»   »  ಮೈಹುರಿಗಟ್ಟಲು ವಿಜಯ್ ಗೆ ಅಮೆರಿಕ ಪ್ರೋಟೀನ್!

ಮೈಹುರಿಗಟ್ಟಲು ವಿಜಯ್ ಗೆ ಅಮೆರಿಕ ಪ್ರೋಟೀನ್!

By: *ಜಯಂತಿ
Subscribe to Filmibeat Kannada

ಕೊಬ್ರಿ ಮಂಜು ಮಾತಿಗೆ ಎದುರುನಿಂತರೆಂದರೆ ಬಿಸ್ಕತ್ತುಗಳು ಬೀಳೋದು ಗ್ಯಾರಂಟಿ ಎಂಬ ಜೋಕಿದೆ. ಗುರುವಾರ ಕೂಡ ಅವರು ಮಾತಿನ ಪಟಾಕಿ ಸಿಡಿಸಿದರು. 'ಶಂಕರ್ ಐಪಿಎಸ್" ಚಿತ್ರದ ಮುಹೂರ್ತದ ಸಂದರ್ಭವದು. ಅಲ್ಲಿ ಹೊಮ್ಮಿದ ಮಾತಿನ ಮತಾಪುಗಳು...

*ಸಿನಿಮಾ ನಂಗೆ ಪ್ಯಾಷನ್ನು. ಸೋಲು ಗೆಲುವು ಲೆಕ್ಕಕ್ಕಿಲ್ಲ. ಒಳ್ಳೆ ಸಿನಿಮಾ ತೆಗೀತಾನೇ ಇರ್‍ತೀನಿ.

* ಅವಿನಾಶ್ ಅವರ ಪತ್ನಿ ಮಾಳವಿಕಾಗೆ ನನ್ನ ಸಿನಿಮಾದಲ್ಲಿ ನಟಿಸುವ ಚಾನ್ಸ್ ಇಲ್ಲ. ಅವರೊಂದು ಕಥೆ ಸಿದ್ಧಪಡಿಸುತ್ತಿದ್ದಾರೆ. ಅದಕ್ಕೆ ನಾನೇ ನಿರ್ಮಾಪಕ. ಅವರೇ ನಿರ್ದೇಶಕಿ.

* ದಿನೇಶ್ ಬಾಬುಗೆ ಈಚೆಗೆ ತಲೆ ಸರಿಯಿಲ್ಲ.

* ಎಂ.ಎಸ್.ರಮೇಶ್ ಚೆನ್ನಾಗಿ ಕಥೆ ಹೆಣೆಯುತ್ತಾರೆ. ಯೂತ್‌ಗೆ ಏನೇನು ಬೇಕು ಅಂತ ಅವರಿಗೆ ಗೊತ್ತಿದೆ.

* ಅಮೆರಿಕದಿಂದ ಪ್ರೋಟೀನ್ ತರಿಸಿ ವಿಜಯ್‌ಗೆ ಕೊಟ್ಟು, ಮೈ ಹುರಿ ಮಾಡಿಸಿದ್ದೇವೆ. ಕಿಟ್ಟಿ ಎಂಬ ಟ್ರೇನರ್ ಅವರನ್ನು ತಯಾರು ಮಾಡಿದ್ದಾರೆ.

* ನಾಯಕಿ ಹೆಸರು ಕೆಥರಿನಾ. ಮಾಡೆಲ್ಲು. 'ಮಿಸ್ ವರ್ಲ್ಡ್" ಅಲ್ಲಲ್ಲ; ಮಿಸ್ ಇಂಡಿಯಾಗೆ ಹೋದ ವರ್ಷ ಸ್ಪರ್ಧಿಸಿದ್ದು. ದೇಶದ ಟಾಪ್ ಟೆನ್ ಮಾಡೆಲ್‌ಗಳಲ್ಲಿ ಇವರೂ ಒಬ್ಬರು.

ಈ ಪಿಚ್ಚರ್‌ಗೆ ಬಟ್ಟೆ ತುಂಬಾ ಮುಖ್ಯ. ಡಿಸೈನ್ ಡಿಸೈನಾಗಿರಬೇಕು; ಯೂತ್‌ಫುಲ್ ನೋಡಿ. ಅದಕ್ಕೇ ಕತ್ರಿ ಇರ್ಫಾನ್ ಅಂತ ಡಿಸೈನರನ್ನ ಬಾಲಿವುಡ್‌ನಿಂದ ಕರ್‍ಕೊಂಡು ಬಂದಿದೀವಿ. ರಾಜಶ್ರೀ

ಫಿಲ್ಮ್ಸ್‌ನಲ್ಲಿ ಅವರು ಸಿಕ್ಕಾಪಟ್ಟೆ ಕೆಲಸ ಮಾಡಿದ್ದಾರೆ. ಬ್ಯಾಂಕಾಕ್‌ನಿಂದ ಬಟ್ಟೆ ತರಿಸಿ, ಮುಂಬೈನಲ್ಲಿ ಹೊಲೆಸಿಕೊಂಡು ತಂದಿದ್ದಾರೆ. ಎಲ್ಲಾ ಸೂಪರ್ (ಅವಿನಾಶ್ ಕೂಡ ಈ ಮಾತನ್ನು ಸಮರ್ಥಿಸಿದರು).

ದೊಡ್ಡ ದೊಡ್ಡ ಹಾರಗಳನ್ನು ಅತಿಥಿ ಮಹೋದಯರಿಗೆ ಮಂಜು ಹಾಕಿದರು. ಹಾರದಲ್ಲಿ ಆಪಲ್‌ಗಳನ್ನೂ ಸೇರಿಸಿ ಕಟ್ಟಲಾಗಿತ್ತು. ಹಾರ ಹಾಕಿಸಿಕೊಂಡವರಲ್ಲಿ ಭಾರತಿ, ಗುರುಕಿರಣ್, ರವಿಚಂದ್ರನ್, ಸುದೀಪ್ ಪ್ರಮುಖರು.

Please Wait while comments are loading...

ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada