'ಪುಷ್ಪ- 2' ಚಿತ್ರದಿಂದ ರಶ್ಮಿಕಾ- ಫಹಾದ್ ಇಬ್ಬರೂ ಹೊರಕ್ಕೆ? ಹೊಸ ಕಲಾವಿದರಿಗಾಗಿ ಹುಡುಕಾಟ!

ರಶ್ಮಿಕಾ, ಫಹಾದ್ ಹೊರಕ್ಕೆ

ಸುಕುಮಾರ್ 'ಪುಷ್ಪ' ಚಿತ್ರದ ಪ್ರತಿ ಪಾತ್ರವನ್ನು ಬಹಳ ವಿಭಿನ್ನವಾಗಿ ಡಿಸೈನ್ ಮಾಡಿದ್ದರು. ಪುಷ್ಪರಾಜ್‌ ಜೋಡಿಯಾಗಿ ಹಳ್ಳಿ ಹುಡುಗಿ ಶ್ರೀವಲ್ಲಿ ಪಾತ್ರದಲ್ಲಿ ರಶ್ಮಿಕಾ ಮಂದಣ್ಣ ಮೋಡಿ ಮಾಡಿದ್ದರು. ನೆಗೆಟಿವ್ ಶೇಡ್ ಪೊಲೀಸ್ ಆಫೀಸರ್ ಆಗಿ ಫಹಾದ್ ಮಿಂಚಿದ್ದರು. ಆದರೆ ಇವರಿಬ್ಬರು ಸೀಕ್ವೆಲ್‌ನಲ್ಲಿ ನಟಿಸಲ್ಲ ಎನ್ನಲಾಗ್ತಿದೆ. ರಶ್ಮಿಕಾ ಬದಲು ಶ್ರೀವಲ್ಲಿ ಆಗಿ ಸಾಯಿ ಪಲ್ಲವಿ ನಟಿಸ್ತಾರೆ ಎನ್ನುವ ಗುಸುಗುಸು ಶುರುವಾಗಿದೆ. ಆದರೆ ಇದೆಲ್ಲಾ ಬರೀ ಗಾಸಿಪ್ ಅಂತಲೇ ಹೇಳಲಾಗ್ತಿದೆ.

ಫಹಾದ್‌ ಫಾಸಿಲ್‌ಗೆ ಡೇಟ್ಸ್ ಪ್ರಾಬ್ಲಂ

'ಪುಷ್ಪ' ಚಿತ್ರದ ಮೊದಲ ಭಾಗ ಹಿಟ್ ಆಗುತ್ತಿದ್ದಂತೆ 2ನೇ ಭಾಗವನ್ನು ಮತ್ತಷ್ಟು ದೊಡ್ಡಮಟ್ಟದಲ್ಲಿ ಕಟ್ಟಿಕೊಡುವ ಲೆಕ್ಕಾಚಾರ ಶುರುವಾಯಿತು. ಅದೇ ಕಾರಣಕ್ಕೆ ಸ್ಕ್ರಿಪ್ಟ್‌ನಲ್ಲಿ ಸುಕುಮಾರ್ ಬದಲಾವಣೆ ಮಾಡಲು ಸಾಕಷ್ಟು ಸಮಯ ವ್ಯಯಿಸಿದರು. ಪರಿಣಾಮ ಶೂಟಿಂಗ್ ಶುರುವಾಗುವುದೇ ತಡವಾಯಿತು. ಇತ್ತ ಫಹಾದ್ ಫಾಸಿಲ್ ಚಿತ್ರಕ್ಕಾಗಿ ನೀಡಿದ ಡೇಟ್ಸ್ ಮುಗಿದು ಹೋಗಿದೆ. ಡೇಟ್ಸ್ ಕೊಟ್ಟರೂ ಶೂಟಿಂಗ್ ಮಾಡಲಿಲ್ಲ. ಮಲಯಾಳಂ ಸಿನಿಮಾಗಳಲ್ಲಿ ಬ್ಯುಸಿ ಇರುವುದರಿಂದ ಮತ್ತೆ ಭನ್ವರ್ ಸಿಂಗ್ ಶೇಖಾವತ್ ಪಾತ್ರ ಮಾಡಲು ಕಷ್ಟ ಆಗುತ್ತದೆ ಎಂದಿದ್ದಾರೆ ಎನ್ನಲಾಗ್ತಿದೆ.

ಆಗಸ್ಟ್‌ನಲ್ಲಿ ಚಿತ್ರಕ್ಕೆ ಮುಹೂರ್ತ

ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಮೊದಲ ಭಾಗ ರಿಲೀಸ್ ಆಗಿತ್ತು. 2ನೇ ಭಾಗದ ಮುಹೂರ್ತ ಆಗಸ್ಟ್‌ನಲ್ಲೇ ನೆರವೇರಿತ್ತು. ಆದರೆ ಚಿತ್ರೀಕರಣ ಮಾತ್ರ ಇತ್ತೀಚೆಗೆ ಶುರುವಾಗಿದೆ. ಪದೇ ಪದೇ ಶೂಟಿಂಗ್ ತಡವಾಗುತ್ತಿರುವುದು ಚಿತ್ರದಲ್ಲಿ ನಟಿಸುತ್ತಿರುವ ಕಲಾವಿದರಿಂದ ಸಮಸ್ಯೆ ತಂದಿದೆ. ಇನ್ನು ರಶ್ಮಿಕಾ ಪಾತ್ರಕ್ಕೆ ಸಾಯಿ ಪಲ್ಲವಿ ಹಾಗೂ ಐಶ್ವರ್ಯ ರಾಜೇಶ್ ಹೆಸರಗಳು ಕೇಳಿಬರ್ತಿದೆ. ಮತ್ತೆ ಕೆಲವರು ಹೇಳುವ ಪ್ರಕಾರ ಸಾಯಿ ಪಲ್ಲವಿ ನಟಿಸುವುದು ನಿಜ, ಆದರೆ ಶ್ರೀವಲ್ಲಿ ಪಾತ್ರದಲ್ಲಿ ಅಲ್ಲ. ಬೇರೆ ಪಾತ್ರ ಎನ್ನುತ್ತಿದ್ದಾರೆ.

ಬಹುಕೋಟಿ ವೆಚ್ಚದಲ್ಲಿ ಸಿನಿಮಾ

ಪ್ರೀಕ್ವೆಲ್ 350 ಕೋಟಿ ಕಲೆಕ್ಷನ್ ಮಾಡಿತ್ತು. ಹಾಗಾಗಿ 1000 ಕೋಟಿ ಕಲೆಕ್ಷನ್ ಟಾರ್ಗೆಟ್ ಇಟ್ಟುಕೊಂಡು ಸೀಕ್ವೆಲ್ ನಿರ್ಮಾಣ ನಡೀತಿದೆ. 2ನೇ ಭಾಗಕ್ಕೆ ಸುಕುಮಾರ್, ಅಲ್ಲು ಅರ್ಜುನ್ ರೆಮ್ಯೂನರೇಶನ್ ಕೂಡ ಜಾಸ್ತಿ ಆಗಿದೆ. ಎಲ್ಲಾ ವಿಧದಲ್ಲೂ ಮೊದಲ ಭಾಗಕ್ಕಿಂತ 2ನೇ ಭಾಗ ಅದ್ಧೂರಿಯಾಗಿ ಮೂಡಿ ಬರಲಿದೆ. ಮುಂದಿನ ವರ್ಷ್ಯಾಂತಕ್ಕೆ ಮತ್ತೆ ತೆರೆಮೇಲೆ 'ಪುಷ್ಪ'ರಾಜ್ ಆರ್ಭಟ ಶುರುವಾಗುವ ಸಾಧ್ಯತೆಯಿದೆ.