ಪ್ರೇಕ್ಷಕರ ಮುಂದೆ ನಿನಗಾಗಿ ಕಾದಿರುವೆ

300 ಕ್ಕೂ ಹೆಚ್ಚು ಚಿತ್ರಗಳಿಗೆ ಸಾಹಸ ನಿರ್ದೇಶಕನಾಗಿ ದುಡಿದಿರುವ ಜಾಲಿ ಬಾಸ್ಟಿನ್ ಕಥೆ-ಚಿತ್ರಕಥೆ ಬರೆದು ನಿರ್ದೇಶನ ಮಾಡಿರುವ ಕುತೂಹಲಭರಿತ ಪ್ರೇಮಕಥಾನಕ ಜಯ ಕ್ರಿಯೇಷನ್ಸ್‌ರವರ 'ನಿನಗಾಗಿ ಕಾದಿರುವೆ' ಈ ವಾರ(ಅ.16) ಬಿಡುಗಡೆಯಾಗುತ್ತಿದೆ.

ಉದ್ಯಮಿ ಬಿ.ವಿ. ಸತೀಶ್ ಬಾಬು ಹಾಗೂ ಜಾಲಿ ಬಾಸ್ಟಿನ್ ಸೇರಿ ನಿರ್ಮಿಸಿರುವ ಈ ಚಿತ್ರದಲ್ಲಿ ನಟಿ ಪೂಜಾ ಗಾಂಧಿ ನಾಯಕಿಯಾಗಿ ಅಭಿನಯಿಸುವುದರೊಂದಿಗೆ ತಮ್ಮ ಪಾತ್ರಕ್ಕೆ ಮೊಟ್ಟ ಮೊದಲ ಬಾರಿಗೆ ಧ್ವನಿ ನೀಡಿದ್ದಾರೆ. ವಿಶಾಲ್ ಹೆಗ್ಗಡೆ ಹಾಗೂ ದಿಲೀಪ್‌ರಾಜ್ ಈ ಚಿತ್ರದ ನಾಯಕ ನಟರು.

ಸಂಭಾವನೆ ವಿಚಾರದಲ್ಲಿ ಈ ಹಿಂದೆ 'ನಿನಗಾಗಿ ಕಾದಿರುವೆ' ಚಿತ್ರ ವಿವಾದಲ್ಲಿ ಸಿಲುಕಿಕೊಂಡಿತ್ತು. ವಿವಾದದಿಂದ ಹೊರಬಂದಿರುವ ಈ ಚಿತ್ರ ಕಡೆಗೂ ಬಿಡುಗಡೆಯ ಮೋಕ್ಷ ಕಾಣುತ್ತಿದೆ. ಪಿ.ರಾಜನ್‌ರ ಛಾಯಾಗ್ರಹಣ, ರಾಬಿನ್ ಗುರಂಗ್‌ರ ಸಂಗೀತ ಸಂಯೋಜನೆ, ಹೊಸಮನೆ ಮೂರ್ತಿಯವರ ಕಲಾ ನಿರ್ದೇಶನ, ಮದನ್ ಹರಿಣಿಯವರ ನೃತ್ಯ ಸಂಯೋಜನೆ ಈ ಚಿತ್ರಕ್ಕಿದೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)