ಹೊಸ ಮೈಲುಗಲ್ಲು ತಲುಪಿದ ಸಾಧನೆ ಮಾಡಿದ ನಟಿ ಶ್ರದ್ಧಾ ಕಪೂರ್

ಶ್ರದ್ಧಾ ಮೂರನೇಯವರು

ಬಾಲಿವುಡ್ ನಟ ನಟಿಯರೆಂದರೆ ದೇಶ ವಿದೇಶದಲ್ಲಿರುವ ಜನರೆಲ್ಲರೂ ಫಾಲೋ ಮಾಡುತ್ತಾರೆ. ಹೀಗಾಗಿ ಅವರು 50 ಮಿಲಿಯನ್ ಫಾಲೋವರ್‌ಗಳನ್ನು ಪಡೆದಿರುವುದರಲ್ಲಿ ವಿಶೇಷವೇನಿದೆ ಎಂಬ ಪ್ರಶ್ನೆ ಮೂಡಬಹುದು. ಆದರೆ, ಭಾರತೀಯ ಚಿತ್ರರಂಗದಲ್ಲಿ 50 ಮಿಲಿಯನ್ ಫಾಲೋವರ್‌ಗಳನ್ನು ಶ್ರದ್ಧಾ ಅವರಿಗಿಂತ ಮುಂಚೆ ಪಡೆದವರು ಇಬ್ಬರು ಮಾತ್ರ ಎನ್ನುವುದು ಗಮನಾರ್ಹ. 67 ಮಿಲಿಯನ್‌ಗೂ ಅಧಿಕ ಫಾಲೋವರ್‌ಗಳನ್ನು ಹೊಂದಿರುವ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಹೊಂದಿರುವ ಭಾರತೀಯ.

ಪ್ರಿಯಾಂಕಾ ಚೋಪ್ರಾ ಮೊದಲು

ಹಾಲಿವುಡ್ ಚಿತ್ರಗಳಲ್ಲಿಯೂ ನಟಿಸುವ ಮೂಲಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಗಳಿಸಿರುವ ಪ್ರಿಯಾಂಕಾ ಚೋಪ್ರಾ ಇನ್‌ಸ್ಟಾಗ್ರಾಂನಲ್ಲಿ ಅತಿ ಹೆಚ್ಚು ಫಾಲೋವರ್‌ಗಳನ್ನು ಪಡೆದಿರುವ ಭಾರತೀಯ ಚಿತ್ರರಂಗದ ನಟಿ. ಪ್ರಸ್ತುತ ಅವರಿಗೆ 54.7 ಮಿಲಿಯನ್ ಫಾಲೋವರ್‌ಗಳಿದ್ದಾರೆ. ಎರಡನೆಯ ಸ್ಥಾನದಲ್ಲಿರುವ ದೀಪಿಕಾ ಪಡುಕೋಣೆ ಇತ್ತೀಚೆಗಷ್ಟೇ 50 ಮಿಲಿಯನ್ ದಾಟಿದ್ದರು. ಅವರಿಗೆ 50.3 ಮಿಲಿಯನ್ ಫಾಲೋವರ್‌ಗಳಿದ್ದಾರೆ.

ಆಲಿಯಾ ಭಟ್ ಹಿಂದಿದ್ದಾರೆ

ಆದರೆ ಸಮಕಾಲೀನ ನಟಿಯರಿಗೆ ಹೋಲಿಸಿದರೆ ಶ್ರದ್ಧಾ ಅನೇಕರನ್ನು ಹಿಂದಿಕ್ಕಿದ್ದಾರೆ. ಶ್ರದ್ಧಾ ನಂತರದ ಸ್ಥಾನದಲ್ಲಿರುವ ಆಲಿಯಾ ಭಟ್ ಕೂಡ ಈ ಮೈಲುಗಲ್ಲಿನ ಸಮೀಪವಿದ್ದು, 47.8 ಮಿಲಿಯನ್ ಫಾಲೋವರ್‌ಗಳನ್ನು ಪಡೆದಿದ್ದಾರೆ. ಶ್ರದ್ಧಾ ಕಪೂರ್ ಟ್ವಿಟ್ಟರ್‌ನಲ್ಲಿಯೂ 13 ಮಿಲಿಯನ್ ಫಾಲೋವರ್‌ಗಳನ್ನು ಹೊಂದಿದ್ದಾರೆ.

ಧನ್ಯವಾದ ಎಂದ ಶ್ರದ್ಧಾ

50 ಮಿಲಿಯನ್ ಗಡಿ ದಾಟಿದ ಸಂಭ್ರಮವನ್ನು ಶ್ರದ್ಧಾ ಹಂಚಿಕೊಳ್ಳದೆ ಇದ್ದರೂ ಅವರ ಅಭಿಮಾನಿಗಳು ವಿವಿಧ ಬಗೆಯ ಫೋಟೊ ಕೊಲಾಜ್‌ಗಳನ್ನು ಮಾಡಿ ಅವರಿಗೆ ಶುಭ ಹಾರೈಸಿದ್ದಾರೆ. ಇವುಗಳನ್ನು ಇನ್‌ಸ್ಟಾಗ್ರಾಂನ ಸ್ಟೋರೀಸ್‌ನಲ್ಲಿ ಶೇರ್ ಮಾಡಿಕೊಂಡಿರುವ ಶ್ರದ್ಧಾ ಅವರಿಗೆ ಧನ್ಯವಾದ ಸಲ್ಲಿಸಿದ್ದಾರೆ.