ನಾನು ಕನ್ನಡ ಚಿತ್ರರಂಗದ ಅಭಿಮಾನಿ - ಎಚ್ಡಿಕೆ

ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಚಿತ್ರರಂಗಕ್ಕೆ ಹೊಸಬರೇನಲ್ಲ. ವಿತರಕರು, ನಿರ್ಮಾಪಕರು ಮತ್ತು ಚಿತ್ರಮಂದಿರದ ಮಾಲೀಕರಾದ ಎಚ್ಡಿಕೆ, ಚಿತ್ರರಂಗದಲ್ಲಿನ ತನ್ನ ಮಿತ್ರರು, ಸಹದ್ಯೋಗಿಗಳಿಂದ ಸಿನಿಮಾಕೆ ಸಂಬಂಧಪಟ್ಟ ವಿಷಯಗಳನ್ನು ತಿಳಿದುಕೊಳ್ಳುತ್ತಿರುತ್ತಾರೆ.

ಸದ್ಯ ರಾಜಕೀಯದಲ್ಲಿ ಬ್ಯೂಸಿಯಾಗಿರುವ ನಾನು ಚಿತ್ರರಂಗದಿಂದ ದೂರವಿದ್ದೇನೆ ಅಷ್ಟೇ, ಆದರೂ ಚಿತ್ರರಂಗದಲ್ಲಿನ ನನ್ನ ಸ್ನೇಹಿತರ ಮೂಲಕ ಯಾವಯಾವ ಚಿತ್ರಗಳು ಬಿಡುಗಡೆಗೊಂಡಿವೆ, ಹೇಗೆ ಓಡುತ್ತಿವೆ ಎಂದು ವಿಚಾರಿಸುತ್ತಿರುತ್ತೇನೆ ಎಂದು ಚಿತ್ರರಂಗದ ಮೇಲೆ ತನಗಿರುವ ಅಭಿಮಾನವನ್ನು ತೆರೆದಿಟ್ಟಿದ್ದಾರೆ.

ನಾನು ಮತ್ತು ನಮ್ಮ ಪಕ್ಷದ ಕಾರ್ಯಕರ್ತರಾದ ಸಂದೇಶ್ ನಾಗರಾಜ್ ಚಿತ್ರರಂಗದ ಬಗ್ಗೆ ಮಾತಾನಾಡುತ್ತಿರುತ್ತೇವೆ. ಚಿತ್ರರಂಗದಿಂದ ಸದ್ಯ ದೂರವಿದ್ದರೂ ನನಗೆ ಕನ್ನಡ ಚಿತ್ರಗಳ ಮೇಲೆ ಬಹಳಷ್ಟು ಕಾಳಜಿ ಇದೆ ಎಂದು ಎಚ್ ಡಿ ಕುಮಾರಸ್ವಾಮಿ ಹೇಳಿದ್ದಾರೆ.