ಜಾನಿ ಲಿವರ್

ಜಾನಿ ಲಿವರ್ ಬಾಲಿವುಡ್ ಚಿತ್ರರಂಗದಲ್ಲಿ ಪ್ರಸಿದ್ಢವಾಗಿರುವ ಪ್ರಖ್ಯಾತ ಹಾಸ್ಯನಟ. ಸ್ಟಾಂಡ್ ಅಪ್ ಕಾಮಿಡಿಯ ಸಂಸ್ಕೃತಿಗೆ ನೀರೆರೆದವರಲ್ಲಿ ಇವರು ಒಬ್ಬರು. ಆಂಧ್ರ ಪ್ರದೇಶದ ನಂದ್ಯಾಳದಲ್ಲಿ ಜನಿಸಿದ ಇವರು ಬದುಕು ಕಟ್ಟಿ ಕೊಂಡಿದ್ದು ಪಕ್ಕದ ಮಹಾರಾಷ್ಟದಲ್ಲಿ.

ನಂತರ ಇವರ ಕುಟುಂಬ ಮುಂಬೈಗೆ ಬಂದು ನೆಲೆಸಿತು. ಮನೆಯಲ್ಲಿ ಹಣಕಾಸಿನ ತೊಂದರೆಯಿಂದ ಏಳನೇ ಕ್ಲಾಸಿಗೆ ಶಾಲೆ ತೊರೆದು ಬೀದಿ ಬೀದಿಯಲ್ಲಿ ಪೆನ್ನು ಮಾರುತ್ತಾ ಬಾಲಿವುಡ್ ನಟರ ಮಿಮಿಕ್ರಿ ಮಾಡುತ್ತಿದ್ದರು. ಒಂದು ದಿನ ಹಿಂದುಸ್ತಾನ್ ಲಿವರ್ ಲಿಮಿಟೆಡ್ ಕಂಪನಿಯ ಸಮಾರಂಭದಲ್ಲಿ ತನ್ನ ಸೀನಿಯರ್ ಅಧಿಕಾರಿಗಳ ಮಿಮಿಕ್ರಿಯನ್ನು ಅದ್ಭುತವಾಗಿ ಮಾಡಿದರು. ಅಲ್ಲಿಂದ ಜನರು ಇವರನ್ನು ಜಾನಿ ಲಿವರ್ ಎಂದೇ ಕರೆಯತೊಡಗಿದರು.