ಮಹಾಪುರುಷ

ಪೆಟ್ಟಾ ಚಿತ್ರದ ಖ್ಯಾತಿ ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದಲ್ಲಿ ಮೂಡಿಬಂದ `ಮಹಾಪುರುಷ' ಚಿತ್ರ ತಮಿಳಿನ `ಮಹಾನ್' ಚಿತ್ರದ ಡಬ್ ಅವತರಣಿಕೆಯಾಗಿದೆ.ಈ ಚಿತ್ರದಲ್ಲಿ ಚಿಯಾನ್ ವಿಕ್ರಮ್ ಮತ್ತು ಅವರ ಮಗ ಧ್ರುವ ವಿಕ್ರಮ್ ನಾಯಕರಾಗಿ ನಟಿಸಿದ್ದಾರೆ. ಚಿತ್ರದಲ್ಲಿ ಸಿಮ್ರನ್, ವಾಣಿ ಭೋಜನ್ ಮತ್ತು ಬಾಬಿ ಸಿಂಹ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರಕ್ಕೆ ಲಲಿತ್ ಕುಮಾರ್ ಬಂಡವಾಳ ಹೂಡಿದ್ದಾರೆ. ಕಥೆ: ತನ್ನ ಮಗ ಮಹಾತ್ಮ ಗಾಂಧಿಯಂತೆ ಆಗಲೆಂದು ತಂದೆಯೊಬ್ಬ ಮಗನಿಗೆ ಗಾಂಧಿ ಮಹಾನ್ ಎಂದು ಹೆಸರಿಡುತ್ತಾನೆ. ಗಾಂಧಿ ಮಹಾನ್ ರ ತಾತ ಸಾರಾಯಿ ನಿಷೇಧ ಹೋರಾಟದಲ್ಲಿ ಪಾಲ್ಗೊಂಡು ದೇಶಕ್ಕಾಗಿ ಜೀವ ಅರ್ಪಿಸುತ್ತಾರೆ. ಗಾಂಧಿ ಮಹಾನ್ ಕೂಡ ತನ್ನ ತಂದೆಯ ಆಶಯದಂತೆ ಕಾಲೇಜ್ ಒಂದರಲ್ಲಿ ಉಪನ್ಯಾಸಕನಾಗಿ ಸರಳವಾಗಿ ತನ್ನ ಪತ್ನಿ ಮತ್ತು ಮಗುವಿನೊಂದಿಗೆ ಜೀವನ ಸಾಗಿಸುತ್ತಿರುತ್ತಾನೆ. ಆದರೆ ಒಳಗೆ ಮಾತ್ರ ತಾನು ಒಬ್ಬ ರಾಜನಂತೆ ಬದುಕಬೇಕು ಎಂಬ ಆಸೆ ತೀವ್ರವಾಗಿರುತ್ತದೆ.   ಒಮ್ಮೆ ತನ್ನ ಪತ್ನಿ ಮತ್ತು ಮಗು ತಿರುಪತಿಗೆ ಹೋದಾಗ ಬಾರ್ ಒಂದರಲ್ಲಿ ಕೆಲವು ಘಟನೆಗಳು ನಡೆದು ಬೆಳಿಗ್ಗೆ ಹೊತ್ತಿಗೆ ಗಾಂಧಿ ಹಣದ ಬ್ಯಾಗಿನೊಂದಿಗೆ ಮನೆಯಲ್ಲಿ ಕೆಟ್ಟ ಸ್ಥಿತಿಯಲ್ಲಿರುತ್ತಾನೆ. ಇದನ್ನು ನೋಡಿದ ಪತ್ನಿ ತನ್ನ ಮಗುವಿನೊಂದಿಗೆ ಅವನನ್ನು ತ್ಯಜಿಸುತ್ತಾಳೆ. ಮುಂದೆ ಇದೇ ಹಣದಿಂದ ಗಾಂದಿಯೊಂದು ಸಾರಾಯಿ ವ್ಯಾಪಾರ ಆರಂಭಿಸಿ ದೊಡ್ಡ ಬ್ಯುಸಿನೆಸ್ ಮೆನ್ ಆಗಿ ಬೆಳೆಯುತ್ತಾನೆ. ಮುಂದೆ ಹಲವು ವರ್ಷಗಳ ನಂತರ ಗಾಂಧಿ ಪುತ್ರನೇ ಪೋಲಿಸ್ ಅಧಿಕಾರಿಯಾಗಿ ಬಂದು ಗಾಂಧಿ ಮಹಾನ್ ನನ್ನು ಮಟ್ಟ ಹಾಕಲು ತೊಡಗುತ್ತಾನೆ. ಈ ತಂದೆ-ಮಗನ ಕಾಳಗ ಹೇಗಿರುತ್ತದೆ ಎಂಬುದು ಚಿತ್ರದ ಕಥೆ.   ರೀಲೀಸ್: ಈ ಚಿತ್ರ ತಮಿಳು, ಕನ್ನಡ, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲಿ ಫೆಬ್ರವರಿ ರಂದು ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಯಿತು. ತಮಿಳು ಚಿತ್ರದ ಮೂಲ ಹೆಸರು ಮಹಾನ್.