'ರಾಜಕುಮಾರ'ನ ಹೊಸ ಹಾಡನ್ನ ನೋಡಿ ಕಣ್ಣುತುಂಬಿಕೊಳ್ಳಿ

ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಕನ್ನಡಿಗರು ಎಂದು ಮರೆಯಲಾಗದಷ್ಟು ಹತ್ತಿರವಾಗಿರುವ ಚಿತ್ರ. ಈ ಸಿನಿಮಾ ಈಗಾಗಲೇ ಕನ್ನಡ ನೆಲದಲ್ಲಿ ಸಾಕಷ್ಟು ದಾಖಲೆ ನಿರ್ಮಿಸಿ, ಬಾಕ್ಸ್ ಆಫೀಸ್ ಪುಡಿ ಮಾಡಿ ಮುಂದೆ ಸಾಗುತ್ತಿದೆ. ಸದ್ಯ, 100ನೇ ದಿನದತ್ತ ಮುನ್ನುಗುತ್ತಿರುವ ಈ ಚಿತ್ರದ ಒಂದು ಹಾಡಿನ ವಿಡಿಯೋವನ್ನು ಚಿತ್ರತಂಡ ರಿಲೀಸ್ ಮಾಡಿದೆ.

'ರಾಜಕುಮಾರ' ಸಿನಿಮಾ ಬಿಡುಗಡೆಯ ಬಳಿಕ ಚಿತ್ರದ ಒಂದೊಂದೆ ಹಾಡಿನ ವಿಡಿಯೋವನ್ನು ಚಿತ್ರತಂಡ ರಿಲೀಸ್ ಮಾಡುತ್ತಿತ್ತು. ಈಗ 'ಸಾಗರದ...'' ಎಂಬ ಸೆಂಟಿಮೆಂಟ್ ಹಾಡಿನ ವಿಡಿಯೋ ಬಿಡುಗಡೆ ಯಾಗಿದೆ. ಅಂದ್ಹಾಗೆ, ಈ ಹಾಡು ಯೂಟ್ಯೂಬ್ ನಲ್ಲಿ ಈಗ ಸಖತ್ ಹಿಟ್ಸ್ ಪಡೆದುಕೊಳ್ಳುತ್ತಿದೆ.

ಸಿನಿಮಾದ ಒಂದು ಪ್ರಮುಖ ಭಾಗದಲ್ಲಿ ಬರುವ ಈ ಹಾಡನ್ನ ಚಿತ್ರತಂಡ ಗೌಪ್ಯವಾಗಿ ಇಟ್ಟಿತ್ತು. ಸಿನಿಮಾ ನೋಡಿದವರು ಮಾತ್ರ ಈ ಹಾಡನ್ನು ಕಣ್ಣುತುಂಬಿಕೊಂಡಿದ್ದರು. ವಿ.ಹರಿಕೃಷ್ಣ ಸಂಗೀತ, ಗೌಸ್ ಪೀರ್ ಸಾಹಿತ್ಯ, ಸೋನು ನಿಗಮ್ ಕಂಠದಲ್ಲಿ ಈ ಹಾಡು ಮೂಡಿ ಬಂದಿತ್ತು. ಈ ಮೂಲಕ 'ಬೋಂಬೆ ಹೇಳುತೈತೆ' ಹಾಡನ್ನು ಬಿಟ್ಟು ಎಲ್ಲ ಹಾಡಿನ ವಿಡಿಯೋವನ್ನು ಚಿತ್ರತಂಡ ಬಿಡುಗಡೆ ಮಾಡಿದೆ.

'ರಾಜಕುಮಾರ' ಚಿತ್ರದ ಈ ಹಾಡನ್ನು ನೋಡುವುದಕ್ಕೆ ಈ ಲಿಂಕ್ ಕ್ಲಿಕ್ಕಿಸಿ.