ಸಂಸಾರ ನೌಕೆ ಹತ್ತಲಿರುವ ಮಲ್ಲು ಬೆಡಗಿ ಅಸಿನ್

ಇಷ್ಟಕ್ಕೂ ಮದುವೆ ಯಾವಾಗ?

ಈ ಬಾಲಿವುಡ್ ಸಿನಿಮಾ ತಾರೆಗಳ ಸುದ್ದಿ ಯಾವಾಗಲೂ ಪಕ್ಕ ಇರಲ್ಲ ಕಣ್ರಿ. ಎಲ್ಲರೂ ಹೇಳುವಂತೆ ಇದೇ ವರ್ಷ ಅಸಿನ್ ಸಂಸಾರ ನೌಕೆ ಹತ್ತಲಿದ್ದಾರೆ ಎನ್ನಲಾಗಿದೆ. ಧಾಂ ಧೂಂ ಎಂದು ಅದ್ದೂರಿಯಾಗಿ ಅಲ್ಲದೆ ಸಿಂಪಲ್ಲಾಗಿ ಮದುವೆಯಾಗುತ್ತಾರಂತೆ.

ಮದುವೆ ಬಳಿಕ ಸಿನಿಮಾಗೆ ಗುಡ್ ಬೈ?

ಮದುವೆ ಬಳಿಕ ಯಾರ್ ರೀ ಕೇಳ್ತಾರೆ. ಅವರು ಅಭಿನಯಿಸಿದರೆಷ್ಟು ಬಿಟ್ಟರೆಷ್ಟು. ಆದರೂ ಅಸಿನ್ ಮಾತ್ರ ಎಲ್ಲರೂ ಹೇಳುವ ಡೈಲಾಗನ್ನೇ ಹೇಳಿದ್ದಾರೆ. ಒಳ್ಳೆಯ ಸಬ್ಜೆಕ್ಟ್ ಸಿಕ್ರೆ ಬಿಡಲ್ಲ ಅಂದಿದ್ದಾರೆ.

ಮುಂದೆ ಯಾವ ರೀತಿ ಪಾತ್ರ ಮಾಡ್ತಾರಂತೆ

ಅಯ್ಯೋ ಅದೇ ರೀತಿ ಪಾತ್ರಗಳನ್ನು ಮಾಡಿ ಮಾಡಿ ಬೇಜಾರಾಗಿದೆ ಎನ್ನುವ ಅಸಿನ್, ಮುಂಬರುವ ದಿನಗಳಲ್ಲಿ ಹೀರೋ ಕೈಗೊಂಬೆಯಂತಹ ಪಾತ್ರಗಳನ್ನು ಮಾಡಲ್ಲವಂತೆ. ಅಭಿನಯಕ್ಕೆ ಸವಾಲೊಡ್ಡುವ ಪಾತ್ರಗಳಲ್ಲಿ ಮಾಡ್ತೀನಿ ಎಂದಿದ್ದಾರೆ.

ದಕ್ಷಿಣದ ಕಡೆಗೆ ಬರುತ್ತಾರೋ ಇಲ್ವೋ?

ಊರಿಗೆ ಬಂದವಳು ನೀರಿಗೆ ಬರದೆ ಇರ್ತಾಳಾ. ಅಸಿನ್ ಕೂಡ ಅಷ್ಟೇ ಉತ್ತರಕ್ಕೋದರೂ ದಕ್ಷಿಣಕ್ಕೆ ಬರಲೇಬೇಕು. ತಮಿಳು ಚಿತ್ರದಲ್ಲಿ ಅಭಿನಯಿಸುತ್ತೇನೆ ಎಂದಿದ್ದಾರೆ.

ಯಾರಾದರೂ ಸಂಪರ್ಕಿಸಿದ್ದಾರಂತಾ?

ಈಗಾಗಲೆ ತಮಿಳು ನಿರ್ಮಾಪಕರೊಬ್ಬರು ಕಾಲ್ ಶೀಟ್ ಹಿಡಿದು ಓಡಾಡುತ್ತಿದ್ದಾರಂತೆ. ಆದರೆ ಅಸಿನ್ ಮಾತ್ರ ಆತನ ಕೈಗೆ ಸಿಗದೆ ಎಸ್ಕೇಪ್ ಆಗುತ್ತಿದ್ದಾರೆ. ಅದ್ಯಾಕೋ ಏನೋ ಕಥೆ ಇಷ್ಟವಾಗಲಿಲ್ಲವೋ, ನಿರೀಕ್ಷಿಸಿದಷ್ಟು ಸಂಭಾವನೆ ಸಿಗಲಿಲ್ಲವೋ.