ಟಿಪ್ಪು ಸುಲ್ತಾನ್ ಪಾತ್ರದಲ್ಲಿ ಶಾರುಖ್ ಖಾನ್? ಯಾವಾಗ ಸೆಟ್ಟೇರಿತು ಈ ಸಿನಿಮಾ?

ಸಿನಿಮಾ ಬಹಿಷ್ಟಕರಿಸಲು ಅಭಿಯಾನ

ಒಂದು ವರ್ಗ ಆ ಪೋಸ್ಟರ್ ಅನ್ನು ಸ್ವಾಗತಿಸಿದ್ದು, ಟಿಪ್ಪು ಬಗ್ಗೆ ಸಿನಿಮಾ ಆಗುವುದು ಒಳ್ಳೆಯದೆನ್ನುತ್ತಿದ್ದರೆ, ಮತ್ತೊಂದು ವರ್ಗ ಸಿನಿಮಾವನ್ನು ಬಹಿಷ್ಕರಿಸಿ ಎಂದು ಸಾಮಾಜಿಕ ಜಾಲತಾಣದಲ್ಲಿ ಅಭಿಯಾನ ಪ್ರಾರಂಭಿಸಿದೆ.

ಟಿಪ್ಪು ಸಿನಿಮಾದಲ್ಲಿ ಶಾರುಖ್ ನಟಿಸುತ್ತಿಲ್ಲ

ನಿಜವೆಂದರೆ ಶಾರುಖ್ ಖಾನ್ ಟಿಪ್ಪು ಸುಲ್ತಾನ್ ಕುರಿತಾದ ಚಿತ್ರವನ್ನು ಮಾಡುತ್ತಿಲ್ಲ. ಅಸಲಿಗೆ ಟಿಪ್ಪು ಸುಲ್ತಾನ್ ಬಗ್ಗೆ ಬಾಲಿವುಡ್‌ನಲ್ಲಿ ಪ್ರಸ್ತುತ ಯಾವ ಚಿತ್ರವೂ ಬರುತ್ತಿಲ್ಲ. ಯಾರೋ ಕಿಡಿಗೇಡಿಗಳು ಉದ್ದೇಶಪೂರ್ವಕವಾಗಿ ಮಾಡಿರುವ ಸುಳ್ಳು ಪೋಸ್ಟರ್ ಅದು. ಟಿಪ್ಪು ಸುಲ್ತಾನ್ ಕುರಿತಾದ ಯಾವ ಸಿನಿಮಾ ಸಹ ಸೆಟ್ಟೇರಿಲ್ಲ.

ಟಿಪ್ಪು ಅವತಾರದಲ್ಲಿ ಶಾರುಖ್ ಖಾನ್

ಶಾರುಖ್ ಖಾನ್ ಟಿಪ್ಪು ಅವತಾರದಲ್ಲಿರುವ ಈ ಪೋಸ್ಟರ್ ಭಾರಿ ವೈರಲ್ ಆಗಿದ್ದು, ಸಾಕಷ್ಟು ಕೋಮುವಾದಿ ಬರಹಗಳು ಪೋಸ್ಟರ್ ಜೊತೆ ಸೇರಿಕೊಂಡಿವೆ. ಶಾರುಖ್ ಖಾನ್ ಅನ್ನೂ ಸಹ ನಿಂದಿಸಲಾಗುತ್ತಿದೆ. ಆದರೆ ಇದೊಂದು ಸುಳ್ಳು ಪೋಸ್ಟರ್ ಆಗಿದೆ.

ಶಾರುಖ್ ಖಾನ್ ಕುರಿತು ಹಲವಾರು ಸುಳ್ಳು ಸುದ್ದಿ

ಶಾರುಖ್ ಖಾನ್ ಕುರಿತು ಆಗಾಗ್ಗೆ ಹೀಗೆ ಕೆಲವು ಸುಳ್ಳು ಸುದ್ದಿಗಳು ಹರಿದಾಡುತ್ತಲೇ ಇರುತ್ತವೆ. ಶಾರುಖ್ ಖಾನ್ ಪಾಕಿಸ್ತಾನಕ್ಕೆ ಕೋಟ್ಯಂತರ ಹಣ ಕೊಟ್ಟಿದ್ದಾರೆ ಎಂಬುದು ಆ ಸುಳ್ಳು ಸುದ್ದಿಗಳಲ್ಲಿ ಒಂದು. ಈಗ ಟಿಪ್ಪು ಸುಲ್ತಾನ್ ಜೀವನಾಧರಿತ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆಂಬ ಸುಳ್ಳು ಸುದ್ದಿ ಹರಡಲಾಗುತ್ತಿದೆ.