twitter
    For Quick Alerts
    ALLOW NOTIFICATIONS  
    For Daily Alerts

    6 ತಿಂಗಳಲ್ಲಿ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸಿದ ಚಿತ್ರಗಳು

    |

    Hudugru & Kempegowda
    ಜನವರಿ 1, 2011 ರಿಂದ ಜೂನ್ 30, 2011 ರ ವರೆಗಿನ ಅವಧಿಯಲ್ಲಿ ಬಿಡುಗಡೆಗೊಂಡ ಚಿತ್ರಗಳಲ್ಲಿ ಹಿಟ್ ಆಗಿರುವ ಮತ್ತು ಸುಮಾರಾಗಿ ಹಿಟ್ ಆಗಿರುವ ಚಿತ್ರಗಳ ಪಟ್ಟಿಯನ್ನು ನಿಮ್ಮ ಮುಂದೆ ಇಡುತ್ತಿದ್ದೇವೆ. ಈ ಅವಧಿಯಲ್ಲಿ ಬಿಡುಗಡೆಗೊಂಡ ಪುಟ್ಟಕ್ಕನ ಹೈವೇ ಚಿತ್ರಕ್ಕೆ ಪ್ರಶಸ್ತಿ ಒಲಿದಿದ್ದು ನಿಮಗೆ ತಿಳಿದಿರುವ ವಿಚಾರ.

    ಓದುಗ ಮಹಾಪ್ರಭುಗಳು ಇಲ್ಲಿ ಗಮನಿಸಬೇಕಾದ ಅಂಶವೇನಂದರೆ ಈ ಪಟ್ಟಿ ಮಾಧ್ಯಮದಲ್ಲಿ ಬಂದ ವರದಿಗಳು, ಚಿತ್ರತಂಡ ನೀಡಿದ ಪತ್ರಿಕಾ ಹೇಳಿಕೆ, ಬಾಯಿ ಇಂದ ಬಾಯಿಗೆ ಹರಡಿದ ಸುದ್ದಿಗಳು ಮತ್ತು ನಮ್ಮ ಪತ್ರಿಕಾ ವರದಿಗಾರರು ನೀಡಿದ ವರದಿ ಆಧರಿಸಿ ಬರೆಯಲಾಗಿದೆ.

    ಈ ಆರು ತಿಂಗಳಲ್ಲಿ 54 ಚಿತ್ರಗಳು ಬಿಡುಗಡೆಗೊಂಡಿದ್ದವು. ಇದರಲ್ಲಿ ಎರಡು ಬ್ಲಾಕ್ ಬಸ್ಟರ್, ಮೂರು ಹಿಟ್ ಮತ್ತು ನಾಲ್ಕು ಎವರೇಜ್ ಹಿಟ್ ಚಿತ್ರಗಳನ್ನು ಚಿತ್ರರಂಗ ಕಂಡಿದೆ.

    ಬ್ಲಾಕ್ ಬಸ್ಟರ್ ಸಿನಿಮಾಗಳು
    1. ಕೆಂಪೇಗೌಡ: ತಮಿಳಿನ ಸಿಂಗಂ ಚಿತ್ರದ ರಿಮೇಕ್. ಸುದೀಪ್, ರವಿಶಂಕರ್, ರಾಗಿಣಿ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರ ನಾಡಿನ ಉದ್ದಗಲಕ್ಕೂ ಭರ್ಜರಿ ಸದ್ದು ಮಾಡಿತ್ತು.

    2. ಹುಡುಗ್ರು: ತಮಿಳಿನ ನಾಡೋಡಿಗಳ್ ಚಿತ್ರದ ರಿಮೇಕ್. ಪುನೀತ್ ಮುಖ್ಯಭೂಮಿಕೆ ಯಲ್ಲಿರುವ ಚಿತ್ರ ಎಂದ ಮೇಲೆ ಹಿಟ್ ಗ್ಯಾರಂಟಿ ಅನ್ನುವ ಟ್ರೆಂಡ್ ಈ ಚಿತ್ರದಲ್ಲಿ ಕೂಡ ಮುಂದುವರಿದಿದೆ. ಪುನೀತ್ ಜೊತೆ ಶ್ರೀನಗರ ಕಿಟ್ಟಿ ಮತ್ತು ಯೋಗೀಶ್ ಯಾನೆ ಲೂಸ್ ಮಾದಾ ಅಭಿನಯದ ಚಿತ್ರ. ಯೋಗೀಶ್ ನಟನೆ ವ್ಯಾಪಕ ಪ್ರಶಂಸೆಗೆ ಒಳಗಾಗಿತ್ತು.

    ಹಿಟ್ ಚಿತ್ರಗಳು
    1. ಒಲವೇ ಮಂದಾರ: ಜಯತೀರ್ಥ ನಿರ್ದೇಶನದ ಶ್ರೀಕಾಂತ್, ಆಕಾಂಕ್ಷ, ಶರಣ್ ಮುಖ್ಯ ಭೂಮಿಕೆಯಲ್ಲಿರುವ ಚಿತ್ರ ಸದ್ದಿಲ್ಲದೇ ಗೆದ್ದು ದಕ್ಷಿಣ ಭಾರತದಲ್ಲಿ ಒಳ್ಳೆ ಹೆಸರು ಮಾಡಿತ್ತು. ಈ ಚಿತ್ರ ತಮಿಳು ಮತ್ತು ತೆಲುಗು ಭಾಷೆಗೆ ರಿಮೇಕ್ ಆಗುತ್ತಿದೆ.

    2. ಸಂಜು ವೆಡ್ಸ್ ಗೀತಾ: ಒಂದು ಚಿತ್ರ ಹಿಟ್ ಆಗಲು ಹಾಡು ಬಹಳ ಮುಖ್ಯ ಎಂದು ತೋರಿಸಿ ಕೊಟ್ಟ ಸದಭಿರುಚಿಯ ಸ್ವಮೇಕ್ ಚಿತ್ರ. ಚಿತ್ರದ ಎಲ್ಲಾ ಹಾಡುಗಳು ಜನಪ್ರಿಯತೆಯ ಉತ್ತುಂಗಕ್ಕೆ ಏರಿತ್ತು. ಶ್ರೀನಗರ ಕಿಟ್ಟಿ, ರಮ್ಯಾ ಮುಖ್ಯ ಭೂಮಿಕೆಯಲ್ಲಿರುವ ಈ ಚಿತ್ರವನ್ನು ನಾಗಶೇಖರ್ ನಿರ್ದೇಶಿಸಿದ್ದರು. ಈ ಚಿತ್ರಕ್ಕೆ ಜೆಸ್ಸಿ ಗಿಫ್ಟ್ ಸಂಗೀತ ಸಂಗೀತ ನೀಡಿದ್ದರು.

    3. ಕಿರಾತಕ: ಮತ್ತೊಂದು ರಿಮೇಕ್. ತಮಿಳಿನ ಕಲಾವಾಣಿ ಚಿತ್ರದ ರಿಮೇಕ್ ಆಗಿರುವ ಚಿತ್ರದಲ್ಲಿ ಯಶ್, ಒವಿವಾ ಹೆಲನ್ ಪ್ರಮುಖ ತಾರಾಗಣದಲ್ಲಿದ್ದರು. ಚಿತ್ರ ಉತ್ತಮ ಒಪನಿಂಗ್ ಪಡೆಯದಿದ್ದರೂ ಎಲ್ಲರೂ ಹುಬ್ಬೇರಿಸುವಂತೆ ಹಿಟ್ ಚಿತ್ರದ ಪಟ್ಟಿಗೆ ಸೇರ್ಪಡೆಯಾಯಿತು.

    ಎವರೇಜ್ ಹಿಟ್ ಚಿತ್ರಗಳು
    1. ಬಾಸ್ : ದರ್ಶನ್, ನವ್ಯಾ ನಾಯರ್, ರೇಖಾ ಮತ್ತು ತಮಿಳಿನ ಪ್ರಭು ನಟನೆಯ ಸಿನಿಮಾ, ಎಂದಿನಂತೆ ದರ್ಶನ್ ಚಿತ್ರಕ್ಕೆ ಸಿಗುವ ಹಾಗೆ ಅದ್ದೂರಿ ಒಪನಿಂಗ್ ಪಡೆದಿತ್ತು. ಮೊದಲ ಎರಡು ವಾರ ಉತ್ತಮ ಗಳಿಕೆ ಕಂಡ ಚಿತ್ರ.

    2. ಕೋಟೆ: ಪ್ರಜ್ವಲ್ ದೇವರಾಜ್, ಡಿಂಪಲ್ ನಟನೆಯ ಈ ಚಿತ್ರವನ್ನು ಶ್ರೀನಿವಾಸ್ ರಾಜು ನಿರ್ದೇಶಿಸಿದ್ದರು. ಪ್ರಮುಖವಾಗಿ ಉತ್ತರ ಕರ್ನಾಟಕದ ಭಾಗದಲ್ಲಿ ಬಿಡುಗಡೆಗೊಂಡ ಎಲ್ಲಾ ಥಿಯೇಟರ್ ಗಳಲ್ಲಿ ಚಿತ್ರ ಒಳ್ಳೆ ಕಲೆಕ್ಷನ್ ಪಡೆದಿತ್ತು.

    3. ಕಳ್ ಮಂಜ: ಮಲಯಾಳಂ ಚಿತ್ರದ ರಿಮೇಕ್. ಕೋಮಲ್ ಕುಮಾರ್, ಉದಯತಾರಾ ಅಭಿನಯದ ಚಿತ್ರ ಎವರೇಜ್ ಹಿಟ್ ಆಗಿದ್ದು ಕೋಮಲ್ ಗೆ ಒಂದು ರೀತಿಯಲ್ಲಿ ಬೇರೆ ರೀತಿಯ ಪ್ರಾತ್ರಕ್ಕೆ ಅವಕಾಶ ಸಿಕ್ಕಿದಂತಾಯಿತು.

    4. ಡಬಲ್ ಡೆಕ್ಕರ್: ಹಿಂದಿಯ ಸ್ಯಾಂಡ್ ವಿಚ್ ಚಿತ್ರದ ರಿಮೇಕ್. ಜಗ್ಗೇಶ್, ಶ್ರದ್ದಾ ಆರ್ಯಾ ನಟನೆಯ ಈ ಚಿತ್ರ ಪ್ರೇಕ್ಷಕರನ್ನು ಸೆಳೆಯುವಲ್ಲಿ ಸುಮಾರಾಗಿ ಯಶಸ್ವಿಯಾಗಿತ್ತು.

    English summary
    There are 54 movies released during January to June 2011. Out of that two films are listed as Block buster, 3 hit and 4 average hit movies. Sudeep's Kempe Gowda and Puneet Rajkumar's Hudugru made excellent collection in the box office.
    Tuesday, December 20, 2011, 10:56
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X