ಸಖತ್

ಚಮಕ್ ಚಿತ್ರದ ನಂತರ ಮತ್ತೊಮ್ಮೆ ಗೋಲ್ಡನ್ ಸ್ಟಾರ್ ಗಣೇಶ್ ಮತ್ತು ಸಿಂಪಲ್ ಸುನಿ ಕಾಂಬಿನೇಶನ್ ನಲ್ಲಿ ಮೂಡಿ ಬಂದಿರುವ ಸಖತ್ ಚಿತ್ರದಲ್ಲಿ ತಮಿಳು ನಟಿ ಸುರಭಿ ಮತ್ತು ನಿಶ್ವಿಕಾ ನಾಯ್ಡು ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರದ ಮೂಲಕ ಸುರಭಿ ಚಂದನವನ ಪ್ರವೇಶಿಸಿಲಿದ್ದಾರೆ. ಕೆವಿಎನ್ ಮತ್ತು ಸುಪ್ರೀತ್ ಪ್ರೊಡಕ್ಷನ್ಸ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರ ನಿರ್ಮಾಣವಾಗಿದೆ. ಚಮಕ್ ಚಿತ್ರಕ್ಕೆ ಸಂಗೀತ ನೀಡಿದ್ದ ಜುಡಾ ಸ್ಯಾಂಡಿ ಮತ್ತು ಛಾಯಾಗ್ರಹಣ ಮಾಡಿದ್ದ ಸಂತೋಷ್ ರೈ ಪಥಜೆ ಈ ಚಿತ್ರದಲ್ಲೂ ತಮ್ಮ ಮ್ಯಾಜಿಕ್ ಮುಂದುವರೆಸಿದ್ದಾರೆ. ಕಥೆ: ಬಾಲು ಎಂಬ ಪಾತ್ರದಲ್ಲಿ ಅಭಿನಯಿಸಿರುವ ಗೋಲ್ಡನ್ ಸ್ಟಾರ್ ಗಣೇಶ್‌ಗೆ ಟಿವಿ ನಿರೂಪಕಿ ಮೇಲೆ ಕ್ರಶ್ ಆಗುತ್ತೆ, ಆಕೆಯನ್ನು ಮಾತನಾಡಿಸಬೇಕು, ಹೇಗಾದರೂ ಇಂಪ್ರೆಸ್ ಮಾಡಬೇಕೆಂದು ಬಾಲು ಪ್ರಯತ್ನ ಮಾಡುತ್ತಾನೆ. ಆಗ ಒಲಿದ ಐಡಿಯಾವೇ ನಿರೂಪಕಿ ನಡೆಸಿಕೊಡುವ ಸಂಗೀತ ಕಾರ್ಯಕ್ರಮದಲ್ಲಿ ಭಾಗವಹಿಸೋದು. ಹೇಗಾದರೂ ಪ್ರಯತ್ನ ಮಾಡಿ ಆ ಶೋನಲ್ಲಿ ಆಯ್ಕೆ ಆಗುವ ಬಾಲು ಪ್ರತೀ ಹೆಜ್ಜೆಯಲ್ಲೂ ನಿರೂಪಕಿಯನ್ನು ಇಷ್ಟಪಡಿಸಲು ಮುಂದಾಗುತ್ತಾನೆ. ಹೀಗೆ ಮಾಡುವಂತಹ ಸಂದರ್ಭದಲ್ಲಿ ಬಾಲು ಏನೇನೊ ರಿಸ್ಕ್‌ಗಳನ್ನು ಕೂಡ ತೆಗೆದುಕೊಳ್ಳುತ್ತಾನೆ. ಹೀಗೆ ಹುಡುಗಿಗಾಗಿ ಮಾಡುವ ನಾಟಕ ಮುಂದೆ ಹೇಗೆ ಬಾಲುರನ್ನ ಫಜೀತಿಗೆ ಸಿಲುಕಿಸಿತ್ತೇ? ಮತ್ತು ಆತ ಅದರಿಂದ ಹೊರಬರಲು ಹೇಗೆ ಪ್ರಯತ್ನವನ್ನು ಮಾಡುತ್ತಾನೆ, ಹೊರಬರಲು ಆಗುತ್ತಾ ಇಲ್ವಾ ಅನ್ನೋದೆ ಸಿನಿಮಾದ ಒನ್ ಲೈನ್ ಸ್ಟೋರಿ. ಈ ಚಿತ್ರದಲ್ಲಿ ಗಣೇಶ್ ಅಂಧನ ಪಾತ್ರದಲ್ಲಿ ನಟಿಸಿದ್ದಾರೆ. ಸದ್ಯದ ರಿಯಾಲಿಟಿ ಶೋ ಗಳು ಮತ್ತು ಕೋರ್ಟ್ ಕೇಸೊಂದರ ಸುತ್ತ ಚಿತ್ರ ಸುತ್ತಲಿದೆ. 2020 ಫೆಬ್ರವರಿ 24 ರಂದು ಚಿತ್ರದ ಮುಹೂರ್ತ ನೇರವೇರಿತು. ಚಿತ್ರದಲ್ಲಿ ಗಣೇಶ್ ಪುತ್ರ ವಿಹಾನ್ ಕೂಡ ನಟಿಸಿದ್ದಾರೆ.