ಬಾಲಿವುಡ್ ನಿಂದ ಭಾರತೀಯ ಸಂಸ್ಕೃತಿ ಹಾಳು: ಸೋನಂ ಮೇಲೆ ಟ್ರೋಲಿಗರ ಕಣ್ಣು.!

ವಜ್ರಖಚಿತ ಮಾಂಗಲ್ಯ ಸರ

ತಮ್ಮ ಮಾಂಗಲ್ಯ ಸರ ಹೀಗೇ ಇರಬೇಕು ಅಂತ ನಟಿ ಸೋನಂ ಕಪೂರ್ ತಾವೇ ಖುದ್ದಾಗಿ ಡಿಸೈನ್ ಮಾಡಿದ್ದರು. ಸೋನಂ ಕಪೂರ್ ಕರಿ ಮಣಿ ಮಾಂಗಲ್ಯ ಸರದಲ್ಲಿ ಮಿಥುನ ಹಾಗೂ ಸಿಂಹ ರಾಶಿಯ ಚಿಹ್ನೆ ಜೊತೆಗೆ ವಜ್ರವೂ ಇದೆ.

ಅಂದು ಸೋನಂ ಕುತ್ತಿಗೆಯಲ್ಲಿ ಮಾಂಗಲ್ಯ ಸರ

ಸಿಖ್ ಸಂಪ್ರದಾಯದಂತೆ ಸೋನಂ ಕಪೂರ್ ಕೊರಳಿಗೆ ಆನಂದ್ ಅಹುಜಾ ಮಾಂಗಲ್ಯಧಾರಣೆ ಮಾಡಿದ್ದರು. ಅಂದು ಸಂಪ್ರದಾಯಬದ್ಧವಾಗಿ ಕೊರಳಿಗೆ ಕರಿ ಮಣಿ ಮಾಂಗಲ್ಯ ಧರಿಸಿದ್ದ ಸೋನಂ ಇದೀಗ ಕೈಗೆ ಮಾಂಗಲ್ಯ ಹಾಕಿಕೊಂಡಿರುವುದು ವಿವಾದಕ್ಕೆ ಕಾರಣವಾಗಿದೆ.

ಸೋನಂ ಕೈಯಲ್ಲಿ ಮಾಂಗಲ್ಯದ ಬ್ರೇಸ್ಲೆಟ್

ತಮ್ಮ ಮುಂದಿನ ಸಿನಿಮಾ 'ವೀರೇ ದಿ ವೆಡ್ಡಿಂಗ್' ಪ್ರಮೋಷನ್ ವೇಳೆ ತಮ್ಮ ಕೈಗೆ ಕರಿ ಮಣಿ ಮಾಂಗಲ್ಯದ ಬ್ರೇಸ್ಲೆಟ್ ನ ಸೋನಂ ಕಪೂರ್ ತೊಟ್ಟಿದ್ದರು. ಸೋನಂ ರವರ ಈ ನಡೆಯನ್ನ ಫ್ಯಾಶನ್ ಪ್ರಿಯರು ಕೊಂಡಾಡಿದರೆ, ಸಂಪ್ರದಾಯವಾದಿಗಳ ಕಣ್ಣು ಕೆಂಪಾಯಿತು.

ಶುರುವಾಯ್ತು ಟ್ರೋಲ್ ಗಳು.!

''ಮಾಂಗಲ್ಯವನ್ನ ಬ್ರೇಸ್ಲೆಟ್ ಆಗೂ ಧರಿಸಬಹುದೇ.? ಧರ್ಮವನ್ನ ಪಾಲಿಸಲ್ಲ ಅಂದ್ರೆ ಪಾಲಿಸಬೇಡಿ. ಈ ತರಹ ಡ್ರಾಮಾ ಯಾಕೆ.?'' ಅಂತೆಲ್ಲ ನೆಟ್ಟಿಗರು ಸೋನಂ ಕಪೂರ್ ಗೆ ಬೆಂಡೆತ್ತುತ್ತಿದ್ದಾರೆ.

ಫೆಮಿನಿಸ್ಟ್ ಗಳ ಪ್ರಾಬ್ಲಂ ಇದು.!

''ಇದೆಲ್ಲ ಫೆಮಿನಿಸ್ಟ್ ಅಂತ ಕರೆಯಿಸಿಕೊಳ್ಳುವವರ ಪ್ರಾಬ್ಲಂ. ಇವರೆಲ್ಲ ಸಂಪ್ರದಾಯ ಪಾಲಿಸಲ್ಲ. ತಮ್ಮ ಮೂಗಿನ ನೇರಕ್ಕೆ ಹೇಗೆ ಬೇಕೋ, ಹಾಗೆ ನಡೆದುಕೊಳ್ಳುತ್ತಾರೆ ಅಷ್ಟೇ'' ಎನ್ನುತ್ತಿದ್ದಾರೆ ಟ್ವೀಟಿಗರು.

ಟ್ರೋಲ್ ಬಗ್ಗೆ ತಲೆ ಕೆಡಿಸಿಕೊಳ್ಳದ ಸೋನಂ

ತಮ್ಮ ಮಾಂಗಲ್ಯ ಸರದ ಬಗ್ಗೆ ಇಷ್ಟೆಲ್ಲ ಟ್ರೋಲ್ ಆಗುತ್ತಿದ್ದರೂ, ಸೋನಂ ಕಪೂರ್ ಮಾತ್ರ ತಲೆ ಕೆಡಿಸಿಕೊಂಡಿಲ್ಲ. ಟ್ರೋಲ್ ಗಳನ್ನ 'ನೆಗೆಟಿವ್' ಅಂತ ಪರಿಗಣಿಸುವ ಸೋನಂ, ಅದಕ್ಕೆ ಉತ್ತರ ಕೊಡುವ ಗೋಜಿಗೆ ಹೋಗಲ್ಲ.