ಏಕಕಾಲಕ್ಕೆ ಬಿಡುಗಡೆ :ಅಣ್ಣಾಬಾಂಡ್ ಹೊಸ ಇತಿಹಾಸ

ಸದ್ಯ ಲಭ್ಯವಿರುವ ಮಾಹಿತಿಗಳ ಪ್ರಕಾರ ಅಣ್ಣಾಬಾಂಡ್ ಚಿತ್ರ ಕುವೈಟ್ ನಲ್ಲಿ ಮೇ ಮೂರರಂದು (ಸದ್ಯಕ್ಕೆ ಚಿತ್ರ ಬಿಡುಗಡೆಗೆ ನಿಗದಿಯಾಗಿರುವ ದಿನ) ರಿಲೀಸ್ ಆಗಲಿದೆ. ಇದಕ್ಕಾಗಿ ಹತ್ತು ದಿನಗಳಿಗೆ ಸಿನಿಮಾ ಮಂದಿರವನ್ನೂ ಬುಕ್ ಮಾಡಲಾಗಿದೆ ಎನ್ನುವ ವರದಿ ಕೂಡಾ ಲಭ್ಯವಾಗಿದೆ.

ಮಂಗಳೂರು, ಉಡುಪಿ ಮೂಲದ ಕನ್ನಡಿಗರು ಹೆಚ್ಚಾಗಿರುವ ಕುವೈಟ್ ನಲ್ಲಿ ಅಣ್ಣಾಬಾಂಡ್ ಬಿಡುಗಡೆಯಾಗುತ್ತಿರುವುದು ಆ ಭಾಗದ ಕನ್ನಡಿಗರಿಗೆ ಸಂತಸ ತಂದಿದೆ. ಆಸ್ಟ್ರೇಲಿಯಾ, ಅಮೇರಿಕಾ, ದುಬೈ, ಇಂಗ್ಲೆಂಡ್ ನಲ್ಲೂ ಚಿತ್ರ ಬಿಡುಗಡೆಗೆ ಮಾತುಕತೆ ನಡೆಯುತ್ತಿದೆ ಎಂದು ಬಲ್ಲ ಮೂಲಗಳಿಂದ ತಿಳಿದು ಬಂದಿದೆ.

ದೇಶದ ಇತರ ಭಾಗಗಳಲ್ಲಿ ಮುಂಬೈ, ಚೆನ್ನೈ, ಹೈದರಾಬಾದ್, ದೆಹಲಿ, ಪುಣೆಯಲ್ಲೂ ಅಣ್ಣಾಬಾಂಡ್ ಚಿತ್ರ ಏಕಕಾಲದಲ್ಲಿ ರಿಲೀಸ್ ಆದರೆ ಆಶ್ಚರ್ಯ ಪಡಬೇಕಾಗಿಲ್ಲ.