ನಮ್ಮನ್ನು ಭಾರತಕ್ಕೆ ಕರೆತನ್ನಿ: ವಿದೇಶದ ಮರಳುಗಾಡಿನಲ್ಲಿ ಸಿಲುಕಿಕೊಂಡಿರುವ ನಟ ಪೃಥ್ವಿರಾಜ್ ಮನವಿ

ಅನುಮತಿ ವಾಪಸ್

ಆದರೆ ಚಿತ್ರತಂಡದಲ್ಲಿದ್ದ ಒಮನ್ ಮೂಲದ ನಟ ಹಾಗೂ ಆಕೆಯ ದುಬಾಷಿ ಸಹಾಯಕ ಇಬ್ಬರನ್ನೂ ಕ್ವಾರಂಟೀನ್‌ಗೆ ಒಳಪಡಿಸಿದ್ದರಿಂದ ಮತ್ತು ಕೊರೊನಾ ವೈರಸ್ ಹರಡುವಿಕೆ ವ್ಯಾಪಕವಾಗಿದ್ದರಿಂದ ಚಿತ್ರೀಕರಣ ಪ್ರಕ್ರಿಯೆ ಮುಂದುವರಿಸಲು ನೀಡಲಾಗಿದ್ದ ಅನುಮತಿಯನ್ನು ಜೋರ್ಡಾನ್ ಸರ್ಕಾರ ಹಿಂದಕ್ಕೆ ಪಡೆದುಕೊಂಡಿದೆ.

ಮರುಭೂಮಿಯಲ್ಲಿ ಸಿಕ್ಕಿಕೊಂಡ ತಂಡ

ಈಗ ಸಿನಿಮಾ ತಂಡ ಜೋರ್ಡಾನ್‌ನ ಮರುಭೂಮಿಯ ನಡುವೆ ಸಿಕ್ಕಿಕೊಂಡಿದೆ. ಮೊದಲು ಮಾರ್ಚ್ 24ರಂದು ಜೋರ್ಡಾನ್ ಸರ್ಕಾರ ತಾತ್ಕಾಲಿಕವಾಗಿ ಅನುಮತಿ ಸ್ಥಗಿತಗೊಳಿಸಿತ್ತು. ಅವರ ಸ್ಥಿತಿಗತಿ ಗಮನಿಸಿ, ಚಿತ್ರತಂಡ ಸಂಪೂರ್ಣವಾಗಿ ಪ್ರತ್ಯೇಕವಾಗಿರುವುದರಿಂದ ಚಿತ್ರೀಕರಣ ಮುಂದುವರಿಸಲು ಅವಕಾಶ ನೀಡಿತ್ತು. ಆದರೆ ಮಾರ್ಚ್ 27ರಂದು ಮುನ್ನೆಚ್ಚರಿಕೆಯ ದೃಷ್ಟಿಯಿಂದ ಮತ್ತೆ ತಡೆಹಿಡಿಯಲಾಯಿತು. ಸದ್ಯದ ಪರಿಸ್ಥಿತಿಯಲ್ಲಿ ಚಿತ್ರೀಕರಣಕ್ಕೆ ಮತ್ತೆ ಅನುಮತಿ ಸಿಗುವುದು ಕಷ್ಟ. ಹೀಗಾಗಿ ನಮಗೆ ಇರುವ ಏಕೈಕ ದಾರಿಯೆಂದರೆ ಭಾರತಕ್ಕೆ ಬರುವುದು ಎಂದು ಪೃಥ್ವಿರಾಜ್ ಹೇಳಿದ್ದಾರೆ.

ಎಲ್ಲ ವ್ಯವಸ್ಥೆ, ಸೌಕರ್ಯ ಒದಗಿಸಿದ್ದಾರೆ

ಇಲ್ಲಿ ನಮಗೆ ವಸತಿ, ಆಹಾರ ಇತರೆ ವ್ಯವಸ್ಥೆಗಳನ್ನು ಅಧಿಕಾರಿಗಳು ಚೆನ್ನಾಗಿ ಒದಗಿಸಿದ್ದಾರೆ. ಆದರೆ ಅದರಾಚೆಗೂ ಏನಾಗಬಹುದು ಎಂದು ಹೇಳಲಾಗದು. ಇದು ಕಳವಳದ ಸಂಗತಿ. ಪ್ರತಿ 72 ಗಂಟೆಗೆ ತಂಡದ ಪ್ರತಿಯೊಬ್ಬರ ಆರೋಗ್ಯವನ್ನು ತಪಾಸಣೆ ಮಾಡಲೆಂದೇ ಒಬ್ಬರು ವೈದ್ಯರನ್ನು ನಿಯೋಜಿಸಲಾಗಿದೆ.

ಭಾರತಕ್ಕೆ ಮರಳಲು ಕಾಯುತ್ತಿದ್ದೇವೆ

ನಮ್ಮ 58 ಜನರ ತಂಡದ ಬಗ್ಗೆ ಅಧಿಕಾರಿಗಳು ಅಷ್ಟೇನೂ ತಲೆಕೆಡಿಸಿಕೊಳ್ಳದೆ ಇರಬಹುದು. ಆದರೆ ಇಲ್ಲಿನ ಪರಿಸ್ಥಿತಿಯ ಬಗ್ಗೆ ಎಲ್ಲಾ ಸಂಬಂಧಿತರಿಗೆ ಮಾಹಿತಿ ನೀಡುತ್ತಿರುವುದು ನಮ್ಮ ಕರ್ತವ್ಯ. ಜಗತ್ತಿನಾದ್ಯಂತ ಸಾವಿರಾರು ಮಂದಿ ಭಾರತೀಯರು ಭಾರತಕ್ಕೆ ಬರಲು ಕಾಯುತ್ತಿದ್ದಾರೆ. ಸೂಕ್ತ ಸಮಯ ಹಾಗೂ ಅವಕಾಶ ಯಾವಾಗ ಸಿಗುತ್ತಿದೆ ಎಂದು ಕಾಯುತ್ತಿದ್ದೇವೆ. ನಾವೂ ಭಾರತಕ್ಕೆ ಬರಬಹುದು ಎಂದು ಪೃಥ್ವಿರಾಜ್ ಮನವಿ ಮಾಡಿದ್ದಾರೆ.