ಸೋನಾಕ್ಷಿ ಸಿನ್ಹಾ ಹೊಸ ಬಯಕೆ ಈಡೇರುತ್ತಾ..!

ಸೋನಾಕ್ಷಿ ಸಿನ್ಹಾ ಅವರ ಹೊಸ ಬಯಕೆ

ಆಗಾಗ ಫ್ಯಾಷನ್ ಶೋ ಕಾರ್ಯಕ್ರಮಗಳಲ್ಲಿ ಹೊಸ ಡಿಸೈನ್ ಡ್ರೆಸ್ ಗಳ ಪ್ರದರ್ಶನಕ್ಕಾಗಿ ಕಾಣಿಸಿಕೊಳ್ಳುವ ಸೋನಾಕ್ಷಿ ಅವರು ತಮ್ಮ ಬಹುದಿನಗಳ ಕನಸಿನ ಬಗ್ಗೆ ಹೇಳಿಕೊಂಡಿದ್ದಾರೆ. ಅದು ಫ್ಯಾಷನ್ ಶೋ ಗೆ ಸಂಬಂಧಿಸಿದ ಹೊಸ ರೀತಿಯ ಶೋ..['ಆಹಾ ನನ್ನ ಮದ್ವೆಯಂತೆ' ಎಂದ್ರಂತೆ ಸೋನಾಕ್ಷಿ.! ಹೌದಾ?]

ಅವರ ಬಯಕೆಯ ಫ್ಯಾಷನ್ ಶೋ ಇದು..

ಸೋನಾಕ್ಷಿ ಸಿನ್ಹಾ ಅವರು ಒಂದು ದಿನ 'ಅಂಡರ್ ವಾಟರ್ ಫ್ಯಾಷನ್ ಶೋ' ಮಾಡಬೇಕಂತೆ.

ನೀರಿನಲ್ಲಿ ಆಡುವುದು ತುಂಬಾ ಇಷ್ಟವಂತೆ

ಸೋನಾಕ್ಷಿ ಸಿನ್ಹಾ ಅವರು ಇತ್ತೀಚೆಗೆ ನಡೆದ ಡಿಸೈನರ್ ಮೊನಿಶಾ ಜೈಸಿಂಘ್ ಅವರ ಫ್ಯಾಶನ್ ಶೋ ನಲ್ಲಿ ಭಾಗವಹಿಸಿದ್ದರು. ಈವೇಳೆ 'ನಾನು ಬದುಕಿನಲ್ಲಿ ಸಾಧಿಸಬೇಕಾಗಿರುವುದು ತುಂಬಾ ಇದೆ. ನಾನು ವಾಟರ್ ಬೇಬಿ ಮತ್ತು ನೀರಿನಲ್ಲಿ ಈಜುವುದು, ಆಟವಾಡುವುದು ಎಂದರೆ ತುಂಬಾ ಇಷ್ಟ

. ಸೋ ಮುಂದೊಂದು ದಿನ ಅಂಡರ್ ವಾಟರ್ ಫ್ಯಾಶನ್ ಶೋ ನಡೆಸಬೇಕೆಂಬ ಆಸೆ ಇದೆ" ಎಂದು ಹೇಳಿಕೊಂಡಿದ್ದಾರೆ.

ಇದು ನನಗೆ ಕಷ್ಟವೇನಲ್ಲಾ..

'ನೀರಿನ ಮೇಲೆ ರ್ಯಾಂಪ್ ವಾಕ್ ಮಾಡುವುದು ನನಗೆ ಕಷ್ಟವೇನಲ್ಲ. ಅದರಲ್ಲಿ ಯಾವುದೇ ಟ್ವಿಸ್ಟ್ ಸಹ ಇಲ್ಲ. ತುಂಬಾ ಚೆನ್ನಾಗಿ ನಾನು ಮ್ಯಾನೇಜ್ ಮಾಡಬಲ್ಲೇ' ಎಂದು ಅಂಡರ್ ವಾಟರ್ ಫ್ಯಾಶನ್ ಶೋ ಬಗ್ಗೆ ಹೇಳಿದ್ದಾರೆ.

ಜಿಯೋ ಫಿಲ್ಮ್ ಫೇರ್ ಅವಾರ್ಡ್‌ ನಲ್ಲಿ ಸೋನಾಕ್ಷಿ ಪ್ರದರ್ಶನ

ಸೋನಾಕ್ಷಿ ಸಿನ್ಹಾ ಅವರು ಇತ್ತೀಚೆಗಷ್ಟೇ ಜಿಯೋ ಫಿಲ್ಮ್ ಫೇರ್ ಅವಾರ್ಡ್ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಈ ವೇಳೆ "ಸ್ಟೇಜ್ ಮೇಲೆ ಇದ್ದು, ಪ್ರದರ್ಶನ ನೀಡುವುದು ಮನೋರಂಜನೆ ಉದ್ಯಮದಲ್ಲಿ ನನ್ನ ನೆಚ್ಚಿನ ಕೆಲಸ. ಡ್ಯಾನ್ಸ್, ರ್ಯಾಂಪ್ ವಾಕ್ ಸೇರಿದಂತೆ ಪ್ರತಿ ಪ್ರದರ್ಶನವು ಸಹ ನನಗೆ ಮುಖ್ಯ" ಎಂದು ಹೇಳಿದ್ದರು.