'ಪುಷ್ಪ' ಚಿತ್ರಕ್ಕೆ ರಶ್ಮಿಕಾ ಸಂಭಾವನೆ ಎಷ್ಟು? ಕೊರೊನಾ ಕಾಟದಿಂದ ತಲೆಕೆಳಗಾದ ಕಿರಿಕ್ ನಟಿಯ ಪ್ಲಾನ್

ತಲೆಕೆಳಗಾದ ರಶ್ಮಿಕಾ ಸಂಭಾವನೆ ಪ್ಲಾನ್

ಪುಷ್ಪಾ ಸಿನಿಮಾಗೆ ಸಹಿ ಹಾಕುವಾಗ 1.5 ಕೋಟಿಗೂ ಅಧಿಕಾ ಸಂಭಾವನೆ ಬೇಡಿಕೆ ಇಟ್ಟಿದ್ದರಂತೆ. ರಶ್ಮಿಕಾ ಬೇಡಿಕೆಯಂತೆ ಚಿತ್ರತಂಡ ಸಂಭಾವನೆ ನೀಡಲು ಮುಂದಾಗಿತ್ತು. ಆದರೀಗ ಕೊರೊನಾ ಲಾಕ್ ಡೌನ್ ನಿಂದ ರಶ್ಮಿಕಾ ಬೇಡಿಕೆ ಇಟ್ಟಷ್ಟು ಸಂಭಾವನೆ ಸಿಗುವುದು ಅನುಮಾನವಾಗಿದೆ ಎಂದು ಹೇಳಲಾಗುತ್ತಿದೆ. ಅಲ್ಲದೆ ರಶ್ಮಿಕಾಗೀಗ ಜಾಸ್ತಿ ಸಂಭಾವನೆ ಬೇಡಿಕೆ ಇಡುವ ಪ್ಲಾನ್ ತಲೆಕೆಳಗಾಗಿದೆ ಎನ್ನುವ ಸುದ್ದಿ ಹರಿದಾಡುತ್ತಿದೆ.

ನಟಿ-ನಟಿಯರಿಗೆ ಸಂಭಾವನೆ ಕಡಿತದ ಶಾಕ್

ಲಾಕ್ ಡೌನ್ ನಿಂದ ನಿರ್ಮಾಪಕರು ನಷ್ಟದಲ್ಲಿದ್ದಾರೆ, ಮನರಂಜನಾ ಕ್ಷೇತ್ರಕ್ಕೆ ಭಾರಿ ಹೊಡೆತ ಬಿದ್ದಿದ್ದು, ಈ ಪರಿಸ್ಥಿತಿ ಸರಿ ಹೋಗಲು ಇನ್ನೂ ಎರಡು ವರ್ಷಗಳು ಬೇಕಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಹಾಗಾಗಿ ಸಂಭಾವನೆ ಕಡಿತಗೊಳಿಸುವಂತೆ ನಟ-ನಟಿಯರಿಗೆ ಒತ್ತಾಯಿಸುತ್ತಿದ್ದಾರಂತೆ.

ರಶ್ಮಿಕಾ ಬಯಸಿದ್ದಷ್ಟು ಸಂಭಾವನೆ ಸಿಗುವುದು ಅನುಮಾನ

ಸಂಭಾವನೆ ಕಡಿತದಿಂದ ನಟಿ ರಶ್ಮಿಕಾ ಸದ್ಯ ಬಯಸಿದ್ದು ಸಂಭಾವನೆ ಸಿಗುವುದು ಅನುಮಾನವೆಂದು ಹೇಳಲಾಗುತ್ತಿದೆ. ಕೇವಲ ರಶ್ಮಿಕಾ ವಿಚಾರದಲ್ಲಿ ಮಾತ್ರವಲ್ಲದೆ ಸ್ಟಾರ್ ನಟರು ಮತ್ತು ನಟಿಯ ಸಂಭಾವನೆಗೂ ಕತ್ತರಿ ಬೀಳಲಿದೆ ಎಂದು ಹೇಳಲಾಗುತ್ತಿದೆ.

ಹೆಚ್ಚು ಸಂಭಾವನೆ ಪಡೆಯಲು ಇನ್ನೂ ಕಾಯಬೇಕು

ಕಡಿಮೆ ಅವಧಿಯಲ್ಲಿ ಅತೀ ವೇಗದಲ್ಲಿ ಸಕ್ಸಸ್ ಕಂಡ ರಶ್ಮಿಕಾ, ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಸಾಲಿಗೆ ಸೇರಲು ಸಜ್ಜಾಗಿದ್ದರು. ಆದರೀಗ ಸಂಭಾವನೆ ಕಡಿತ ಕಿರಿಕ್ ನಟಿಗೆ ಶಾಕ್ ಆಗಿದೆ. ಮತ್ತೆ 2 ಕೋಟಿ ಸಂಭಾವನೆ ಏರಲು ಇನ್ನೂ ಸಮಯ ತೆಗೆದುಕೊಳ್ಳುವ ಸಾಧ್ಯತೆ ಇದೆ.