ಸೋನಂ ಕಪೂರ್ ಆರತಕ್ಷತೆಯಲ್ಲಿ ಕಂಡ ವಿಶೇಷತೆಗಳಿವು..

ಬೋನಿ ಕಪೂರ್ ಮಕ್ಕಳ ಸಂತಸ.!

ಬೋನಿ ಕಪೂರ್ ರವರ ಇಬ್ಬರು ಪತ್ನಿಯರು ಬದುಕಿದ್ದಾಗ ನಾಲ್ಕು ಮಕ್ಕಳು ಒಟ್ಟಿಗೆ ಸೇರಿದ್ರೋ, ಇಲ್ವೋ. ಆದ್ರೆ, ಈಗ ನಾಲ್ವರೂ ಒಂದಾಗಿ, ಒಗ್ಗಟ್ಟಾಗಿ ಖುಷಿ ಖುಷಿಯಿಂದ ಇದ್ದಾರೆ. ಅದಕ್ಕೆ ಸಾಕ್ಷಿ ಸೋನಂ ಕಪೂರ್-ಆನಂದ್ ಅಹುಜಾ ಆರತಕ್ಷತೆಯಲ್ಲಿ ತೆಗೆದ ಈ ಫೋಟೋ.

ಗರ್ಲ್ ಫ್ರೆಂಡ್ ಜೊತೆಗೆ ಬಂದ ವರುಣ್ ಧವನ್

ಸೋನಂ ಕಪೂರ್ ಆರತಕ್ಷತೆಯಲ್ಲಿ ನಡೆದ ಮತ್ತೊಂದು ಅಚ್ಚರಿ ಅಂದ್ರೆ ಇದೇ.! ಬಾಲಿವುಡ್ ನಟ ವರುಣ್ ಧವನ್ ತಮ್ಮ ಗರ್ಲ್ ಫ್ರೆಂಡ್ ನತಾಶಾ ದಲಾಲ್ ಕೈ ಹಿಡಿದುಕೊಂಡೇ ರಿಸೆಪ್ಷನ್ ಪಾರ್ಟಿಗೆ ಆಗಮಿಸಿದರು.

ಸಲ್ಮಾನ್ ರನ್ನ ಅವಾಯ್ಡ್ ಮಾಡಿದ ಐಶ್ವರ್ಯ

ಸಲ್ಮಾನ್ ಖಾನ್ ಹಾಗೂ ಐಶ್ವರ್ಯ ರೈ ಮಾಜಿ ಪ್ರೇಮಿಗಳು. ಸೋನಂ ಕಪೂರ್ ಆರತಕ್ಷತೆಯಲ್ಲಿ ಮಾಜಿ ಪ್ರೇಮಿಗಳು ಒಂದೇ ಸೂರಿನಡಿ ಬಂದರು. ಆದ್ರೆ, ಇಡೀ ರಿಸೆಪ್ಷನ್ ಪಾರ್ಟಿಯಲ್ಲಿ ಸಲ್ಮಾನ್ ರನ್ನ ಐಶ್ವರ್ಯ ರೈ ಅವಾಯ್ಡ್ ಮಾಡಿದರು.

ಆಲಿಯಾ-ರಣ್ಬೀರ್ ಮಧ್ಯೆ ಏನಿದೆ, ಏನಿಲ್ಲ.?

ರಣ್ಬೀರ್ ಕಪೂರ್ ಹಾಗೂ ಆಲಿಯಾ ಭಟ್ ನಡುವೆ ಸಂಥಿಂಗ್ ಸಂಥಿಂಗ್ ನಡೆಯುತ್ತಿದೆ ಎಂಬ ಗಾಸಿಪ್ ಬಾಲಿವುಡ್ ನಲ್ಲಿ ಕೇಳಿಬರುತ್ತಿದೆ. ಈ ನಡುವೆ ಸೋನಂ ಕಪೂರ್ ಆರತಕ್ಷತೆಯಲ್ಲಿ ರಣ್ಬೀರ್ ಹಾಗೂ ಆಲಿಯಾ ಒಟ್ಟಿಗೆ ಎಂಟ್ರಿ ಕೊಟ್ಟು ಗಾಸಿಪ್ ಪಂಡಿತರ ಬಾಯಿಗೆ ಆಹಾರವಾಗಿದ್ದಾರೆ.

ಶಾರುಖ್, ಸಲ್ಮಾನ್, ರಣ್ವೀರ್ ಡ್ಯಾನ್ಸ್ ಧಮಾಕಾ

ಸೋನಂ ಕಪೂರ್-ಆನಂದ್ ಅಹುಜಾ ರಿಸೆಪ್ಷನ್ ಪಾರ್ಟಿಯಲ್ಲಿ ಶಾರುಖ್ ಖಾನ್, ಸಲ್ಮಾನ್ ಖಾನ್, ರಣ್ವೀರ್ ಸಿಂಗ್ ಹಾಗೂ ಅನಿಲ್ ಕಪೂರ್ ಕುಣಿದು ಕುಪ್ಪಳಿಸಿ ಸಂಭ್ರಮಿಸಿದರು.