ಶಾಪಿಂಗ್ ಮಾಡಲು ಹೋಗಿ ಕದ್ದು ಸಿಕ್ಕಿ ಬಿದ್ದ ತಾರೆಯರು!

ಗಾಯಕಿ ಬ್ರಿಟ್ನಿ ಸ್ಪಿಯರ್ಸ್

ಗಾಯಕಿ ಬ್ರಿಟ್ನಿ ಸ್ಪಿಯರ್ಸ್ ಶಾಪಿಂಗ್ ಗೆ ಹೋದಾಗ ಐಷಾರಾಮಿ ವಸ್ತುಗಳಿಗೆ ಕೈ ಹಾಕುವುದೇ ಇಲ್ಲ. ಬ್ರಿಟ್ನಿ ಅವರು ಹಸ್ಲರ್ ಸ್ಟೋರ್ ನಿಂದ 'ವಿಗ್' ಎತ್ತಿ ಸಿಕ್ಕಿ ಬಿದ್ದಿದ್ದರು. ಮತ್ತೊಮ್ಮೆ ಗ್ಯಾಸ್ ಸ್ಟೇಷನ್ ನಿಂದ ಲೈಟರ್ ಎಗರಿಸಿದ್ದರು.

ನಟಿ ಮೇಗನ್ ಫಾಕ್ಸ್

ನಟಿ ಮೇಗನ್ ಫಾಕ್ಸ್ ಅವರಿಗೆ ಕಾಸ್ಮೆಟಿಕ್ಸ್ ಎಂದರೆ ಹುಚ್ಚು. ಶಾಪಿಂಘ್ ಹೋದಾಗ ಮೇಕ್ ಅಪ್ ಕಿಟ್ ಗೆ ಬೇಕಾದ ನೆಚ್ಚಿನ ವಸ್ತು ಕಂಡು ಬಂದರೆ ತಕ್ಷಣವೇ ಎಗರಿಸಿಬಿಡುತ್ತಾರೆ. ಈ ಹಿಂದೆ ವಾಲ್ ಮಾರ್ಟ್ ನಲ್ಲಿ ಕಾಸ್ಮೆಟಿಕ್ ಐಟಂ ಕದ್ದಿದ್ದರು.

ಗಾಯಕಿ ಕೇಶಾ

ಗಾಯಕಿ ಕೇಶಾ ಅವರು ಸೆಲೆಬ್ರಿಟಿಯಾಗಿ ಜನಪ್ರಿಯತೆ ಗಳಿಸುವುದಕ್ಕೂ ಮುನ್ನ ಕಷ್ಟದ ದಿನಗಳನ್ನು ಎದುರಿಸಿದ್ದರು. ಈ ಸಮಯದಲ್ಲಿ ಶಾಪ್ ಲಿಫ್ಟಿಂಗ್ ಮಾಡುವುದು ಸಾಮಾನ್ಯ ಸಂಗತಿಯಾಗಿತ್ತು.

ಲಿಂಡ್ಸೆ ಲೋಹನ್

ನಟಿ ಲಿಂಡ್ಸೆ ಲೋಹನ್ ಅವರು ಮಿಕ್ಕವರಿಗಿಂತ ಕೊಂಚ ದುಬಾರಿ ವಸ್ತುವಿಗೆ ಕೈ ಹಾಕಿದ್ದರು. 2011ರಲ್ಲಿ ಆಭರಣ ಮಳಿಗೆಯೊಂದರಿಂದ 2,500 ಡಾಲರ್ ಮೌಲ್ಯದ ನೆಕ್ಲೇಸ್ ಎತ್ತಿ ಬಿಟ್ಟಿದ್ದರು. ಕೋರ್ಟಿನಲ್ಲಿ ವಿಚಾರಣೆ ಎದುರಿಸಿ ಕಣ್ಣೀರಿಟ್ಟಿದ್ದರು.

ಅಮಂಡಾ ಬೈನ್ಸ್

ಡಿಸ್ನಿ ತಾರೆ ಅಮಂಡಾ ಬೈನ್ಸ್ ಅವರು ಡ್ರಗ್ಸ್ ಬಳಕೆ ಅತಿಯಾಗಿ ಮಾಡಿ ಸುದ್ದಿಯಾಗಿದ್ದರು. ಮ್ಯಾಡಿಸನ್ ಅವಿನ್ಯೂನಲ್ಲಿ 200 ಡಾಲರ್ ಮೌಲ್ಯದ ಟೋಪಿಯೊಂದನ್ನು ಕದ್ದು ಸಿಕ್ಕಿ ಬಿದ್ದಿದ್ದರು.

ಬಿಗ್ ಸೀನ್

ಬೇರೆ ಸೆಲೆಬ್ರಿಟಿಗಳ ರೀತಿಯಲ್ಲಿ ಬೀಗ್ ಸೀನ್ ಅವರು ಕದಿಯಲು ಯಾವ ಶಾಪಿಂಗ್ ಮಾಲ್ ಗೂ ಹೋಗಿರಲಿಲ್ಲ. ತಮ್ಮ ಹಳೆ ಗೆಳತಿಯ ಮನೆಯಲ್ಲಿ ರೋಲೆಕ್ಸ್ ವಾಚ್ ಎತ್ತಿದ್ದರು ಎಂದು ಮಾಧ್ಯಮಗಳಲ್ಲಿ ವರದಿಯಾಗಿತ್ತು.

ವಿನೊನಾ ರೈಡರ್

ನಟಿ ವಿನೊನಾ ರೈಡರ್ ಅವರು ಬಟ್ಟೆ ಬರೆ ಸೇರಿದಂತೆ ಸುಮಾರು 5500 ಡಾಲರ್ ಮೌಲ್ಯದ ವಸ್ತುಗಳನ್ನು 2001ರಲ್ಲಿ ಬೆವರ್ಲಿ ಹಿಲ್ಸ್ ನ ಶಾಪ್ ವೊಂದರಲ್ಲಿ ಕದ್ದಿದ್ದರು.

ಫರ್ಹಾ ಫಾಚೆಟ್

ಚಾರ್ಲಿಸ್ ಏಂಜೆಲ್ ಚಿತ್ರದ ನಟಿ ಫರ್ಹಾ ಫಾಚೆಟ್ ಎರಡು ಬಾರಿ ಬಟ್ಟೆ ಕದಿಯುವಾಗ ಸಿಕ್ಕಿ ಬಿದ್ದಿದ್ದರು. 1970ರಲ್ಲೇ ಈ ರೀತಿ ಕೃತ್ಯದಲ್ಲಿ ತೊಡಗಿ ಸಿಕ್ಕಿ ಬಿದ್ದಿದ್ದರು.