ಸ್ವರ್ಣ ಕಮಲ ಪಡೆದ 'ಬ್ಯಾರಿ' ಚಿತ್ರ ಕೃತಿ ಚೌರ್ಯವೇ?

ಸಾ.ರಾ.ಅಬೂಬಕ್ಕರ್ ಅವರ 'ಚಂದ್ರಗಿರಿಯ ತೀರದಲ್ಲಿ' ಕಾದಂಬರಿಯ ಕಥಾವಸ್ತುವೇ 'ಬ್ಯಾರಿ' ಚಿತ್ರ ಎನ್ನಲಾಗಿದೆ. ಚಿತ್ರದ ನಿರ್ದೇಶಕರು ಈ ಕೃತಿಯನ್ನು ಬಳಸಿಕೊಂಡೇ ಚಿತ್ರ ಮಾಡಿದ್ದು, ಇದಕ್ಕೆ ಸೂಕ್ತ ಉತ್ತರ ನೀಡಬೇಕೆಂದು ಹಲವರು ಆಗ್ರಹಿಸಿದ್ದಾರೆ. ಆದರೆ ಚಿತ್ರದ ನಿರ್ದೇಶಕ ಸುವೀರನ್ ಮಾತ್ರ ಇದುವರೆಗೂ ಈ ಬಗ್ಗೆ ಸ್ಪಷ್ಟೀಕರಣ ನೀಡಿಲ್ಲ.

ಅಲ್ತಾಫ್ ಹುಸೈನ್ ಚೊಕ್ಕಬೆಟ್ಟು ನಿರ್ಮಿಸಿರುವ ಈ ಚಿತ್ರ ಕರಾವಳಿ ಕರ್ನಾಟಕದ 'ಬ್ಯಾರಿ' ಜನಾಂಗದ ಸಾಮಾಜಿಕ ಸಮಸ್ಯೆಗಳ ಸುತ್ತ ಬೆಳಕು ಚೆಲ್ಲುತ್ತದೆ. ಇರ್ಫಾನ್ ಚೊಕ್ಕಬೆಟ್ಟು ಕಥೆ ಆಧಾರಿತ ಈ ಚಲನಚಿತ್ರದ ನಾಯಕ ನಟನಾಗಿಯೂ ಅಲ್ತಾಫ್ ಅಭಿನಯಿಸಿದ್ದಾರೆ. ಚಿತ್ರದ ಪ್ರಮುಖ ಪಾತ್ರದಲ್ಲಿ ಖ್ಯಾತ ಮಲಯಾಳಂ ನಟ ಮಮ್ಮುಕೊಯಾ, ತಮಿಳು ನಟಿ ಮಲ್ಲಿಕಾ ನಟಿಸಿದ್ದಾರೆ. (ಒನ್‌ಇಂಡಿಯಾ ಕನ್ನಡ)