ಡ್ರಗ್ಸ್‌ ಪ್ರಕರಣ: ಇಬ್ಬರು ಟಾಪ್ ನಟಿಯರ ಹೆಸರು ಹೇಳಿದ ರಿಯಾ ಚಕ್ರವರ್ತಿ?

20 ಪುಟದ ದೀರ್ಘ ಹೇಳಿಕೆ ದಾಖಲು

ಕೆಲವು ಇಂಗ್ಲಿಷ್‌ ಮಾಧ್ಯಮಗಳು ವರದಿ ಮಾಡಿರುವಂತೆ, ಎನ್‌ಸಿಬಿ ಅಧಿಕಾರಿಗಳಿಗೆ 20 ಪುಟದ ದೀರ್ಘ ಉತ್ತರಗಳನ್ನು, ಹೇಳಿಕೆಗಳನ್ನು, ಸ್ಪಷ್ಟನೆಗಳನ್ನು ರಿಯಾ ಚಕ್ರವರ್ತಿ ನೀಡಿದ್ದಾರಂತೆ. ಈ ಉತ್ತರಗಳ ನಡುವೆ, ಇಬ್ಬರು ಖ್ಯಾತ ನಟಿಯರು ಡ್ರಗ್ಸ್ ಸೇವಿಸುವ ಬಗ್ಗೆಯೂ ಬಾಯಿ ಬಿಟ್ಟಿದ್ದಾರಂತೆ!

ಇಬ್ಬರು ಸ್ಟಾರ್ ನಟಿಯರ ಹೆಸರು

ಹೌದು, ದಕ್ಷಿಣದಲ್ಲೂ ಖ್ಯಾತ ನಟಿಯಾಗಿರುವ ರಾಕುಲ್ ಪ್ರೀತ್ ಸಿಂಗ್ ಹಾಗೂ ಖ್ಯಾತ ನಟ ಸೈಫ್ ಅಲಿ ಖಾನ್ ಮಗಳು, ನಟಿ ಸಾರಾ ಅಲಿ ಖಾನ್ ಡ್ರಗ್ಸ್ ಸೇವನೆ ಮಾಡುತ್ತಾರೆಂದು ರಿಯಾ ಎನ್‌ಸಿಬಿ ಅಧಿಕಾರಿಗಳ ಮುಂದೆ ಹೇಳಿದ್ದಾರೆನ್ನಲಾಗುತ್ತಿದೆ.

ಆತ್ಮೀಯ ಗೆಳೆಯರಾಗಿದ್ದ ಸುಶಾಂತ್-ಸಾರಾ ಅಲಿ ಖಾನ್

ಸುಶಾಂತ್ ಹಾಗೂ ಸಾರಾ ಅಲಿ ಖಾನ್ ಮೊದಲು ಆತ್ಮೀಯ ಗೆಳೆಯರಾಗಿದ್ದರು. ಅವರಿಬ್ಬರೂ ಪ್ರೀತಿಯಲ್ಲಿದ್ದಾರೆ ಎನ್ನಲಾಗಿತ್ತು, ಇಬ್ಬರೂ ಖಾಸಗಿ ವಿದೇಶಿ ಪ್ರವಾಸಗವನ್ನೂ ಕೈಗೊಂಡಿದ್ದರು. ಆ ಪ್ರವಾಸದ ಉದ್ದೇಶವೇ ಡ್ರಗ್ಸ್ ಸೇವನೆ ಆಗಿರುತ್ತಿತ್ತು ಎಂಬ ಆರೋಪವೂ ಇದೆ.

ಆರೋಗ್ಯದ ಕಾಳಜಿ ವಹಿಸುವ ರಾಕುಲ್ ಪ್ರೀತ್ ಸಿಂಗ್

ರಾಕುಲ್ ಪ್ರೀತ್ ಸಿಂಗ್ ಹೆಸರು ಡ್ರಗ್ಸ್ ಪ್ರಕರಣದಲ್ಲಿ ಕೇಳಿಬಂದಿರುವುದು ಅಭಿಮಾನಿಗಳಿಗೆ ಭಾರಿ ಆಶ್ಚರ್ಯ ತಂದಿದೆ. ರಾಕುಲ್ ಶಿಸ್ತಿನ ಜೀವನ ನಿರ್ವಹಿಸುವವರು. ಪ್ರತಿನಿತ್ಯ ತಪ್ಪದೆ ಯೋಗ ಮಾಡುವವರು, ಪೂರ್ಣ ಸಸ್ಯಾಹಾರಿ ಆಗಿರುವ ರಿಯಾ, ಹಾಲಿನ ಉತ್ಪನ್ನಗಳನ್ನು ಸಹ ಸೇವಿಸುವುದಿಲ್ಲ. ತಮ್ಮ ಆರೋಗ್ಯದ ಬಗ್ಗೆ ಇಷ್ಟೋಂದು ಕಾಳಜಿ ವಹಿಸಿರುವವರು ಡ್ರಗ್ಸ್ ಸೇವಿಸಲು ಹೇಗೆ ಸಾಧ್ಯ ಎಂದು ಅಭಿಮಾನಿಗಳು ಪ್ರಶ್ನೆ ಮಾಡಿದ್ದಾರೆ.

Recommended Video

Rakesh Adiga spiritual Rap , ಕನ್ನಡಧ Rapperಗಳಿಗೆ ಕಿವಿಮಾತು | Rakesh Adiga | Filmibeat Kannada

ಡ್ರಗ್ಸ್ ಕೊಂಡಿದ್ದಾಗಿ ಒಪ್ಪಿಕೊಂಡಿರುವ ರಿಯಾ

ರಿಯಾ, ಸಾರಾ ಅಲಿ ಖಾನ್ ಹಾಗೂ ರಾಕುಲ್ ಪ್ರೀತ್ ಸಿಂಗ್ ಹೆಸರು ಹೇಳಿರುವುದು ಪೂರ್ಣ ಖಾತ್ರಿಯಾಗಿಲ್ಲ. ಆದರೆ ಸುಶಾಂತ್ ಗಾಗಿ ಡ್ರಗ್ಸ್ ಕೊಳ್ಳುತ್ತಿದ್ದುದಾಗಿ, ಸುಶಾಂತ್‌ಗೆ ಗಾಂಜಾ ಸೇವನೆಯ ಅಭ್ಯಾಸವಿದ್ದುದಾಗಿ ಒಪ್ಪಿಕೊಂಡಿದ್ದಾರೆ. ಇದೀಗ ವೈರಲ್ ಆಗಿರುವ ಹಳೆಯ ವಿಡಿಯೋ ಒಂದರಲ್ಲಿ ಸುಶಾಂತ್ ಹಾಗೂ ರಿಯಾ ಒಟ್ಟಿಗೆ ಗಾಂಜಾ ಸೇವನೆ ಮಾಡುತ್ತಿದ್ದಾರೆ.