರಿ ಗಿಫ್ಟ್ ನೀಡಿದ್ದಾರೆ. ಅದು ಲಕ್ಷುರಿಯಸ್ 'ಆಡಿ' ಕಾರು. ಸುಮಾರು ಒಂದುವರೆ ಕೋಟಿ ರು. ಬೆಲೆಬಾಳುವ ಈ ಕಾರನ್ನು ಆದಿತ್ಯ ರಾಣಿಗೆ ಗಿಫ್ಟ್ ಕೊಟ್ಟಿದ್ದಾರೆ. ಈ ಬಗ್ಗೆ ಕೇಳಿದರೆ "ಹೌದು ಕೊಟ್ಟಿದ್ದೇನೆ, ಹಾಗೇ ಸುಮ್ಮನೆ ಅಂದು ಬಿಡೋದೆ..! ಸುಮ್ಮನೇ ಕೊಡುವುದಾದರೆ ನಮಗೂ ಕೊಟ್ಟುಬಿಡಿ ಅನ್ನೋಕಾಗುತ್ಯೇ..?
ಸಾಕಷ್ಟು ವರ್ಷಗಳಿಂದಲೂ ಈ ಜೋಡಿ ನಮ್ಮ ನಡುವೆ ಏನೇನೂ ಇಲ್ಲ ಎನ್ನುತ್ತಲೇ ಓಡಾಡುತ್ತಿದ್ದಾರೆ. ಆದಿತ್ಯ ಆಗಾಗ ರಾಣಿಗೆ ಗಿಫ್ಟ್ ಕೊಡುವುದು, ರಾಣಿ ತೆಗೆದುಕೊಂಡು ಖುಷಿ ಪಡುವುದು ನಡೆಯುತ್ತಲೇ ಇದೆ. ಆದರೆ ಮಾಧ್ಯಮದವರಿಗೆ ಚಳ್ಳೆಹಣ್ಣು ತಿನ್ನಿಸುವ ಅವರ ಪ್ರಯತ್ನವೂ ಸಾಗಿದೆ. ಆದರೆ, ಇಂತಹ ಅದೆಷ್ಟೋ ಪ್ರಣಯ ಪಕ್ಷಿಗಳನ್ನು ನೋಡಿರುವ ಮಾಧ್ಯಮ ಹಾಗೂ ಬಾಲಿವುಡ್ ಅಂಗಳ ಈ ಜೋಡಿಯ ಕಳ್ಳಾಟಕ್ಕೆ ಮುಸಿಮುಸಿ ನಗುತ್ತಿದೆ.
ಆಡಿ ಕಾರ್ ಕೊಟ್ಟು ಸುಮ್ಮನೆ ಕೊಟ್ಟೇ ಅಂತ ಆದಿತ್ಯ ಅಂದುಬಿಟ್ಟರೆ ಯಾರಿಗೂ ಗೊತ್ತಾಗಲ್ವೇ? ಎಲ್ಲರಿಗೂ ಅರ್ಥವಾಗಿತ್ತಿದೆ. ರಾಣಿಗೆ ಈಗ ಹೇಳಿಕೊಳ್ಳುವಂತಹ ಅವಕಾಶಗಳಿಲ್ಲ. ಆದಿತ್ಯ ಅಂತೂ ಬಿಸಿನೆಸ್ ಮನ್. ರಾಣಿ ಫ್ರೀ ಆದಷ್ಟು ಅವರಿಗೆ ಸಂತೋಷ ಹೆಚ್ಚು. ನವೆಂಬರ್ 30, 2012 ಕ್ಕೆ ಬಿಡುಗಡೆಯಾಗಲಿರುವ ಅಮೀರ್ ಖಾನ್ 'ತಲಾಶ್' ನಾಯಕಿಯರಲ್ಲಿ ಈ ರಾಣಿಯೂ ಒಬ್ಬರು. ಒಟ್ಟಿನಲ್ಲಿ ಮದುವೆ ಯಾವಾಗ ಎಂಬುದಷ್ಟೇ ಉಳಿದಿರುವ ಪ್ರಶ್ನೆ! (ಏಜೆನ್ಸೀಸ್)
