ಕೆಜಿಎಫ್ ಚಾಪ್ಟರ್ 2 ಟೀಸರ್ ಮೇಲಿರುವ ನಾಲ್ಕು ನಿರೀಕ್ಷೆಗಳು

ರಾ ಮೇಕಿಂಗ್, ಜಬರ್‌ದಸ್ತ್ ಆಕ್ಷನ್

2018ರಲ್ಲಿ ತೆರೆಕಂಡಿದ್ದ ಸೂಪರ್ ಹಿಟ್ ಚಿತ್ರದ ಮುಂದುವರಿದ ಭಾಗ ಇದಾಗಿದ್ದು, ಮೇಕಿಂಗ್ ವಿಚಾರಕ್ಕೆ ಆ ಸಿನಿಮಾ ಭಾರಿ ಸುದ್ದಿಯಾಗಿತ್ತು. ಬಹುಶಃ ರಾ ಸ್ಟೈಲ್ ಮೇಕಿಂಗ್ ಹೇಗಿರಲಿದೆ ಎಂಬ ಝಲಕ್ ಈ ಟೀಸರ್‌ನಲ್ಲಿ ಸಿಗಬಹುದು. ಅಷ್ಟೇ ಅಲ್ಲ ಕೆಜಿಎಫ್ ಪಕ್ಕಾ ಆಕ್ಷನ್ ಮಸಲಾ. ಹಾಗಾಗಿ, ಯಶ್ ಬರ್ತಡೇಗೆ ಬರುವ ಟೀಸರ್ ತುಂಬಾ ಕುತೂಹಲ ಮೂಡಿಸಿದೆ.

ಅಧೀರನ ಎಂಟ್ರಿ!

ಸಂಜಯ್ ದತ್ ಅಧೀರನ ಪಾತ್ರದಲ್ಲಿ ಸಂಜಯ್ ದತ್ ನಟಿಸಿರುವುದು ಗೊತ್ತೆ ಇದೆ. ಅಧೀರ ಫೋಸ್ಟರ್ ಮಾತ್ರ ನೋಡಿದ್ವಿ. ಈಗ ಟೀಸರ್‌ನಲ್ಲಿ ಅಧೀರನ ಪೂರ್ತಿ ಗೆಟಪ್ ಹಾಗೂ ಎಂಟ್ರಿ ಹೇಗಿರಲಿದೆ ಎಂದು ನೋಡಲು ಕಾಯುತ್ತಿದ್ದಾರೆ.

ರವೀನಾ ಟಂಡನ್ ಲುಕ್

ಬಾಲಿವುಡ್ ನಟಿ ರವೀನಾ ಟಂಡನ್ ಕೆಜಿಎಫ್ ಚಾಪ್ಟರ್ 2 ಚಿತ್ರದಲ್ಲಿ ಪ್ರಧಾನಮಂತ್ರಿ ರಮಿಕಾ ಸೇನ್ ಪಾತ್ರದಲ್ಲಿ ನಟಿಸಿದ್ದಾರೆ. ರವಿನಾ ಅವರ ಲುಕ್ ಇದುವರೆಗೂ ಬಹಿರಂಗವಾಗಿರಲಿಲ್ಲ. ಹಾಗಾಗಿ, ಈ ಟೀಸರ್‌ನಲ್ಲಿ ರಮಿಕಾ ಸೇನ್ ಅವತಾರ ಸಹ ನೋಡಬಹುದು ಎಂಬ ಕಾತುರ.

ರಿಲೀಸ್‌ಗೆ ಬಗ್ಗೆ ಅಪ್‌ಡೇಟ್

ಕೆಜಿಎಫ್ 2 ಬಿಡುಗಡೆ ಬಗ್ಗೆ ಯಾವುದೇ ಸ್ಪಷ್ಟತೆ ಸಿಕ್ಕಿಲ್ಲ. ಟೀಸರ್‌ನಲ್ಲಿ ರಿಲೀಸ್ ಕುರಿತು ಸುಳಿವು ಅಥವಾ ಮಾಹಿತಿ ನೀಡಬಹುದಾ ಎಂಬ ಲೆಕ್ಕಾಚಾರವೂ ಇದೆ.