ರಷ್ಯಾ- ಉಕ್ರೇನ್ ಯುದ್ಧದಲ್ಲಿ ಸೇನೆ ಸೇರಿದ್ದ ಯುಕ್ರೇನ್‌ ನಟ ಸಾವು: ಕೊನೆಯ ಸಂದೇಶವೇನು?

ಶೇಲ್ ದಾಳಿಗೆ ಉಕ್ರೇನ್ ನಟ ಸಾವು

ರಷ್ಯಾ ಸೇನೆ ಉಕ್ರೇನ್ ಮೇಲಿನ ದಾಳಿಯನ್ನು ಇನ್ನೂ ನಿಲ್ಲಿಸಿಲ್ಲ. ಉಕ್ರೇನ್ ರಾಜಧಾನಿ ಕೀವ್‌ಗೆ ಲಗ್ಗೆ ಇಟ್ಟ ಬಳಿಕ ಪಶ್ಚಿಮದ ಕಡೆಗೆ ಯುದ್ಧ ಮುಂದುವರೆದಿದೆ. ಸ್ಥಳೀಯ ವರದಿ ಪ್ರಕಾರ, ರಷ್ಯಾ ಶೇಲ್ ದಾಳಿಯನ್ನು ಮುಂದುವರೆಸಿದೆ. ಉಕ್ರೇನ್‌ನ ನಟ ಪಾಶಾ ಲೀ ಉಕ್ರೇನ್‌ನ ಇರ್ಪಿನ್‌ನಲ್ಲಿ ಸೇನೆಯೊಂದಿಗೆ ಇದ್ದ. ಈ ವೇಳೆ ರಷ್ಯಾ ಸೇನೆ ಶೆಲ್ ದಾಳಿ ನಡೆಸಿತ್ತು. ಈ ದಾಳಿಯಲ್ಲಿ ಪಾಶಾ ಲೀ ಸಾವನ್ನಪ್ಪಿದ್ದಾನೆ ಎಂದು ತಿಳಿಸಲಾಗಿದೆ. ಉಕ್ರೇನ್ ಟಿಎಸ್‌ಎನ್ ಟೆಲಿವಿಷನ್ ಹಾಗೂ ಒಡೆಸಾ ಅಂತರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ ನಟನಿಗೆ 33 ವರ್ಷ ವಯಸ್ಸಾಗಿತ್ತು ಎಂದು ಹೇಳಿದೆ.

ರಂಗಕ್ಕಿಳಿದ ಸೋನು ಸೂದ್: ಉಕ್ರೇನ್‌ನಲ್ಲಿ ಸಿಲುಕಿರುವ ವಿದ್ಯಾರ್ಥಿಗಳಿಗೆ ನೆರವು

ನಟ ಪಾಶಾ ಲೀ ಕೊನೆಯ ಸಂದೇಶವೇನು?

ಉಕ್ರೇನ್ ನಟ ಪಾಶಾ ಲೀ ಸಾವಿಗೂ ಮುನ್ನ ತನ್ನ ಇನ್‌ಸ್ಟಾಗ್ರಾಂನಲ್ಲಿ ಕೊನೆಯದಾಗಿ ಯುದ್ಧದ ಬಗ್ಗೆ ಬರೆದುಕೊಂಡಿದ್ದನು. " ಕಳೆದ 48 ಗಂಟೆಗಳಿಂದ ನಮಗೆ ಕೂತು ಕೊಳ್ಳುವುದಕ್ಕೆ ಅವಕಾಶ ಸಿಕ್ಕಿದೆ. ಹಾಗೇ ನಮ್ಮ ಮೇಲೆ ಹೇಗೆ ಬಾಂಬ್ ಎಸೆದಿದ್ದಾರೆ ಎಂಬುವುದನ್ನು ಕ್ಯಾಮರಾದಲ್ಲಿ ಸೆರೆಹಿಡಿಯಲು ಕೂಡ ಅವಕಾಶ ಸಿಕ್ಕಿದೆ. ಹೀಗಿದ್ದರೂ ನಾವು ನಗುತ್ತಿದ್ದೇವೆ. ಯಾಕಂದರೆ ನಾವು ಈ ಸಂದರ್ಭವನ್ನು ನಿಭಾಯಿಸುತ್ತೇವೆ. ಎಲ್ಲವೂ ಉಕ್ರೇನ್‌ಗಾಗಿಯೇ. ನಾವು ಅದಕ್ಕಾಗಿಯೇ ಕೆಲಸ ಮಾಡುತ್ತೇವೆ." ಎಂದು ಉಕ್ರೇನ್ ನಟ ಪಾಶಾ ಲೀ ಬರೆದುಕೊಂಡಿದ್ದನು.

ಪಾಶಾ ಲೀ ಡಬ್ಬಿಂಗ್ ಆಟ್ಟಿಸ್ಟ್

ಪಾಶಾ ಲೀ ಡಬ್ಬಿಂಗ್ ಆರ್ಟಿಸ್ಟ್ ಕೂಡ ಹೌದು. ಹಾಲಿವುಡ್ ಸಿನಿಮಾಗಳು ಉಕ್ರೇನ್ ಭಾಷೆಗೆ ಡಬ್ ಆಗುತ್ತಿದ್ದವು. ಇಂತಹ ಹಲವು ಸಿನಿಮಾಗಳಿಗೆ ಪಾಶಾ ಲೀ ಡಬ್ ಮಾಡಿದ್ದಾರೆ. ಹಾಲಿವುಡ್ ಸಿನಿಮಾ 'ದಿ ಲಯನ್ ಕಿಂಗ್' ಹಾಗೂ 'ದಿ ಹೊಬ್ಬಿಟ್' ಸಿನಿಮಾಗಳಿಗೆ ಡಬ್ ಮಾಡಿದ್ದು ಇದೇ ನಟ. ಇದರೊಂದಿಗೆ ಉಕ್ರೇನಿನ DOM ಚಾನೆಲ್‌ನಲ್ಲಿ ನಿರೂಪಕರಾಗಿಯೂ ಕೆಲಸ ಮಾಡಿದ್ದಾನೆ. ಉಕ್ರೇನ್‌ ಸಂಕಷ್ಟದಲ್ಲಿರುವಾಗ ಸೇನೆ ಸೇರಿದ ನಟ ಯುದ್ಧದಲ್ಲಿ ಹೋರಾಡುತ್ತಾ ಸಾವನ್ನಪ್ಪಿದ್ದಾನೆ.

ಅಫ್ಘಾನಿಸ್ತಾನದ ಕರುಳು ಹಿಂಡುವ ಕತೆ: ನೋಡಲೇ ಬೇಕಾದ ಸಿನಿಮಾಗಳು

ಫೇಮಸ್ ಆಗಿವೆ ಪಾಶಾ ಲೀ ಶೋ

2019ರಲ್ಲಿ ಕಾಮಿಡಿ ಮೀಟಿಂಗ್ ಆಫ್ ಕ್ಲಾಸ್‌ಮೇಟ್ಸ್, 2017ರಲ್ಲಿ ಸ್ಟೋರ್ಟ್ಸ್ ಆಕ್ಷನ್ ಸಿನಿಮಾ 'ದಿ ಪೈಟ್ ರೂಲ್ಸ್, 2016ರಲ್ಲಿ ಆಕ್ಷನ್ ಕಾಮಿಡಿ ಸೆಲ್ಫಿ ಪಾರ್ಟಿ ಹಾಗೂ 2012ರ ಮತ್ತೊಂದು ಕಾಮಿಡಿ ಸಿನಿಮಾ 'ಝ್ವಿಚಯ್ನಾ ಸ್ಪ್ರಾವಾ' ಎಂಬ ಸಿನಿಮಾದಲ್ಲಿ ನಟಿಸಿ ಪ್ರಸಿದ್ದಿ ಪಡೆದಿದ್ದನು. ಇನ್ನೊಂದು ಕಡೆ ರಷ್ಯಾ ಉಕ್ರೇನ್ ರಾಜಧಾನಿ ಕೀವ್ ಹಾಗೂ ಇರ್ವಿನ್ ಪ್ರದೇಶದಲ್ಲಿ ನಿರಂತರವಾಗಿ ಶೆಲ್ ದಾಳಿಯನ್ನು ನಡೆಸುತ್ತಲೇ ಇದೆ. ದೇಶದ ಹೋರಾಡಲು ಸೇನೆ ಸೇರಿದ ಹಲವು ನಾಗರಿಕರು ಕೂಡ ಸಾವನ್ನಪ್ಪಿದ್ದಾರೆ.