ಸಪ್ತಮಿ ಗೌಡಗೆ ಫುಲ್ ಡಿಮ್ಯಾಂಡ್: 'ಕಾಳಿ' ಬಳಿಕ ಮತ್ತೊಂದು ಸಿನಿಮಾಗೆ ಗ್ರೀನ್ ಸಿಗ್ನಲ್?

ಮತ್ತೊಂದು ಸಿನಿಮಾಗೆ ಸಪ್ತಮಿ ಗ್ರೀನ್ ಸಿಗ್ನಲ್?

ಸಪ್ತಮಿ ಗೌಡಗೆ ಸ್ಯಾಂಡಲ್‌ವುಡ್‌ನಲ್ಲಿ ಡಿಮ್ಯಾಂಡ್ ಹೆಚ್ಚಾಗಿರೋದು ನಿಜ. 'ಕಾಂತಾರ' ಸಿನಿಮಾದಲ್ಲಿ ಅದ್ಭುತ ಪರ್ಫಾಮೆನ್ಸ್ ನೀಡಿದ ಬಳಿಕ ಈ ನಟಿಗೆ ಕನ್ನಡ ಚಿತ್ರರಂಗದಲ್ಲಿ ಬೇಡಿಕೆ ದುಪ್ಪಟ್ಟಾಗಿದೆ. ಸಿನಿಮಾ ಮಂದಿ ತಮ್ಮ ಸಿನಿಮಾಗೆ ಸಪ್ತಮಿಗೌಡ ಆಯ್ಕೆ ಮಾಡಲು ತುದಿಗಾಲಲ್ಲಿ ನಿಂತಿದ್ದಾರೆ ಅನ್ನೋ ಮಾತು ಹರಿದಾಡುತ್ತಿದೆ. ಗಾಂಧಿನಗರದಲ್ಲಿ ಹರಿದಾಡುತ್ತಿರೋ ಸುದ್ದಿ ಪ್ರಕಾರ, 'ಕಾಳಿ'ಗೂ ಮುನ್ನ ಮತ್ತೊಂದು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅದುವೇ 'ಉತ್ತರಕಾಂಡ'.

'ಉತ್ತರಕಾಂಡ'ದಲ್ಲಿ ಸಪ್ತಮಿ ಗೌಡ

'ಉತ್ತರ ಕಾಂಡ' ಸ್ಯಾಂಡಲ್‌ವುಡ್‌ನ ಮತ್ತೊಂದು ಬಹುನಿರೀಕ್ಷೆಯ ಸಿನಿಮಾ. ಡಾಲಿ ಧನಂಜಯ್ ಹಾಗೂ ರಮ್ಯಾ ಕಾಂಬಿನೇಷನ್‌ನಲ್ಲಿ ಬರುತ್ತಿರೋ ಮೊದಲ ಸಿನಿಮಾವಿದು. ಅಲ್ಲದೆ ಮೋಹಕತಾರೆ ಕಮ್‌ಬ್ಯಾಕ್ ಮಾಡಿರುವ ಸಿನಿಮಾ ಆಗಿರೋದ್ರಿಂದ ನಿರೀಕ್ಷೆ ಸಹಜವಾಗಿಯೇ ಹೆಚ್ಚಿದೆ. ಇದರ ಜೊತೆಗೆ ರಮ್ಯಾ ಜೊತೆ ಸಪ್ತಮಿ ಗೌಡ ಕೂಡ ನಟಿಸುತ್ತಿದ್ದಾರೆ ಅನ್ನೋ ಮಾತು ಸಿನಿಪ್ರಿಯರಿಗೆ ಮತ್ತಷ್ಟು ಕಿಕ್ ಕೊಟ್ಟಿದೆ. ಇದರ ಜೊತೆಗೆನೇ 'ಉತ್ತರಕಾಂಡ'ದಲ್ಲೂ ಸಪ್ತಮಿ ಗೌಡ ರಗಡ್ ರೋಲ್‌ನಲ್ಲಿಯೇ ಕಾಣಿಸಿಕೊಳ್ಳುತ್ತಾರಾ? ಅನ್ನೋ ಕುತೂಹಲ ಕೂಡ ದುಪ್ಪಟ್ಟಾಗಿದೆ.

'ಹೆಡ್‌ಬಿಷ್' ಪ್ರಚಾರದಲ್ಲಿ ಸಪ್ತಮಿ

'ಉತ್ತರಕಾಂಡ' ಸಿನಿಮಾ ಸಪ್ತಮಿ ನಟಿಸುತ್ತಾರೆ ಅಂತ ಹರಿದಾಡುತ್ತಿರುವ ಸುದ್ದಿ ಸಿನಿಮಾ ಮಂದಿಗೆ ಅಚ್ಚರಿ ಅಂತೇನು ಅನಿಸಿಲ್ಲ. ಯಾಕಂದ್ರೆ, 'ಹೆಡ್‌ಬುಷ್' ಬಿಡುಗಡೆಗೂ ಮುನ್ನ ದಾವಣಗೆರೆಯಲ್ಲಿ ಟ್ರೈಲರ್ ಲಾಂಚ್ ನಡೆದಿತ್ತು. ಈ ವೇಳೆ ಧನಂಜಯ್ ಜೊತೆ ರಮ್ಯಾ, ಸಪ್ತಮಿ ಗೌಡ ಹಾಗೂ ಕೆಆರ್‌ಜಿ ಸ್ಡುಡಿಯೋದ ಕಾರ್ತಿಕ್ ಗೌಡ ಹಾಗೂ ಯೋಗಿ ಜಿ ರಾಮ್‌ ಕೂಡ ಭಾಗವಹಿಸಿದ್ದರು. ಈ ವೇಳೆನೇ 'ಉತ್ತರಕಾಂಡ' ಸಿನಿಮಾದಲ್ಲಿ ನಟಿಸಬೇಕು ಅನ್ನೋ ಮಾತುಕತೆ ಕೂಡ ನಡೆದಿತ್ತು ಅನ್ನೋ ಗುಸು ಗುಸು ಇದೆ.

4ನೇ ಸಿನಿಮಾಗೆ ಜೈ ಎಂದ ಸಪ್ತಮಿ

'ಉತ್ತರಕಾಂಡ' ಸಪ್ತಮಿ ಗೌಡ ಅಭಿನಯದ 3ನೇ ಸಿನಿಮಾ ಅಥವಾ 4ನೇ ಸಿನಿಮಾ ಇರಹುದು. ದುನಿಯಾ ಸೂರಿ ನಿರ್ದೇಶನದ 'ಪಾಪ್‌ ಕಾರ್ನ್ ಮಂಕಿ ಟೈಗರ್' ಸಪ್ತಮಿ ಗೌಡ ಅಭಿನಯದ ಮೊದಲ ಸಿನಿಮಾ. 'ಕಾಂತರ' ಎರಡನೇ ಸಿನಿಮಾ. ಹಾಗೇ 3ನೇ ಸಿನಿಮಾ 'ಉತ್ತರಕಾಂಡ' ಆದರೆ, 'ಕಾಳಿ' 4ನೇ ಸಿನಿಮಾ ಆಗಲಿದೆ. ಒಟ್ನಲ್ಲಿ 'ಕಾಂತಾರ' ಬಳಿಕ ಸಪ್ತಮಿ ಗೌಡ ಸ್ಯಾಂಡಲ್‌ವುಡ್‌ನಲ್ಲಿ ಡಿಮ್ಯಾಂಡ್ ಹೆಚ್ಚಾಗಿರೋದಂತೂ ಸತ್ಯ.