ನಟಿ ಮೀರಾ ಜೊತೆ ವೇಗಿ ಶೋಯೆಬ್ ಅಖ್ತರ್ ಲಫ್ಡಾ

ನನ್ನ ಮತ್ತು ಶೋಯೆಬ್ ನಡುವೆ ಎರಡು ವರ್ಷಗಳಿಂದ ಸಂಬಂಧವಿತ್ತು. ನಮ್ಮಿಬ್ಬರ ಸಂಬಂಧ ತುಂಬ ಆತ್ಮೀಯವಾಗಿತ್ತು. ಆತನಿಗಾಗಿ ಒಂದು ವರ್ಷ ಕಾದು ಜೀವನ ಹಾಳು ಮಾಡಿಕೊಂಡೆ ಎಂದು ತಮ್ಮ ಅಳಲನ್ನು ಮೀರಾ ತೋಡಿಕೊಂಡಿದ್ದಾರೆ.

ಎರಡು ವರ್ಷಗಳ ಹಿಂದೆ ನನಗೆ ಪ್ರೇಮ ನಿವೇದನೆ ಮಾಡಿದ್ದ. ಅಂದೇ ಆತ ನನ್ನ ಸೋದರ ಸಂಬಂಧಿ ಬಳಿಯೂ ಪ್ರೇಮ ನಿವೇದನೆ ಮಾಡಿಕೊಂಡಿದ್ದ. ಈ ವಿಷಯ ತಿಳಿದ ಬಳಿಕ ನಾನು ಆತನೊಂದಿಗೆ ಸಂಬಂಧ ಕಳೆದುಕೊಂಡೆ. ಇದೆಲ್ಲವನ್ನೂ ಆಕೆ ಸುದ್ದಿ ವಾಹಿನಿಯೊಂದಕ್ಕೆ ಹೇಳಿದ್ದಾರೆ.

ಆದರೆ ಮೀರಾರ ಆರೋಪಗಳನ್ನು ಅಖ್ತರ್ ಸಾರಾಸಗಟಾಗಿ ತಳ್ಳಿ ಹಾಕಿದ್ದಾರೆ. ನನ್ನಂತಹ ಜನಪ್ರಿಯ ಕ್ರಿಕೆಟಿಗನೊಬ್ಬ ಹುಡುಗಿಯರ ಕಡೆ ನಗೆ ಬೀರಿದರೂ ತಪ್ಪಾಗಿ ಭಾವಿಸುತ್ತಾರೆ. ನನ್ನನ್ನು ಪ್ರೇಮಿಸುತ್ತಿದ್ದಾನೆ ಎಂದೇ ತಿಳಿದುಕೊಳ್ಳುತ್ತಾರೆ. ಮೀರಾಗೂ ನನಗೂ ಯಾವುದೇ ಒಡನಾಟ ಇಲ್ಲವೇ ಇಲ್ಲ ಎಂದಿದ್ದಾನೆ ಅಖ್ತರ್. (ಏಜೆನ್ಸೀಸ್)