ಬಸ್‌ನಲ್ಲಿ ಬಂದು 'ಕಾಂತಾರ' ವೀಕ್ಷಿಸಿದ ಕಾಸರಗೋಡಿನ ಒಂದೇ ಗ್ರಾಮದ 69 ಮಂದಿ!

ಕಾಸರಗೋಡಿನಲ್ಲಿ 'ಕಾಂತಾರ' ಕ್ರೇಜ್

ರಿಷಬ್ ಶೆಟ್ಟಿಗೂ ಕಾಸರಗೋಡಿಗೂ ಬಿಡಲಾರದ ನಂಟು ಇದೆ. ಈ ಹಿಂದೆ ರಿಷಬ್ ಶೆಟ್ಟಿ ನಿರ್ದೇಶಿಸಿದ್ದ ಸಿನಿಮಾ 'ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು' ಗೆದ್ದು ಬೀಗಿತ್ತು. ಕಾಸರಗೋಡಿನ ಜನರೂ ಕೂಡ ಆ ಸಿನಿಮಾವನ್ನು ಮೆಚ್ಚಿ ಕೊಂಡಾಡಿದ್ದರು. ಈಗ ಅಲ್ಲಿನ ಜನರಿಂದ ರಿಷಬ್ ಶೆಟ್ಟಿಯ ಮತ್ತೊಂದು ಸಿನಿಮಾ 'ಕಾಂತಾರ'ಗೂ ಅದೇ ಪ್ರೀತಿ ಸಿಕ್ಕಿದೆ. ದೇಶದೆಲ್ಲೆಡೆ ಸದ್ದು ಮಾಡುತ್ತಿರುವ ಕನ್ನಡವನ್ನು ಮುಗಿಬಿದ್ದು ನೋಡಿದ್ದಾರೆ.

'ಕಾಂತಾರ' ಹಿಂದಿ ವರ್ಷನ್ 3 ದಿನದ ಒಟ್ಟು ಕಲೆಕ್ಷನ್ ಎಷ್ಟು? ಕಾರ್ತಿಕೇಯ 2 ಕಲೆಕ್ಷನ್ ಬ್ರೇಕ್ ಆದರೂ ‌ಆಶ್ಚರ್ಯವಿಲ್ಲ!

ಒಂದೇ ಗ್ರಾಮದ 69 ಮಂದಿಯಿಂದ ಸಿನಿಮಾ ವೀಕ್ಷಣೆ

'ಕಾಂತಾರ' ಸಿನಿಮಾಗೆ ಎಲ್ಲಾ ರಾಜ್ಯಗಳಲ್ಲೂ ಭರ್ಜರಿಯಾಗಿ ಮೌತ್ ಪಬ್ಲಿಸಿಟಿಯಿಂದಲೇ ಸಿಕ್ಕಿದೆ. ಹೀಗಾಗಿ ಅವರ ಭಾಷೆಯಲ್ಲಿ ಸಿನಿಮಾ ರಿಲೀಸ್ ಆಗದೇ ಹೋದರೂ, ಕನ್ನಡದಲ್ಲಿಯೇ ಸಿನಿಮಾ ನೋಡುತ್ತಿದ್ದಾರೆ. ಕಾಸರಗೋಡು ಜಿಲ್ಲೆಯ ಬದಿಯಡ್ಕ ಗ್ರಾಮದ ಕುಂಟಾಲುಮೂಲೆ ಎಂಬ ಗ್ರಾಮದ ಸುಮಾರು 69 ಮಂದಿ 'ಕಾಂತಾರ' ಸಿನಿಮಾವನ್ನು ಒಟ್ಟಿಗೆ ವೀಕ್ಷಿಸಿದ್ದಾರೆ. ತಮ್ಮ ಗ್ರಾಮದಿಂದ ಬಸ್ ಮೂಲಕ ಕಾಸರಗೋಡಿಗೆ ಪ್ರಯಾಣ ಮಾಡಿ ಬಂದು, ಸಿನಿಮಾ ವೀಕ್ಷಿಸಿದ್ದಾರೆ.

ಮಲಯಾಳಂಗೆ ಇನ್ನೂ ಡಬ್ ಆಗಿಲ್ಲ

ರಿಷಬ್ ಶೆಟ್ಟಿ ಅಭಿನಯದ 'ಕಾಂತಾರ' ಸಿನಿಮಾ ಇನ್ನೂ ಮಲಯಾಳಂಗೆ ಡಬ್ ಆಗಿಲ್ಲ. ಕೇವಲ ಹಿಂದಿ, ತೆಲುಗು, ತಮಿಳು ಭಾಷೆಗಳಿಗೆ ಮಾತ್ರ ಡಬ್ ಆಗಿ ಸಿನಿಮಾ ರಿಲೀಸ್ ಆಗಿದೆ. ಅಷ್ಟರಲ್ಲೇ 'ಕಾಂತಾರ' ಸಿನಿಮಾವನ್ನು ಕೇರಳದಲ್ಲಿ ಹಲವು ಮಂದಿ ವೀಕ್ಷಣೆ ಮಾಡಿದ್ದಾರೆ. ಸದ್ಯ ಕೇರಳದಲ್ಲೂ ಸಿನಿಮಾ ಬಗ್ಗೆ ಕ್ರೇಜ್ ಹೆಚ್ಚಾಗಿದ್ದು, ಅತೀ ಶೀಘ್ರದಲ್ಲಿ ಸಿನಿಮಾ ಮಲಯಾಳಂಗೆ ಡಬ್ ಆಗಿ ಬಿಡುಗಡೆಯಾಗುತ್ತಿದೆ.

'ಕಾಂತಾರ' 100 ಕೋಟಿ ಕ್ಲಬ್

ರಿಷಬ್ ಶೆಟ್ಟಿ ಸಿನಿಮಾ ಬಿಡುಗಡೆಯಾಗಿ ಸುಮಾರು 19 ದಿನಗಳಾಗಿವೆ. 17ನೇ ದಿನಕ್ಕೆ (ಅಕ್ಟೋಬರ್ 16) 'ಕಾಂತಾರ' ಸಿನಿಮಾ ವಿಶ್ವದಾದ್ಯಂತ ಎಲ್ಲಾ ಭಾಷೆಗಳಿಂದಲೂ ಸುಮಾರು 100 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಜೊತೆಗೆ ಎರಡನೇ ದಿನದಿಂದಲೇ ಹಿಂದಿ ಬೆಲ್ಟ್ ಹಾಗೂ ತೆಲುಗು, ತಮಿಳಿನಲ್ಲೂ 'ಕಾಂತಾರ'ಗೆ ರೆಸ್ಪಾನ್ಸ್ ಜೋರಾಗಿಯೇ ಇದೆ. ಹೀಗೆ ಮುಂದುವರೆದರೆ 'ಕಾಂತಾರ' 200 ಕೋಟಿ ಕ್ಲಬ್ ಸೇರುವುದರಲ್ಲಿ ಡೌಟೇ ಇಲ್ಲ.