ಸಂಭಾವನೆ ವಿಚಾರಕ್ಕೆ 'ಕೆಜಿಎಫ್ 2' ತಿರಸ್ಕರಿಸಿದ್ದ ಖ್ಯಾತ ನಟಿ

ಸಂಭಾವನೆ ವಿಷಯಕ್ಕೆ 'ಕೆಜಿಎಫ್ 2' ರಮ್ಯಾ ಕೃಷ್ಣ

'ಬಾಹುಬಲಿ' ಸಿನಿಮಾದ ಶಿವಗಾಮಿ ರಮ್ಯಾ ಕೃಷ್ಣ 'ಕೆಜಿಎಫ್ 2'ನಲ್ಲಿ ನಟಿಸುತ್ತಾರೆ ಎನ್ನುವ ಸುದ್ದಿ ಇತ್ತು. ಆದರೆ, ಅವರು ಈ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿಲ್ಲ. ಅದರ ಕಾರಣ ಇದೀಗ ಬಹಿರಂಗವಾಗಿದೆ. ಸಂಭಾವನೆ ವಿಚಾರದಲ್ಲಿ ರಮ್ಯಾ ಕೃಷ್ಣ ಸಿನಿಮಾವನ್ನು ತಿರಸ್ಕರಿಸಿದ್ದರಂತೆ.

ರಮ್ಯಾ ಕೃಷ್ಣ ಕೇಳಿದ ಸಂಭಾವನೆ ಎಷ್ಟು?

ರಮ್ಯಾ ಕೃಷ್ಣ 'ಕೆಜಿಎಫ್ 2' ಸಿನಿಮಾಗೆ ಇಷ್ಟೇ ಸಂಭಾವನೆ ಕೇಳಿದ್ದರು ಎನ್ನುವ ಬಗ್ಗೆ ಸರಿಯಾದ ಮಾಹಿತಿ ಇಲ್ಲ. ಆದರೆ, 'ಬಾಹುಬಲಿ' ನಂತರ ರಮ್ಯಾ ಕೃಷ್ಣ ಸಂಭಾವನೆ ಹೆಚ್ಚಾಗಿದೆ. 'ಬಾಹುಬಲಿ' ಸಿನಿಮಾಗೆ ರಮ್ಯಾ ಕೃಷ್ಣ 2.5 ಕೋಟಿ ರೂಪಾಯಿ ಪಡೆದಿದ್ದು, ಅದಕ್ಕೂ ಹೆಚ್ಚಿನ ಹಣವನ್ನು ಬೇಡಿಕೆ ಇಟ್ಟಿರಬಹುದು.

ರಮ್ಯಾ ಕೃಷ್ಣ ಜಾಗಕ್ಕೆ ರವಿನಾ ಟಂಡನ್

ತಾವು ಕೇಳಿದ ಸಂಭಾವನೆ ಸಿಗಲಿಲ್ಲ ಎಂಬ ಕಾರಣಕ್ಕೆ ರಮ್ಯಾ ಕೃಷ್ಣ ಸಿನಿಮಾ ಬಿಟ್ಟರು. ಆ ನಂತರ ಆ ಪಾತ್ರಕ್ಕೆ ಬಾಲಿವುಡ್ ನಟಿ ರವಿನಾ ಟಂಡನ್ ರನ್ನು ಚಿತ್ರತಂಡ ಸಂಪರ್ಕ ಮಾಡಿತು. ಮೊದಲು ರವಿನಾ ಟಂಡನ್ ಗೊಂದಲದಲ್ಲಿ ಇದ್ದರೂ ನಂತರ, ಓಕೆ ಹೇಳಿದರು. ಚಿತ್ರದ ಪ್ರಧಾನಿ ಮಂತ್ರಿ ರಮಿಕಾ ಸೇನ್ ಪಾತ್ರದಲ್ಲಿ ರವಿನಾ ಟಂಡನ್ ಕಾಣಿಸಿಕೊಳ್ಳುತ್ತಿದ್ದಾರೆ.

ರಮ್ಯಾ ಕೃಷ್ಣ ಕನ್ನಡ ಸಿನಿಮಾಗಳು

ನಟಿ ರಮ್ಯಾ ಕೃಷ್ಣಗೆ ಕನ್ನಡ ಸಿನಿಮಾಗಳು ಹೊಸತೇನಲ್ಲ. 1988 ರಲ್ಲಿಯೇ ಅವರು ಕನ್ನಡ ಸಿನಿಮಾ ಮಾಡಿದ್ದರು. 'ಮಾಂಗಲ್ಯಂ ತಂತುನಾನೇನ', 'ಏಕಾಂಗಿ', 'ನೀಲಾಂಬರಿ', 'ರಕ್ತ ಕಣ್ಣೀರು', 'ಮಾಣಿಕ್ಯ' 'ಅಂಜನೀಪುತ್ರ' ರಮ್ಯಾ ಕೃಷ್ಣ ಕನ್ನಡದಲ್ಲಿ ನಟಿಸಿದ ಪ್ರಮುಖ ಸಿನಿಮಾಗಳಾಗಿವೆ.