ನಾನು ಮೋದಿ ಬೆಂಬಲಿಸುತ್ತಿಲ್ಲ: ಕಾಂಗ್ರೆಸ್ಸಿಗಿತ್ತಿ ರಮ್ಯಾ

ಮೂರು ದಿನಗಳ ಸದ್ಭಾವನಾ ಉಪವಾಸ ವ್ರತ ಕೈಗೊಂಡಿದ್ದ ಬಿಜೆಪಿ ಹಿರಿಯ ನಾಯಕ ನರೇಂದ್ರ ಮೋದಿ ಅವರ ಮೋಡಿಗೆ ಸಿಲುಕಿದ್ದ ನಟಿ ದಿವ್ಯ ಸ್ಪಂದನ ಎಲ್ಲೋ ಮೋದಿ ಬಗ್ಗೆ ಮೆಚ್ಚುಗೆ ಮಾತುಗಳನ್ನು ಆಡಿದ್ದರು.

ಇದೇ ಕಾರಣ ಇಟ್ಟುಕೊಂಡು ರಮ್ಯಾ ಬಿಜೆಪಿಗೆ ಏಕೆ ಸೇರಬಾರದು,ರಮ್ಯಾ ಅವರಿಗೆ ಇಷ್ಟವಾಗುವ ಭ್ರಷ್ಟಾಚಾರ ವಿರೋಧಿ, ಮಹಿಳೆಯರಿಗೆ ಸಮಾನತೆ ಮುಂತಾದ ಅಂಶಗಳಲ್ಲಿ ಮೋದಿ ಮಾತ್ರ ಯಶ ಸಾಧಿಸಿದ್ದಾರೆ. ರಮ್ಯಾ ಬಿಜೆಪಿ ಸೇರಿದರೆ ಒಳ್ಳೆಯದು ಎಂದು ಬಿಜೆಪಿ ಕಾರ್ಯಕರ್ತರ ಆಸೆಯನ್ನು ಖಾಸಗಿ ವಾಹಿನಿ ಪ್ರಸಾರ ಮಾಡಿತ್ತು.

ಈ ಬಗ್ಗೆ ಸ್ಪಷ್ಟನೆ ನೀಡಿದ ರಮ್ಯಾ, ನಾನು ಬೂತ್ ಮಟ್ಟದ ಚುನಾವಣೆಗೆ ಕಾಂಗ್ರೆಸ್ ಟಿಕೆಟ್ ನಿಂದ ಸ್ಪರ್ಧಿಸಿದ್ದೇನೆ. ಈಗಷ್ಟೆ ಮತದಾನ ಮಾಡಿದ್ದೇನೆ. ಯುವ ಕಾಂಗ್ರೆಸ್ ಅಧ್ಯಕ್ಷ ಸ್ಥಾನದ ಬಗ್ಗೆ ಇನ್ನೂ ಯೋಚಿಸಿಲ್ಲ. ಮೋದಿ ಅವರ ಬೆಂಬಲಿಸಿ ನಾನು ಕಾಂಗ್ರೆಸ್ ಗೆ ದ್ರೋಹ ಬಗೆಯುವುದಿಲ್ಲ ಎಂದು ಹೇಳಿದ್ದಾರೆ.