'ಕ್ರಾಂತಿ' ಸಂದರ್ಶನದಲ್ಲಿ 'ಗಂಧದ ಗುಡಿ' ಬಗ್ಗೆ ದರ್ಶನ್ ಮಾತು; ಅಪ್ಪು ಕೊನೆಯ ಚಿತ್ರ ನೋಡಿದ್ರಾ ದಚ್ಚು?

ಗಂಧದ ಗುಡಿ ನೋಡಿದ್ರಾ?

ಇನ್ನು ಸಂದರ್ಶನದಲ್ಲಿ ದರ್ಶನ್ ಎಂದರೆ ಎಲ್ಲರಿಗೂ ಕಾಡು ಹಾಗೂ ವನ್ಯಜೀವಿಗಳು ನೆನಪಿಗೆ ಬರುತ್ತದೆ, ಕಾಡಿನ ಕುರಿತಾಗಿ ಇತ್ತೀಚಿಗಷ್ಟೆ ಪುನೀತ್ ಅವರ ಗಂಧದ ಗುಡಿ ಚಿತ್ರ ಕೂಡ ಬಿಡುಗಡೆಯಾಯಿತು ಚಿತ್ರ ನೋಡಿದ್ರಾ, ಹೇಗೆ ಎನಿಸಿತು ಎಂದು ನಿರೂಪಕಿ ಪ್ರಶ್ನೆಯನ್ನು ಹಾಕಿದರು. ಈ ಪ್ರಶ್ನೆಗೆ ಉತ್ತರಿಸಿದ ದರ್ಶನ್ "ಚೆನ್ನಾಗಿದೆ, ಇಟ್ಸ್ ಗುಡ್" ಎಂದು ಹೇಳಿದರು. ಈ ಮೂಲಕ ದರ್ಶನ್ ಗಂಧದ ಗುಡಿ ನೋಡಿಲ್ಲ ಎಂದು ಹರಿದಾಡುತ್ತಿದ್ದ ಸುದ್ದಿಗಳಿಗೆ ದರ್ಶನ್ ಬ್ರೇಕ್ ಹಾಕಿದ್ದಾರೆ.

ಕಾಡು ಸುತ್ತೋಕೆ ಒಲವು ಇರಬೇಕು

ಇನ್ನೂ ಮುಂದುವರಿದು ಮಾತನಾಡಿದ ದರ್ಶನ್ ಕಾಡನ್ನು ಸುತ್ತೋಕೆ ಆಸಕ್ತಿಗಿಂತ ಹೆಚ್ಚಾಗಿ ಒಲವಿದ್ರೆ ನೀವು ಎಲ್ಲಿಗೆ ಬೇಕಾದರೂ ಹೋಗಬಹುದು ಎಂದರು. ನಾನು ಸಹ ಕಾಡನ್ನು ಸುತ್ತುತ್ತೇನೆ, ಇಲ್ಲಿ ಆದರೆ ಜಿಮ್ ಇದೆಯಾ, ಎಸಿ ಬರುತ್ತಾ ಅಂತ ನೋಡ್ತೇವೆ ನಾವು, ಕಾಡಲ್ಲಿ ಎಸಿ ಏನೂ ಅಗತ್ಯವಿಲ್ಲ ಎಂದು ದರ್ಶನ್ ಕಾಡಿನಲ್ಲಿ ಕಾಲ ಕಳೆಯುವುದು ತಮಗಿಷ್ಟ ಎಂಬುದನ್ನು ತಿಳಿಸಿದರು.

ಕಾವಲುಗಾರರ ಜತೆ ಕಾಡು ಸುತ್ತಬೇಕು

ಇನ್ನು ಕಾಡನ್ನು ಕಾವಲು ಕಾಯುವಂತಹ ಕಾವಲುಗಾರರಿರುತ್ತಾರೆ, ಅವರ ಜೊತೆ ಕಲ ಕಳೆಯಬೇಕು, ಅವಾಗ ನಿಮಗೆ ನಿಜವಾದ ಕಾಡು ಎಂದರೇನು ಎಂಬುದು ಗೊತ್ತಾಗುತ್ತೆ ಎಂದು ದರ್ಶನ್ ಹೇಳಿದರು. ತಾವೂ ಸಹ ಕಾಡು ಸುತ್ತಲು ಹೊರಟಾಗ ಅನುಮತಿ ಪಡೆದುಕೊಂಡು ಕಾವಲುಗಾರರ ಜತೆಯೇ ಕಾಡು ಸುತ್ತುತ್ತೇನೆ ಎಂದು ದರ್ಶನ್ ತಿಳಿಸಿದರು.