ಪಾಪ್ ತಾರೆ ಶಕೀರಾ ಪಾಪು ಫಸ್ಟ್ ಲುಕ್ ಫೋಟೋ

ಆದರೆ ಹಾಲಿವುಡ್ ನಲ್ಲಿ ಹಾಗಲ್ಲ ನೋಡಿ. ಮಗುವಾದ ನಾಲ್ಕೇ ದಿನಕ್ಕೆ ತಮ್ಮ ಮಗುವಿನ ಫೋಟೋಗಳನ್ನು ಮಾಧ್ಯಮಗಳಿಗೆ ರವಾನಿಸುತ್ತಾರೆ. ಈಗ ಪಾಪ್ ತಾರೆ ಶಕೀರಾ ಕೂಡ ತಮ್ಮ ಮಗುವಿನ ಫೋಟೋವನ್ನು ಬಹಿರಂಗಪಡಿಸಿದ್ದಾರೆ.

ಈ ಮಗುವಿನ ತಂದೆ ಶಕೀರಾ ಅವರ ಪ್ರಿಯತಮ ಗೆರಾರ್ಡ್ ಪಿಕ್ಯೂ. ಫೋಟೋದಲ್ಲಿ ತಂದೆ ಮಗುವನ್ನು ನೋಡಬಹುದು. ಮಗುವಾದ ಕೂಡಲೆ ಶಕೀರಾ ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಸಂತಸ ಹಂಚಿಕೊಂಡಿದ್ದರು. ವಿಶ್ವಸಂಸ್ಥೆಯ ಅಂತಾರಾಷ್ಟ್ರೀಯ ಮಕ್ಕಳ ತುರ್ತು ನಿಧಿ ಯುನಿಸೆಫ್ ಮೂಲಕ ತಮ್ಮ ಮಗುವಿನ ಫೋಟೋವನ್ನು ಬಿಡುಗಡೆ ಮಾಡಿರುವುದು ವಿಶೇಷ.

ಶಕೀರಾ ಅವರಿಗೆ ಫೇಸ್ ಬುಕ್ ನಲ್ಲಿ 60 ದಶಲಕ್ಷ ಅಭಿಮಾನಿಗಳಿದ್ದಾರೆ ಎಂದರೆ ಆಕೆಯ ಜನಪ್ರಿಯತೆಯನ್ನು ಊಹಿಸಿ. ಸ್ಪಾನಿಷ್ ಫುಟ್ ಬಾಲ್ ಕ್ರೀಡಾಪಡುವಾಗಿರುವ ಗೆರಾರ್ಡ್ ಜೊತೆ ಕೆಲ ಕಾಲದಿಂದ ಶಕೀರಾ ಡೇಟಿಂಗ್ ಮಾಡುತ್ತಿದ್ದರು. ಅದರ ಫಲಿತಾಂಶವೇ ಮುದ್ದಾದ ಮಗು.

ಮಗುವಿಗೆ ಶಕೀರಾ ದಂಪತಿಗಳು ನಾಮಕರಣವನ್ನೂ ಮಾಡಿ ಮುಗಿಸಿದ್ದಾರೆ. ತಮ್ಮ ಮಗುವಿಗೆ ಮೀಲ್ಹನ್ (pronounced MEE-lahn) ಎಂದು ಹೆಸರಿಟ್ಟಿದ್ದಾರೆ. ಈ ಪದಕ್ಕೆ ಆತ್ಮೀಯ, ಎಲ್ಲರ ಪ್ರೀತಿಪಾತ್ರಕ್ಕೆ ಒಳಗಾದವನು ಎಂಬರ್ಥವಿದೆಯಂತೆ. ಸಂಸ್ಕೃತದಲ್ಲಾದರೆ 'ಸಂಘಟಿಸು' ಎಂಬ ಅರ್ಥವಿದೆ ಎಂದು ಸ್ವತಃ ಶಕೀರಾ ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)