ರಶ್ಮಿಕಾ ಮಂದಣ್ಣ ಹಾಡಿಗೆ ತಾಯಿ ಗರ್ಭದಲ್ಲಿರುವ ಮಗು ಡ್ಯಾನ್ಸ್: ವಿಡಿಯೋ ಫುಲ್ ವೈರಲ್

ಗರ್ಭದಲ್ಲಿರುವ ಮಗು ಡ್ಯಾನ್ಸ್

ಈ ಬಿಂದಾಸ್ ಸಾಂಗ್‌ಗೆ ಹುಟ್ಟುವ ಮಗು ಕೂಡ ಕುಣಿಯುತ್ತಿದೆ. 'ರಂಜಿತಮೇ' ಸಾಂಗ್‌ ತಮ್ಮ ಫ್ಯಾಮಿಲಿಗೆ ಬಹಳ ಪ್ರತ್ಯೇಕ ಎಂದು ಹೇಳಿ ತಮಿಳು ಕುಟುಂಬವೊಂದು ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಶೇರ್ ಮಾಡಿದ್ದಾರೆ. ವಿಡಿಯೋದಲ್ಲಿ ಒಬ್ಬ ಮಹಿಳೆ ಬೇಬಿ ಬಂಪ್‌ ಜೊತೆ ನಗುತ್ತಾ ಸಂಭ್ರಮಿಸುತ್ತಾ ಕಾಣಿಸಿಕೊಂಡಿದ್ದಾರೆ. 'ರಂಜಿತಮೇ' ಸಾಂಗ್ ಪ್ಲೇ ಆಗುತ್ತಿದ್ದಂತೆ ಆಕೆಯ ಹೊಟ್ಟೆಯಲ್ಲಿನ ಮಗು ಕುಣಿದಾಡುವಂತಹ ಚಲನೆ ಗೋಚರಿಸುತ್ತವೆ. "ಈ ಹಾಡು ಹಾಕಿದ ಪ್ರತಿಸಾರಿ ನನ್ನ ಮಗು ಹೀಗೆ ಡ್ಯಾನ್ಸ್ ಮಾಡುತ್ತೆ" ಎಂದು ಆಕೆ ಸಂಭ್ರಮಿಸಿದ್ದಾರೆ.

ವಿಡಿಯೋ ಬಗ್ಗೆ ತಮನ್ ಪ್ರತಿಕ್ರಿಯೆ

ಇನ್ನು ವೈರಲ್ ವಿಡಿಯೋ ಬಗ್ಗೆ ಟ್ವಿಟ್ಟರ್‌ನಲ್ಲಿ ಪ್ರತಿಕ್ರಿಯಿಸಿರುವ ಸಂಗೀತ ನಿರ್ದೇಶಕ ತಮನ್, "ಈ ವಿಡಿಯೋ ಮಧುರಾನುಭೂತಿ ನೀಡುತ್ತಿದೆ. ನನ್ನ ಈ ದಿನವನ್ನು ಈ ವಿಡಿಯೋ ಬಹಳ ವಿಶೇಷವಾಗಿಸಿದೆ" ಎಂದು ಬರೆದುಕೊಂಡಿದ್ದಾರೆ. ತಮನ್ ಕನ್ನಡದಲ್ಲಿ ಪುನೀತ್ ರಾಜ್‌ಕುಮಾರ್ 'ಪವರ್', 'ಚಕ್ರವ್ಯೂಹ', 'ಯುವರತ್ನ' ಸೇರಿ ಕೆಲ ಸಿನಿಮಾಗಳಿಗೆ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ.

1 ಕೋಟಿ 30 ಲಕ್ಷ ವೀವ್ಸ್

ಸ್ವತಃ ದಳಪತಿ ವಿಜಯ್ ಹಾಡಿರುವ 'ರಂಜಿತಮೇ' ಸಾಂಗ್ 1 ಕೋಟಿ 30 ಲಕ್ಷಕ್ಕೂ ಅಧಿಕ ವೀವ್ಸ್ ಸಾಧಿಸಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದೆ. ವಿಜಯ್ ಜೊತೆ ಎಂ. ಎಂ ಮಾನಸಿ ದನಿಗೂಡಿಸಿದ್ದಾರೆ. ತಮಿಳಿನಲ್ಲಿ ವಿವೇಕ್, ತೆಲುಗಿನಲ್ಲಿ ರಾಮಜೋಗಯ್ಯ ಶಾಸ್ತ್ರಿ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ತೆಲುಗಿನ ಜಾನಿ ಮಾಸ್ಟರ್ ಡ್ಯಾನ್ಸ್ ಕಂಪೋಸ್ ಮಾಡಿದ್ದಾರೆ.

ಬಾಕ್ಸಾಫೀಸ್‌ನಲ್ಲಿ 'ವಾರಿಸು' ಹವಾ

ವಂಶಿ ಪೈಡಿಪಲ್ಲಿ ನಿರ್ದೇಶನದ 'ವಾರಿಸು' ಸಿನಿಮಾ ವಿಶ್ವದಾದ್ಯಂತ ರಿಲೀಸ್ ಆಗಿ ಸದ್ದು ಮಾಡ್ತಿದೆ. 2 ದಿನ ಮೊದಲೇ ಬಿಡುಗಡೆ ಆಗಿದ್ದ ಸಿನಿಮಾ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಹಳೇ ಕಥೆಯನ್ನೇ ಹೊಸ ರೀತಿಯಲ್ಲಿ ಹೇಳಲಾಗಿದ್ದು ವಿಜಯ್ ಅಭಿಮಾನಿಗಳಿಗೆ ಸಿನಿಮಾ ಇಷ್ಟವಾಗ್ತಿದೆ. ತೆಲುಗಿನಲ್ಲಿ 'ವಾರಸುಡು' ಹೆಸರಿನಲ್ಲಿ 2 ದಿನ ತಡವಾಗಿ ಸಿನಿಮಾ ರಿಲೀಸ್ ಆಗಿದೆ. ಬಾಕ್ಸಾಫೀಸ್‌ನಲ್ಲಿ 'ವಾರಿಸು' ಚಿತ್ರಕ್ಕೆ ಥಲಾ ಅಜಿತ್ ನಟನೆಯ 'ಥುನಿವು' ಟಫ್ ಕಾಂಪಿಟೇಷನ್ ಕೊಡ್ತಿದೆ.