'ಬಾಯ್ಸ್' ಜೊತೆ 'ಗೋವಾ'ದಲ್ಲಿ ಏನಾಯ್ತು ಗೌಡ್ರೇ?

'ಗೋವಾ' ಅನ್ನೋ ಸಿನಿಮಾ ರೈಟ್ಸ್ ನ್ನು ಪರಭಾಷೆಯಿಂದ ತಂದು ಕನ್ನಡದಲ್ಲಿ ರೀಮೇಕ್ ಮಾಡೋಕೆ ಹೊರಟಾಗ 'ಕೆಂಪೇಗೌಡ' ಖ್ಯಾತಿಯ ಶಂಕರೇಗೌಡರು ಒಂದು ಚಾಲೆಂಜ್ ಮಾಡಿದ್ರು. ವರದನಾಯಕ ಲೇಟಾಯ್ತು. ಆದ್ರೆ 'ಗೋವಾ' ಸಿನಿಮಾ ಹಾಗಾಗಲ್ಲ. ಮೂರು ತಿಂಗಳಲ್ಲಿ ಸಿನಿಮಾ ರೆಡಿಮಾಡಿಸ್ತೀನಿ ಆಗಸ್ಟ್ ನಲ್ಲೇ ತೆರೆಗೂ ತರ್ತೀನಿ ಅಂತ ಸವಾಲ್ ಹಾಕಿದ್ರು.

ಆದರೆ ಈಗ 'ಗೋವಾ' ಕಥೆ ಅಂದುಕೊಂಡ ಹಾಗಿಲ್ಲ. ಆಗಸ್ಟ್ ಇರ್ಲಿ ವರ್ಷವೇ ಮುಗೀತಾ ಇದ್ರು ಚಿತ್ರದ ಒಂದೂ ಪೋಸ್ಟರ್ ಕಾಣಿಸ್ತಿಲ್ಲ. ಅಂದಹಾಗೆ 'ಗೋವಾ' ಸಿನಿಮಾ ಮೂರು ಡಿಫರೆಂಟ್ ಡಿಫರೆಂಟ್ ಕ್ಯಾರೆಕ್ಟರ್ ಗಳ ಕಥೆ. ಇಲ್ಲಿ ಕೋಮಲ್, ಶ್ರೀಕಿ, ತರುಣ್ ಚಂದ್ರ ಮುಖ್ಯಪಾತ್ರಗಳಲ್ಲಿದ್ದಾರೆ. ಚಿತ್ರದ ಶೂಟಿಂಗ್ ನ ಹೆಚ್ಚಿನ ಭಾಗ ಮುಗಿದಿದೆ. ['ಗೋವಾ' ತೀರದ ಜಿಂಗ್ ಚಾಕ್ ಬಿಕಿನಿ ಚಿತ್ರಗಳು]

ಗೋವಾ ಸ್ಟಿಲ್ಸ್

ಇದೆಲ್ಲದರ ನಡುವೆ ಸಿಸಿಎಲ್ ಬರ್ತಿದೆ. ಕಿಚ್ಚ ಅಂಡ್ ಟೀಂ ಜೊತೆ ಯಾವಾಗಲೂ ಇರೋ 'ಕೆಂಪೇಗೌಡ್ರು' ಸಿಸಿಎಲ್ ಬಂದರೆ ಕ್ರಿಕೆಟ್ ನಲ್ಲಿ ಬಿಸಿಯಾಗ್ತಾರೆ. ಸಿನಿಮಾ ಮಾಡಿ ರಿಲೀಸ್ ಮಾಡ್ತೀನಿ ಅಂದ ನಿರ್ಮಾಪಕರು ಹೀಗಾ ಕೈಕೊಡೋದು ಅಂತ ಮಾತಾಡ್ತಿದೆ ಗಾಂಧಿನಗರ.