ಸಲ್ಮಾನ್ ಖಾನ್ ಗೆ ಅರ್ಪಿತಾ ಒಡಹುಟ್ಟಿದ ತಂಗಿ ಅಲ್ಲ

ತಂದೆ-ತಾಯಿ ಕಳೆದುಕೊಂಡಿದ್ದ ಅರ್ಪಿತಾ .!

ಚಿಕ್ಕವಯಸ್ಸಲ್ಲೇ ಅಪ್ಪನನ್ನ ಕಳೆದುಕೊಂಡಿದ್ದ ಅರ್ಪಿತಾ, ತನ್ನ ತಾಯಿಯೊಂದಿಗೆ ನೆಲೆಸುವುದಕ್ಕೆ ಮನೆ ಇಲ್ಲದೇ ಫುತ್ ಪಾತ್ ನಲ್ಲಿ ಜೀವನ ಸಾಗಿಸುತ್ತಿದ್ದರು. ಅಷ್ಟರಲ್ಲೇ ಅರ್ಪಿತಾ ತಾಯಿ ಕೂಡ ಅಪಘಾತಕ್ಕೀಡಾದರು. ದಿಕ್ಕು ತೋಚದೆ ಅಮ್ಮನ ಮೃತದೇಹವನ್ನಿಟ್ಟುಕೊಂಡು ಅಳುತ್ತಿದ್ದ ಅರ್ಪಿತಾಗೆ ಆಸರೆಯಾಗಿದ್ದು ಸಲ್ಮಾನ್ ತಂದೆ.

ಅರ್ಪಿತಾಳನ್ನ ದತ್ತು ಪಡೆದ ಸಲ್ಲು ಅಪ್ಪ.

ಪುಟ್ಟ ಬಾಲಕಿ ಅಳುತ್ತಿದ್ದನ್ನ ನೋಡಿ, ಅದೇ ದಾರಿಯಲ್ಲಿ ಸಾಗುತ್ತಿದ್ದ ಸಲ್ಮಾನ್ ತಂದೆ ಸಲೀಂ ಖಾನ್, ಅರ್ಪಿತಾಳನ್ನ ಮನೆಗೆ ಕರೆತಂದರು. ಅಂದಿನಿಂದ ಖಾನ್ ಕುಟುಂಬದಲ್ಲಿ ಅರ್ಪಿತಾ ಒಬ್ಬರಾದರು.

ದತ್ತು ಪುತ್ರಿಯಾದರೂ ಭೇದಭಾವ ಇಲ್ಲ!

ಸಲೀಂ ಖಾನ್ ಗೆ ಅರ್ಪಿತಾ ದತ್ತು ಪುತ್ರಿಯಾದರೂ, ಇಡೀ ಖಾನ್ ಕುಟುಂಬ ಆಕೆಯನ್ನ ಮಹಾರಾಣಿಯಂತೆ ಸಾಕಿದೆ. ದತ್ತು ಪುತ್ರಿಯಂತ ಯಾವುದೇ ತಾರತಮ್ಯ ಮಾಡಿಲ್ಲ. ಅದಕ್ಕೆ ಇಂದು (ನವೆಂಬರ್ 18) ನಡೆಯುತ್ತಿರುವ ಅರ್ಪಿತಾಳ ವಿವಾಹ ಮಹೋತ್ಸವವೇ ಸಾಕ್ಷಿ.

ಅರ್ಪಿತಾ ಅಂದ್ರೆ ಸಲ್ಲುಗೆ ಪ್ರಾಣ

ಇಡೀ ಕುಟುಂಬದಲ್ಲಿ ಸಲ್ಮಾನ್ ಗೆ ಅತ್ಯಾಪ್ತೆ ಅಂದ್ರೆ ಅದು ಅರ್ಪಿತಾ. ತಂಗಿಯನ್ನ ಕಂಡ್ರೆ ಪ್ರಾಣ ಬಿಡುವ ಸಲ್ಮಾನ್ ಇಂದು ಮುಂದೆ ನಿಂತು ಅರ್ಪಿತಾ ಮದುವೆಯನ್ನ ಅದ್ದೂರಿಯಾಗಿ ಮಾಡ್ತಿದ್ದಾರೆ.

ಅರ್ಪಿತಾ ಕನಸು ನನಸಾಗಿಸಿದ ಸಲ್ಮಾನ್

ಅರ್ಪಿತಾಗೆ ದೊಡ್ಡ ಅರಮನೆಯಲ್ಲಿ ಮದುವೆಯಾಗ್ಬೇಕು ಅನ್ನುವ ಆಸೆಯಿತ್ತಂತೆ. ಅದನ್ನ ತಿಳಿದ ಸಲ್ಮಾನ್, ಹೈದರಾಬಾದ್ ನ ಪ್ರತಿಷ್ಠಿತ ತಾಜ್ ಫಲಕ್ನುಮಾ ಪ್ಯಾಲೇಸ್ ನಲ್ಲೇ ಮದುವೆ ಫಿಕ್ಸ್ ಮಾಡಿ ತಂಗಿ ಆಸೆಯನ್ನ ನೆರವೇರಿಸಿದ್ದಾರೆ. ಅದು ಬರೋಬ್ಬರಿ 2 ಕೋಟಿ ರೂಪಾಯಿ ಬಾಡಿಗೆ ಕೊಟ್ಟು.

ಅರ್ಪಿತಾಗೆ ಸಲ್ಲು ಕೊಟ್ಟ ದುಬಾರಿ ಗಿಫ್ಟ್

ಮದುವೆ ಸಂಭ್ರಮದಲ್ಲಿರುವ ಅರ್ಪಿತಾಗೆ ಸಲ್ಲು, 16 ಕೋಟಿ ರೂಪಾಯಿ ಮೌಲ್ಯದ ಐಶಾರಾಮಿ ಫ್ಲಾಟ್ ಒಂದನ್ನೂ ಗಿಫ್ಟ್ ಆಗಿ ನೀಡಿದ್ದಾರೆ.

ಲಂಡನ್ ಕಾಲೇಜ್ ನಲ್ಲಿ ಪದವೀಧರೆ

ಫ್ಯಾಶನ್ ಮಾರ್ಕೆಟಿಂಗ್ ಮತ್ತು ಮ್ಯಾನೇಜ್ಮೆಂಟ್ ವಿಷಯದಲ್ಲಿ ಲಂಡನ್ ಕಾಲೇಜ್ ನಿಂದ ಅರ್ಪಿತಾ ಪದವಿ ಪಡೆದಿದ್ದಾರೆ. ಸದ್ಯ ಮುಂಬೈನಲ್ಲಿರುವ ಒಳಾಂಗಣ ವಿನ್ಯಾಸ ಸಂಸ್ಥೆಯಲ್ಲಿ ಉದ್ಯೋಗಿಯಾಗಿರುವ ಅರ್ಪತಾಗೆ ತನ್ನದೇ ಫ್ಯಾಶನ್ ಬ್ರ್ಯಾಂಡ್ ಮತ್ತು ಸಿನಿಮಾವೊಂದನ್ನ ನಿರ್ಮಿಸುವ ಆಸೆಯಿದೆ.

ಅರ್ಜುನ್ ಕಪೂರ್ ಜೊತೆ ಲವ್ವಿ ಡವ್ವಿ

ಇಂದು ಆಯುಷ್ ಜೊತೆ ವಿವಾಹವಾಗಿರುವ ಅರ್ಪಿತಾ, ಎರಡು ವರ್ಷಗಳ ಹಿಂದೆ ಅರ್ಜುನ್ ಕಪೂರ್ ಜೊತೆ ಪ್ರೇಮಪಾಶದಲ್ಲಿ ಸಿಲುಕಿದ್ದರು.

ಆಯುಷ್ ಜೊತೆ ವಿವಾಹ

ಅರ್ಜುನ್ ಕಪೂರ್ ಜೊತೆ ಬ್ರೇಕಪ್ ಆದ್ಮೇಲೆ ತನ್ನ ಗೆಳೆಯರ ಬಳಗದಲ್ಲೇ ಇದ್ದ ಆಯುಷ್ ರನ್ನ ಸಂಗಾತಿಯಾನ್ನಾಗಿಸಿಕೊಳ್ಳುವುದಕ್ಕೆ ಅರ್ಪಿತಾ ಮನಸ್ಸು ಮಾಡಿದ್ರು.

2015ಕ್ಕೆ ಆಗ್ಬೇಕಿತ್ತು ವಿವಾಹ

ಆಯುಷ್-ಅರ್ಪಿತಾ ವಿವಾಹ 2015ಕ್ಕೆ ನಿಗಧಿಯಾಗಿತ್ತು. ಆದರೆ ತಂದೆ ಸಲೀಂ ಮತ್ತು ಸಲ್ಮಾ ಖಾನ್ ರ 50ನೇ ವಿವಾಹ ವಾರ್ಷಿಕೋತ್ಸವವಾಗಿರುವುದರಿಂದ ಈ ವರ್ಷವೇ ಅರ್ಪಿತಾ ಹಸೆಮಣೆ ಏರೋಕೆ ನಿರ್ಧರಿಸಿದ್ರು.

ಖಾನ್ ಕುಟುಂಬಕ್ಕಾಗಿ ಟಾಟ್ಯೂ

ತನ್ನ ಬಾಳಿಗೆ ಬೆಳಕಾಗಿ, ಎಲ್ಲಾ ಆಸೆಗಳನ್ನ ಈಡೇರಿಸಿರುವ ಖಾನ್ ಕುಟುಂಬಕ್ಕೆ ಪುಟ್ಟ ಕೊಡುಗೆಯಾಗಿ ಅರ್ಪಿತಾ ಎಲ್ಲರನ್ನ ಹೆಸರನ್ನ ಟಾಟ್ಯೂ ಹಾಕಿಸಿಕೊಂಡಿದ್ದಾರೆ.