ಪುಸ್ತಕ ರೂಪದಲ್ಲಿ ಬರುತ್ತಿದೆ ಹಾಲಿವುಡ್ ಎವರ್ ಗ್ರೀನ್ ನಿರ್ದೇಶಕನ ಸಿನಿಮಾ

'ಗಾಡ್ ಫಾದರ್' ಚಿತ್ರದ ಖ್ಯಾತಿಯ ಹಾಲಿವುಡ್ ಚಿತ್ರರಂಗದ ಖ್ಯಾತ ನಿರ್ದೇಶಕ ಫ್ರಾನ್ಸಿಸ್ ಕೊಪ್ಪೋಲಾ ಅವರು 'ದ ಗಾಡ್ ಫಾದರ್' ಎಂಬ ನೋಟ್ ಪುಸ್ತಕವನ್ನು ಪ್ರಕಟಿಸಲು ಯೋಜನೆ ಹಾಕಿಕೊಂಡಿದ್ದಾರೆ.

ಆಸ್ಕರ್ ಪ್ರಶಸ್ತಿ ವಿಜೇತ 1972ರ 'ದ ಗಾಡ್ ಫಾದರ್' ಎಂಬ ಚಲನಚಿತ್ರ ನಿರ್ದೇಶನ ಮಾಡುವ ವೇಳೆ ಚಿತ್ರದ ಬಗ್ಗೆ ನಿರ್ದೇಶಕರು ಹಾಕಿಕೊಂಡಿದ್ದ ಯೋಜನೆಗಳು ಹಾಗೂ ಚಿತ್ರದ ಬಗ್ಗೆ ಬರೆದುಕೊಂಡಿದ್ದ ಟಿಪ್ಪಣಿಗಳ ಬಗ್ಗೆ ಇರುವ ಪುಸ್ತಕ ಇದಾಗಿದೆ.

ಸಿನಿಮಾದ ಬಗ್ಗೆ ನಿರ್ದೇಶಕ ಫ್ರಾನ್ಸಿಸ್ ಅವರಿಗಿದ್ದ ಚಿಂತನೆ ಹಾಗೂ ಯೋಜನೆಯನ್ನೊಳಗೊಂಡ ಕೈ ಬರಹದ ಟಿಪ್ಪಣಿಗಳಿರುವ ಈ ಪುಸ್ತಕ 20ನೇ ಶತಮಾನದ ಅತ್ಯದ್ಭುತ ನಿರ್ದೇಶಕ ಫ್ರಾನ್ಸಿಸ್ ಅವರ ಸೃಜನಶೀಲತೆಯನ್ನು ಬಿಚ್ಚಿಡಲಿದೆ ಎನ್ನುತ್ತಿದೆ ಹಾಲಿವುಡ್ ಮೂಲಗಳು.

ಅಂದಹಾಗೆ 'ದಿ ಗಾಡ್ ಫಾದರ್' ಚಿತ್ರದ ಶೂಟಿಂಗ್ ಸ್ಟಿಲ್ಸ್ ಹಾಗೂ ಹಿಂದೆಂದೂ ಕಂಡಿರದ ಸ್ಟಿಲ್ಸ್ ಗಳು ಈ ಪುಸ್ತಕದಲ್ಲಿ ಲಭ್ಯವಾಗಲಿದೆಯಂತೆ. ಜೊತೆಗೆ ಈ ಪುಸ್ತಕಕ್ಕಾಗಿ ನಿರ್ದೇಶಕ ಫ್ರಾನ್ಸಿಸ್ ಅವರು ಸುಧೀರ್ಘ ಪ್ರಸ್ತಾವನೆಯೊಂದನ್ನು ಬರೆದಿದ್ದಾರಂತೆ.

ಇನ್ನು ರೇಗನ್ ಆರ್ಟ್ಸ್ ಪ್ರಕಟಿಸಿರುವ ಈ ಪುಸ್ತಕ ನವೆಂಬರ್ 15 ರಿಂದ ಮಾರುಕಟ್ಟೆಗಳಲ್ಲಿ ಲಭ್ಯವಾಗಲಿದೆ ಎಂದಿವೆ ಹಾಲಿವುಡ್ ಚಿತ್ರರಂಗದ ಮೂಲಗಳು.