ರವೀಂದ್ರನಾಥ್

ಜೀವನ ಚರಿತ್ರೆ :  ರವೀಂದ್ರನಾಥ್ ಕನ್ನಡ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದ ಪ್ರಮುಖ ನಿರ್ದೇಶಕರು. ಕರ್ನಾಟಕದ ಭದ್ರಾವತಿ ಮೂಲದವರಾದ ಇವರು ಬಿ.ಎಸ್ಸಿ ಪದವಿಧರರು.ನಟನೆಯಲ್ಲಿ ಡಿಪ್ಲೋಮಾ ಕೋರ್ಸ್ ಮುಗಿಸಿದ ಇವರು ಖ್ಯಾತ ನಿರ್ದೇಶಕ ಹುಣುಸೂರು ಕೃಷ್ಣಮೂರ್ತಿಯವರ ಸಹಾಯಕರಾಗಿ ಚಿತ್ರರಂಗ ಪ್ರವೇಶಿಸಿದರು. `ಭಕ್ತ ಸಿರಿಯಾಳ',`ತಪ್ಪಿದ ತಾಳ' ಮುಂತಾದ ಚಿತ್ರಗಳಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದರು. 1984 ರಲ್ಲಿ `ಅಪರಂಜಿ' ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾಗಿ ಕನ್ನಡ ಸಿನಿಮಾರಂಗ ಪ್ರವೇಶಿದರು. ದೇವರಾಜ್ ನಟನೆಯ `ವೀರಪ್ಪನ್' ಚಿತ್ರ ಇವರಿಗೆ ರಾಜ್ಯ ಪ್ರಶಸ್ತಿ ದೊರಕಿಸಿ ಕೊಟ್ಟಿತು.  ಶಿವರಾಜಕುಮಾರ್ ನಟನೆಯ `ನಮ್ಮೂರ ಹುಡ್ಗ' ಇವರು ನಿರ್ದೇಶಿಸಿದ ಕೊನೆಯ ಚಿತ್ರ. 2014 ರಲ್ಲಿ ಹೈದಾರಾಬಾದಿನಲ್ಲಿ ವಿಧಿವಶರಾದರು.