ಅವತಾರ್ 2 ಚಿತ್ರೀಕರಣ: ನೀರಿನ ಆಳದಲ್ಲಿ ಅದ್ಭುತ ಲೋಕ

ನ್ಯೂಜಿಲೆಂಡ್‌ನಲ್ಲಿ ಚಿತ್ರೀಕರಣ

ಅವತಾರ್ 2 ಮತ್ತು ಅವತಾರ್ 3 ಚಿತ್ರೀಕರಣ ಪ್ರಸ್ತುತ ನ್ಯೂಜಿಲೆಂಡ್‌ನಲ್ಲಿ ನಡೆಯುತ್ತಿದ್ದು, ಅವತಾರ್ 2 ನ ಚಿತ್ರೀಕರಣ ಬಹುತೇಕ ಮುಗಿದಿದೆ. ಇದೀಗ ಚಿತ್ರತಂಡವು ಬಿಡುಗಡೆ ಮಾಡಿರುವ ಚಿತ್ರದಲ್ಲಿ ನಟಿ ಕೇಟ್ ವಿನ್‌ಸ್ಲೆಟ್ ನೀರಿನ ಆಳದಲ್ಲಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ.

ಏಳು ನಿಮಿಷ ಉಸಿರು ಬಿಗಿ ಹಿಡಿಯುತ್ತಾರಂತೆ ಕೇಟ್

ಅವತಾರ್ 2 ಸಿನಿಮಾದಲ್ಲಿ ನೀರಿನ ದೇವತೆಯ ಪಾತ್ರದಲ್ಲಿ ಕೇಟ್ ವಿನ್‌ಸ್ಲೆಟ್ ನಟಿಸುತ್ತಿದ್ದಾರೆ. ಅವರ ಪಾತ್ರದ ಬಹುತೇಕ ಚಿತ್ರೀಕರಣ ನೀರಿನ ಆಳದಲ್ಲಿಯೇ ನಡೆಯುತ್ತಿದೆ. ನೀರಿನ ಆಳದಲ್ಲಿ ಉಸಿರು ಬಿಗಿಹಿಡಿದುಕೊಂಡು ಚಿತ್ರೀಕರಣ ನಡೆಸುತ್ತಿದ್ದಾರಂತೆ. ಚಿತ್ರತಂಡದ ಪ್ರಕಾರ, ಏಳು ನಿಮಿಷಗಳ ಕಾಲ ಕೇಟ್ ವಿನ್ಸ್‌ಲೆಟ್ ಉಸಿರು ಬಿಗಿಹಿಡಿಯುತ್ತಾರಂತೆ.

ಅವತಾರ್ 2, ಅವತಾರ್ 3 ಬಿಡುಗಡೆ ದಿನಾಂಕ ಪ್ರಕಟ

ಅವತಾರ್ 2 ಮತ್ತು ಅವತಾರ್ 3 ಚಿತ್ರೀಕರಣ ಬಹುತೇಕ ಅಂತಿಮ ಹಂತಕ್ಕೆ ಬಂದಿದೆ. ಆದರೂ ಅವತಾರ್ 2 ಸಿನಿಮಾ 2022 ರ ಡಿಸೆಂಬರ್ 16 ಕ್ಕೆ, ಅವತಾರ್ 3 ಸಿನಿಮಾ 2024 ರ ಡಿಸೆಂಬರ್ 20 ಕ್ಕೆ ಬಿಡುಗಡೆ ಆಗಲಿದೆಯಂತೆ.

Recommended Video

SUPERSTAR SURYA Kannada Short Film Teaser | Rakshit | Praveen | Nikhil | Filmibeat Kannada

ಅವತಾರ್ ಐದೂ ಸರಣಿಯ ಬಿಡುಗಡೆ ದಿನಾಂಕ ಪ್ರಕಟ

ಅವತಾರ್ ಸರಣಿಯ ಒಟ್ಟು ಐದು ಸಿನಿಮಾಗಳು ತಯಾರಾಗಲಿವೆ. ಈಗ ಅವತಾರ್ 2 ಮತ್ತು ಅವತಾರ್ 3 ತಯಾರಾಗುತ್ತಿದೆ. ನಂತರ ಅವತಾರ್ 4 ಮತ್ತು ಅವತಾರ್ 5 ಚಿತ್ರೀಕರಣ ಪ್ರಾರಂಭವಾಗಲಿದೆ. ಅವತಾರ್ 4 ಡಿಸೆಂಬರ್ 18, 2026 ಕ್ಕೆ ಬಿಡುಗಡೆ ಆಗಲಿದೆ. ಅವತಾರ್ 5 ಡಿಸೆಂಬರ್ 22, 2028 ಕ್ಕೆ ಬಿಡುಗಡೆ ಆಗಲಿದೆ.