ರಣಬೀರ್, ಕತ್ರಿನಾ ಕೈಫ್ ಅಮೀರ್ ಖಾನ್ ಮನೆಯಲ್ಲಿ !

ರಣಬೀರ್ ಮತ್ತು ಕತ್ರಿನಾ ವಿದೇಶದಿಂದ ವಾಪಸ್

ಜೊತೆಯಾಗಿ ರಣಬೀರ್ ಮತ್ತು ಕತ್ರಿನಾ ನ್ಯೂಯಾರ್ಕ್ ಪ್ರವಾಸಕ್ಕೆ ಗಪ್ ಚುಪ್ ಆಗಿ ತೆರಳಿದ್ದರು. ಆದರೆ ಅಲ್ಲಿಂದ ವಾಪಸ್ ಆಗಬೇಕಾದರೆ ಕ್ಯಾಮರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದರು.

ರಣಬೀರ್ ತಂದೆ ಫುಲ್ ಗರಂ

ಮಗ ಮತ್ತು ಕತ್ರಿನಾ ನ್ಯೂಯಾರ್ಕ್ ಪ್ರವಾಸ ಮಾಧ್ಯಮಗಳಲ್ಲಿ ಬಹಿರಂಗವಾದ ನಂತರ ತಂದೆ ರಿಷಿ ಕಪೂರ್ ಮಗನ ಮೇಲೆ ಬೇಜಾನ್ ಗರಂ ಆಗಿದ್ದರಂತೆ. ಆ ಘಟನೆಯ ನಂತರ ರಣಬೀರ್ ಮತ್ತು ಕತ್ರಿನಾ ಒಲ್ಲದ ಮನಸ್ಸಿನಿಂದ ನಾನೊಂದು ತೀರ, ನೀನೊಂದು ತೀರ ಆಗಿದ್ದಾರಂತೆ.

ರಣಬೀರ್ ಮತ್ತು ಕತ್ರಿನಾ ನಡುವೆ ಮಾತುಕತೆ ಇಲ್ಲ.

ಈಗ ಇಬ್ಬರ ನಡುವೆ ಮಾತುಕತೆ ಬಿಲ್ ಕುಲ್ ಇಲ್ಲ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಅದು ಎಷ್ಟರ ಮಟ್ಟಿಗೆಂದರೆ 'ಜಗ್ಗು ಜಾಸೂಸ್' ಎನ್ನುವ ಚಿತ್ರದ ಶೂಟಿಂಗ್ ಸೆಟ್ ನಲ್ಲೂ ಇಬ್ಬರ ನಡುವೆ ಮಾತುಕತೆ ಇಲ್ಲವಂತೆ.

ಹಾಲಿವುಡ್ ಸ್ಪೆಷಲ್ ಸ್ಕ್ರೀನಿಂಗ್

ದಿ ವಾಲ್ಫ್ ಆಫ್ ವಾಲ್ ಸ್ಟ್ರೀಟ್ ಎನ್ನುವ ಹಾಲಿವುಡ್ ಚಿತ್ರದ ಸ್ಪೆಷಲ್ ಸ್ಕ್ರೀನಿಂಗ್ ಮುಂಬೈನಲ್ಲಿ ಆಯೋಜಿಸಲಾಗಿತ್ತು. ಆ ವಿಶೇಷ ಪ್ರದರ್ಶನದಲ್ಲಿ ಇಬ್ಬರೂ ಭಾಗವಹಿಸಿದ್ದರೂ, ಜೊತೆಯಾಗಿ ಕಾಣಿಸಿ ಕೊಂಡಿರಲಿಲ್ಲ.

ಸ್ಪೇನ್ ಮತ್ತು ಶ್ರೀಲಂಕಾ ಬೀಚಿನಲ್ಲಿ

ಸ್ಪೇನ್ ಬೀಚಿನಲ್ಲಿ ರಣಬೀರ್ ಮತ್ತು ಕತ್ರಿನಾ ವಿಹರಿಸುತ್ತಿದ್ದ ಚಿತ್ರಗಳು ಮಾಧ್ಯಮಗಳಲ್ಲಿ ಮತ್ತು ಅಂತರ್ಜಾಲಗಳಲ್ಲಿ ಬಿತ್ತರಗೊಂಡಿದ್ದವು. ಚಿತ್ರ ಮಾಧ್ಯಮಗಳಲ್ಲಿ ಪ್ರಕಟವಾಗಿದ್ದಕ್ಕೆ ಕತ್ರಿನಾ ಮಾಧ್ಯಮಗಳ ಮೇಲೆ ಫುಲ್ ಗರಂ ಆಗಿದ್ದರು. ಇದಾದ ನಂತರ ಈ ಜೋಡಿ ಶ್ರೀಲಂಕಾ ಬೀಚಿನಲ್ಲೂ ಕಾಣಿಸಿಕೊಂಡಿದ್ದರು.