ತಲೈವಾನ ಹಿಂದಿಕ್ಕಿದ ಮಾಸ್ಟರ್ ? ದಳಪತಿ68 ಚಿತ್ರಕ್ಕೆ ವಿಜಯ್ ಸಂಭಾವನೆ ಎಷ್ಟು ಕೋಟಿ ಗೊತ್ತಾ?

ವಿಜಯ ಸಂಭಾವನೆ ₹150 ಕೋಟಿ

ಸದ್ಯ ಕಾಲಿವುಡ್‌ ಅಂಗಳದಲ್ಲಿ ಇಂತಾದೊಂದು ಸುದ್ದಿ ಭಾರೀ ಸದ್ದು ಮಾಡ್ತಿದೆ. ಸನ್ ಪಿಕ್ಚರ್ಸ್ ಬ್ಯಾನರ್‌ನಲ್ಲಿ ನಿರ್ಮಾಣವಾಗುವ ದಳಪತಿ68 ಚಿತ್ರಕ್ಕೆ ವಿಜಯ್ ಬರೋಬ್ಬರಿ 150 ಕೋಟಿ ರೂ. ಸಂಭಾವನೆ ಪಡೆಯುತ್ತಿದ್ದಾರಂತೆ. ಈ ಸುದ್ದಿ ಕೇಳಿ ಕಾಲಿವುಡ್ ಮಂದಿ ಅವಕ್ಕಾಗಿದ್ದಾರೆ. ಸಂಕ್ರಾಂತಿ ಸಂಭ್ರಮದಲ್ಲಿ ವಿಜಯ್ ನಟನೆಯ 'ವಾರೀಸು' ಸಿನಿಮಾ ತೆರೆಗಪ್ಪಳಿಸ್ತಿದೆ. ನಂತರ ಲೋಕೇಶ್ ಕನಕರಾಜ್ ನಿರ್ದೇಶನದ ಚಿತ್ರದಲ್ಲಿ ವಿಜಯ್ ನಟಿಸಲಿದ್ದಾರೆ.

ಅಟ್ಲಿಗೆ ₹50 ಕೋಟಿ ಸಂಭಾವನೆ

ಬರೋಬ್ಬರಿ 400 ಕೋಟಿ ರೂ. ಬಜೆಟ್‌ನಲ್ಲಿ ದಳಪತಿ68 ಸಿನಿಮಾ ನಿರ್ಮಾಣ ಆಗಲಿದೆಯಂತೆ. ಅದಕ್ಕೆ ತಕ್ಕಂತೆ ನಿರ್ದೇಶಕ ಅಟ್ಲಿಗೆ 50 ಕೋಟಿ ರೂ. ಸಂಭಾವನೆ ಸಿಗುತ್ತಿದೆ ಎನ್ನುವ ಗುಸುಗುಸು ಕೇಳಿಬರ್ತಿದೆ. ಅಟ್ಲಿ ಹೇಳಿರುವ ಕಥೆ ಕೇಳಿ ಸನ್ ಪಿಕ್ಚರ್ಸ್ ಸಂಸ್ಥೆ ಸಿನಿಮಾ ಮಾಡಲು ಉತ್ಸುಕವಾಗಿದೆ. 3 ಬ್ಲಾಕ್‌ಬಸ್ಟರ್ ಹಿಟ್ ಕೊಟ್ಟಿರುವ ಜೋಡಿ ಮತ್ತೊಂದು ಹಿಟ್ ಕೊಡುವ ನಿರೀಕ್ಷೆಯಿದೆ.

ಸಂಕ್ರಾಂತಿಗೆ 'ವಾರೀಸು' ಎಂಟ್ರಿ

ದಳಪತಿ ವಿಜಯ್ ಹಾಗೂ ನಿರ್ದೇಶಕ ಅಟ್ಲಿ ಇಬ್ಬರು ಬೇರೇ ಬೇರೆ ಪ್ರಾಜೆಕ್ಟ್‌ಗಳಲ್ಲಿ ಸದ್ಯ ಬ್ಯುಸಿಯಾಗಿದ್ದಾರೆ. 'ವಾರೀಸು' ರಿಲೀಸ್ ನಂತರ ವಿಜಯ್ ಲೋಕೇಶ್ ಕನಕರಾಜ್ ನಿರ್ದೇಶನಲ್ಲಿ ನಟಿಸಲಿದ್ದಾರೆ. ಇತ್ತ ಅಟ್ಲಿ ಬಾಲಿವುಡ್ ಪ್ರಾಜೆಕ್ಟ್ 'ಜವಾನ್' ಕಂಪ್ಲೀಟ್ ಮಾಡಬೇಕಿದೆ. ಶಾರುಕ್ ಖಾನ್ ಹಾಗೂ ನಯನತಾರ ಈ ಸಿನಿಮಾದಲ್ಲಿ ನಟಿಸ್ತಿದ್ದಾರೆ. ಈ ಎರಡು ಸಿನಿಮಾಗಳು ಮುಗಿದ ಮೇಲೆ ಇಬ್ಬರು ದಳಪತಿ68 ಚಿತ್ರಕ್ಕಾಗಿ ಕೈಜೋಡಿಸಲಿದ್ದಾರೆ.

ರಜನಿಕಾಂತ್ ಹಿಂದಿಕ್ಕಿದ ವಿಜಯ್

ಸೂಪರ್ ಸ್ಟಾರ್ ರಜನಿಕಾಂತ್ ಚಿತ್ರವೊಂದಕ್ಕೆ 130 ಕೋಟಿ ರೂ. ಸಂಭಾವನೆ ಪಡೀತಾರೆ ಎನ್ನಲಾಗುತ್ತದೆ. ದಳಪತಿ 110ರಿಂದ 125 ಕೋಟಿವರೆಗೂ ಚಾರ್ಜ್ ಮಾಡುತ್ತಿದ್ದರು. ಆದರೆ ದಳಪತಿ68 ಚಿತ್ರಕ್ಕೆ ಏಕಾಏಕಿ 150 ಕೋಟಿ ರೂ. ಸಂಭಾವನೆ ಪಡೆಯುವ ಮೂಲಕ ವಿಜಯ್, ರಜನಿಕಾಂತ್‌ನ ಮೀರಿಸಿದ್ದಾರೆ ಎನ್ನಲಾಗ್ತಿದೆ. ವಿಜಯ್ ಸಿನಿಮಾಗಳಿಗೆ ಬರೀ ತಮಿಳುನಾಡು ಮಾತ್ರವಲ್ಲದೇ ಆಂಧ್ರ, ತೆಲಂಗಾಣದಲ್ಲೂ ಭಾರೀ ಕ್ರೇಜ್ ಇದೆ. ಒಂದೇ ಭಾಷೆಯಲ್ಲಿ ವಿಜಯ್ ಸಿನಿಮಾಗಳು ರಿಲೀಸ್ ಆಗಿ 200, 300 ಕೋಟಿ ಬ್ಯುಸಿನೆಸ್ ಮಾಡಿವೆ.