ಕೊನೆಗೂ ವಿಚಾರಣೆಗೆ ಹಾಜರಾದ ಸುಶಾಂತ್ ಪ್ರೇಯಸಿ ರಿಯಾ

ರಿಯಾ ಗೆ 11:30 ರ ಡೆಡ್‌ಲೈನ್ ನೀಡಲಾಗಿತ್ತು

ಮುಂಬೈನಲ್ಲಿನ ಇಡಿ ಕಚೇರಿಗೆ ರಿಯಾ ಚಕ್ರವರ್ತಿ ತನ್ನ ಸಹೋದರ ಶೋವಿಕ್ ಹಾಗೂ ತಂದೆ ಇಂದ್ರಜಿತ್ ಜೊತೆಗೆ ಆಗಮಿಸಿದರು. ಇಡಿಯು 11:30 ರ ಡೆಡ್‌ಲೈನ್ ಅನ್ನು ರಿಯಾಗೆ ನೀಡಿತ್ತು. ಡೆಡ್‌ಲೈನ್‌ನ ಕೆಲವೇ ನಿಮಿಷಗಳಷ್ಟು ತಡವಾಗಿ ರಿಯಾ ಆಗಮಿಸಿದರು. ಅಣ್ಣನ ಸಹಾಯದಿಂದ ಕಚೇರಿಯ ಒಳಕ್ಕೆ ರಿಯಾ ಹೋದರು.

ಸುಶಾಂತ್‌ನ ಮಾಜಿ ಮ್ಯಾನೇಜರ್ ಸಹ ಹಾಜರು

ಸುಶಾಂತ್ ಸಿಂಗ್‌ನ ಮಾಜಿ ಬ್ಯುಸಿನೆಸ್ ಮ್ಯಾನೇಜರ್ ಶ್ರುತಿ ಮೋದಿ ಗೆ ಸಹ ಹಾಜರಾಗಲು ಇಡಿ ಸೂಚಿಸಿತ್ತು. ಅಂತೆಯೇ ರಿಯಾ ವಿಚಾರಣೆ ಬಳಿಕ ಶ್ರುತಿ ಮೋದಿ ಸಹ ಇಂದು ಜಾರಿ ನಿರ್ದೇಶನಾಲಯ ಅಧಿಕಾರಿಗಳ ಮುಂದೆ ಹಾಜರಾಗಿ ಉತ್ತರಗಳನ್ನು ನೀಡಿದರು.

ಖಾತೆಯಿಂದ ಕೋಟ್ಯಂತರ ಹಣ ವರ್ಗಾವಣೆ

ಸುಶಾಂತ್ ಸಿಂಗ್ ಖಾತೆಯಿಂದ ಕೋಟ್ಯಂತರ ಹಣವನ್ನು ರಿಯಾ ಖರ್ಚು ಮಾಡಿದ್ದಾರೆ. ಬೇರೆ ಖಾತೆಗಳಿಗೆ ವರ್ಗಾವಣೆ ಮಾಡಿದ್ದಾರೆ ಎಂಬ ಕಾರಣದಿಂದಾಗಿ ಇಡಿಯು ಪ್ರಕರಣವನ್ನು ದಾಖಲಿಸಿಕೊಂಡಿದ್ದು. ಇದೇ ಕಾರಣದಿಂದ ಇಂದು ರಿ ವಿಚಾರಣೆ ನಡೆಸಲಾಗಿದೆ.

ಸುಪ್ರೀಂಕೋರ್ಟ್‌ನಲ್ಲಿ ರಿಯಾ ಅರ್ಜಿ

ರಿಯಾ ಹಾಗೂ ಅವರ ಕುಟುಂಬದವರು ಸೇರಿ ಒಟ್ಟು ಐದು ಮಂದಿಯ ವಿರುದ್ಧ ಸಿಬಿಐ ಪ್ರಕರಣ ದಾಖಲಿಸಿದೆ. ಈ ಪ್ರಕರಣವನ್ನು ಸಿಬಿಐಗೆ ವಹಿಸಬಾರದು ಎಂದೂ ಸಹ ರಿಯಾ ಸುಪ್ರೀಂಕೋರ್ಟ್‌ನಲ್ಲಿ ಮನವಿ ಸಲ್ಲಿಸಿದ್ದಾರೆ. ಅದರ ವಿಚಾರಣೆ ನಡೆಯಬೇಕಿದೆ.