Click it and Unblock the Notifications
ಪಟಾಯ್ಸು; ಧಮ್ಮಿದ್ರೆ ನಿಭಾಯ್ಸು ಅಂತಿದಾರೆ ರಘು
ನಾಯಕ ರಘು ಹಾಗೂ ನಾಯಕಿ ಐಶ್ವರ್ಯಾ ನಾಗ್ ಜೋಡಿಯ ಈ ಚಿತ್ರದಲ್ಲಿ 'ಚಿಂಗಾರಿ' ಚಿತ್ರದಲ್ಲಿ 'ವಿಲನ್' ಪಾತ್ರದ ಮೂಲಕ ಸ್ಯಾಂಡಲ್ ವುಡ್ ಎಂಟ್ರಿ ಪಡೆದು ಎಲ್ಲರ ಗಮನಸೆಳೆದಿರುವ ನವನಟ 'ಮಧು ಗುರುಸ್ವಾಮಿ' ಪೂರ್ಣ ಪ್ರಮಾಣದ ಖಳನಟರಾಗಿ ಅಭಿನಯಿಸುತ್ತಿದ್ದಾರೆ. ಶೇಖರ್ ಚಂದ್ರ ಛಾಯಾಗ್ರಹಣದಲ್ಲಿ ಚಿತ್ರ ತುಂಬಾ ಶ್ರೀಮಂತವಾಗಿ ಮೂಡಿಬಂದಿದೆ ಎಂಬುದು ಚಿತ್ರತಂಡದ ಅಭಿಪ್ರಾಯ.
ಕೃಷ್ಣನ್ ಲವ್ ಸ್ಟೋರಿ, ಕೃಷ್ಣನ್ ಮ್ಯಾರೇಜ್ ಸ್ಟೋರಿ ಚಿತ್ರಗಳ ಸಂಗೀತ ನಿರ್ದೇಶಕ ವಿ ಶ್ರೀಧರ್, ಪಟಾಯ್ಸು ಚಿತ್ರಕ್ಕೆ ಸಂಗೀತ ನೀಡುತ್ತಿದ್ದಾರೆ. ಜೋನಿ ಹರ್ಷ ಸಂಕಲನ ಹಾಗೂ ರವಿವರ್ಮ ಸಾಹಸ ಚಿತ್ರಕ್ಕಿದೆ. ಮೋಹನ್ ಬಿ ಕೆರೆ ಕಲಾ ನಿರ್ದೇಶನ ಮಾಡಲಿದ್ದಾರೆ.
ರಘು, ಐಶ್ವರ್ಯ ನಾಗ್ ಹಾಗೂ ಮಧು ತಾರಾಗಣದ ಇದರಲ್ಲಿ ನಟಿ ಶ್ರುತಿ ಹಾಗೂ ಗಿರೀಶ್ ಕಾರ್ನಾಡ್ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಉಳಿದಂತೆ ಸುಚೇಂದ್ರ ಪ್ರಸಾದ್, ಶರಣ್, ಸಾಧುಕೋಕಿಲ, ಪ್ರವೀಣ್ ಮುಂತಾದವರು ತಾರಾಬಳಗದಲ್ಲಿದ್ದಾರೆ. ಕಳೆದ ವರ್ಷ ಸೆಪ್ಟಂಬರ್ 2ರಂದು ಮುಹೂರ್ತ ಆಚರಿಸಿಕೊಂಡಿರುವ ಪಟಾಯ್ಸು ಚಿತ್ರ ಈ ವರ್ಷ, 2012ರ ಸೆಪ್ಟೆಂಬರ್ ಅಥವಾ ಅಕ್ಟೋಬರ್ ನಲ್ಲಿ ತೆರೆಕಾಣಲಿದೆ.
Continue with Google