Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಅವತಾರ್' 3, 4 ಚಿತ್ರೀಕರಣ ಈಗಾಗಲೇ ಮುಗಿದೆ! ಆತುರದ ಚಿತ್ರೀಕರಣ ಮಾಡಿದ್ದೇಕೆ?
ಜೇಮ್ಸ್ ಕ್ಯಾಮರನ್ ನಿರ್ದೇಶನದ 'ಅವತಾರ್' ಸಿನಿಮಾದ ಎರಡನೇ ಭಾಗ 'ಅವತಾರ್; ದಿ ವೇ ಆಫ್ ವಾಟರ್' ಕಳೆದ ವಾರವಷ್ಟೆ ಬಿಡುಗಡೆ ಆಗಿ ವಿಶ್ವದಾದ್ಯಂತ ಸೂಪರ್-ಡೂಪರ್ ಹಿಟ್ ಆಗಿದೆ.
'ಅವತಾರ್' ಸಿನಿಮಾ ಬಂದ ಬರೋಬ್ಬರಿ 13 ವರ್ಷದ ಬಳಿಕ ಎರಡನೇ ಭಾಗ ಬಿಡುಗಡೆ ಆಗಿದೆ. ಹಾಗಿದ್ದರೂ ಸಹ ಜನ ಸಾಲುಗಟ್ಟಿ ಸಿನಿಮಾ ವೀಕ್ಷಿಸುತ್ತಿದ್ದಾರೆ.
ಅವತಾರ್ 2 ಮೊದಲ ವಾರಾಂತ್ಯ ಯಾವ ದೇಶಗಳಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದೆ? ಇಲ್ಲಿದೆ ಟಾಪ್ 6 ಪಟ್ಟಿ
ಮೊದಲ ಸಿನಿಮಾ ಬಿಡುಗಡೆ ಆಗಿ 9-10 ವರ್ಷದ ಬಳಿಕ ಎರಡನೇ ಭಾಗ ಚಿತ್ರೀಕರಣ ಆರಂಭಿಸಿದ್ದರು ನಿರ್ದೇಶಕ ಜೇಮ್ಸ್ ಕ್ಯಾಮರನ್. ಆದರೆ 'ಅವತಾರ್' ಸಿನಿಮಾ ಮುಂದಿನ ಭಾಗಗಳನ್ನು ಹೀಗೆ ವರ್ಷಗಟ್ಟಲೆ ತಡವಾಗಿ ತೆರೆಗೆ ತರುವುದಿಲ್ಲ ಎಂದು ಖಾತ್ರಿ ಪಡಿಸಿದ್ದಾರೆ. ಅಸಲಿಗೆ 'ಅವತಾರ್' ಸಿನಿಮಾದ ಮೂರು ಹಾಗೂ ನಾಲ್ಕನೇ ಭಾಗದ ಚಿತ್ರೀಕರಣ ಸಹ ಮುಗಿದು ಹೋಗಿದೆಯಂತೆ! ಇದಕ್ಕೆ ಕಾರಣವೂ ಇದೆ.
ಮೂರನೇ ಹಾಗೂ ನಾಲ್ಕನೇ ಭಾಗದ ಚಿತ್ರೀಕರಣ ಮುಗಿದಿದೆ
'ಅವತಾರ್' ಸಿನಿಮಾದ ಮೂರು ಹಾಗೂ ನಾಲ್ಕನೇ ಭಾಗದ ಚಿತ್ರೀಕರಣ ಮುಗಿದು ಬಿಟ್ಟಿದೆ. ಅದರಲ್ಲಿಯೂ ಅವತಾರ್ ಸಿನಿಮಾದ ಮೂರನೇ ಭಾಗದ ಪೋಸ್ಟ್ ಪ್ರೊಡಕ್ಷನ್ ಕಾರ್ಯವೂ ಪೂರ್ಣವಾಗಿದೆಯಂತೆ! ನಾಲ್ಕನೇ ಭಾಗದ ಪೋಸ್ಟ್ ಪ್ರೊಡಕ್ಷನ್ ಕಾರ್ಯವಷ್ಟೆ ಬಾಕಿ ಉಳಿದುಕೊಂಡಿದೆ. 'ಅವತಾರ್ 2' ಸಿನಿಮಾ ಚಿತ್ರೀಕರಿಸುವಾಗಲೇ ಮೂರು ಹಾಗೂ ನಾಲ್ಕನೇ ಭಾಗದ ಚಿತ್ರೀಕರಣ ಮಾಡಿಬಿಟ್ಟಿದ್ದಾರೆ ಜೇಮ್ಸ್ ಕ್ಯಾಮರನ್. ಇದಕ್ಕೆ ಕಾರಣವೂ ಇದೆ.
ಮಕ್ಕಳ ದೇಹಾಕಾರ, ಮುಖ ಲಕ್ಷಣ ಬದಲಾಗುತ್ತದೆ
ಹೀಗೆ ಒಟ್ಟಿಗೆ ಮೂರು ಸಿನಿಮಾಗಳ ಚಿತ್ರೀಕರಣ ಮಾಡಲು ಮುಖ್ಯ ಕಾರಣವೆಂದರೆ ಪಾತ್ರಧಾರಿಗಳ ವಯಸ್ಸು. ಈಗ ಬಿಡುಗಡೆ ಆಗಿರುವ 'ಅವತಾರ್; ದಿ ವೇ ಆಫ್ ವಾಟರ್' ಸಿನಿಮಾದಲ್ಲಿ ಕೆಲವು ಮಕ್ಕಳು, ಯುವಕ-ಯುವತಿಯರನ್ನು ಬಳಸಿಕೊಳ್ಳಲಾಗಿದೆ. ಒಂದೊಮ್ಮೆ ಒಟ್ಟಿಗೆ ಚಿತ್ರೀಕರಣ ಮಾಡಲಿಲ್ಲವೆಂದರೆ ಅವರಿಗೆ ವಯಸ್ಸಾಗಿ ಅವರ ಮುಖ, ದೇಹಾಕಾರದ ಬದಲಾವಣೆ ಆಗುತ್ತದೆಂಬ ಕಾರಣಕ್ಕೆ ಅವರು ಬಾಲ್ಯಾವಸ್ಥೆಯಲ್ಲಿರುವ ಕತೆ ಇರುವ ಸಿನಿಮಾಗಳ ಚಿತ್ರೀಕರಣವನ್ನು ಒಟ್ಟಿಗೆ ಮುಗಿಸಿಬಿಟ್ಟಿದ್ದಾರೆ.
ಪಾತ್ರಧಾರಿಗಳ ಕಾರಣದಿಂದ ಬೇಗನೆ ಚಿತ್ರೀಕರಣ
ಸ್ವತಃ ಜೇಮ್ಸ್ ಕ್ಯಾಮರನ್ ಹೇಳಿರುವಂತೆ, 'ಅವತಾರ್; ದಿ ವೇ ಆಫ್ ವಾಟರ್' ಸಿನಿಮಾದಲ್ಲಿ ಜೇಕ್ ಸುಲಿಯ ಕೊನೆಯ ಮಗಳು ಕುಟು ಪಾತ್ರದಲ್ಲಿ ನಟಿಸಿರುವ ಟ್ರಿನಿಟಿ ಜೋ-ಲಿ ಬ್ಲಿಸ್ ಅನ್ನು ಸಿನಿಮಾಕ್ಕಾಗಿ ತೆಗೆದುಕೊಂಡಾಗ ಆಕೆಗೆ ಏಳು ವರ್ಷ ವಯಸ್ಸು, ಈಗ 13 ವರ್ಷ. ಇಷ್ಟು ಅವಧಿಯಲ್ಲಿ ಆಕೆಯ ದೇಹಾಕಾರ, ಮುಖದಲ್ಲಿ ಸಾಕಷ್ಟು ಬದಲಾವಣೆಗಳಾಗಿವೆ. ಸೊಕೊರೊ ಪಾತ್ರದಲ್ಲಿ ನಟಿಸಿರುವ ಜಾಕ್ ಚಾಂಪಿಯನ್ ಅನ್ನು ಸಿನಿಮಾಕ್ಕಾಗಿ ತೆಗೆದುಕೊಂಡಾಗ ಅವನಿಗೆ 12 ವರ್ಷ ವಯಸ್ಸು ಈಗ 18 ವರ್ಷ ಮಕ್ಕಳು ಬಹಳ ಬೇಗನೆ ಬೆಳೆದು ಬಿಡುತ್ತಾರೆ'' ಎಂದಿದ್ದಾರೆ ಜೇಮ್ಸ್.
ಬಿಡುಗಡೆ ತಡವಾಗಿಯೇ ಆಗಲಿದೆ
ಮಕ್ಕಳ ಪಾತ್ರಗಳಲ್ಲಿ ಬದಲಾವಣೆ ಮಾಡಲು ಸಾಧ್ಯವಾಗದ ಕಾರಣ ಹಾಗೂ ಮುಂದಿನ ಎರಡು ಸಿನಿಮಾಗಳ ಕತೆಗಳಲ್ಲಿ ಮಕ್ಕಳ ಪಾತ್ರಗಳು ಅದೇ ವಯಸ್ಸಿನಲ್ಲಿಯೇ ಇರಲಿವೆಯಾದ್ದರಿಂದ ತಡ ಮಾಡದೆ ಒಟ್ಟಿಗೆ ಮೂರು ಸಿನಿಮಾದ ಚಿತ್ರೀಕರಣ ಮಾಡಿದೆವು ಎಂದಿದ್ದಾರೆ. ಒಟ್ಟಿಗೆ ಚಿತ್ರೀಕರಣವಾಗಿದ್ದರೂ ಸಹ ಸಿನಿಮಾದ ಬಿಡುಗಡೆಗೆ ಇನ್ನೂ ಸಾಕಷ್ಟು ಸಮಯವಿದೆ. 'ಅವತಾರ್ 3' 2024 ರ ಡಿಸೆಂಬರ್ ತಿಂಗಳಲ್ಲಿ ಬಿಡುಗಡೆ ಆದರೆ, 'ಅವತಾರ್ 4' ಸಿನಿಮಾ 2026 ರ ಡಿಸೆಂಬರ್ನಲ್ಲಿ ಬಿಡುಗಡೆ ಆಗಲಿದೆ.